Ɓalɔ́ma 6:3 - Ɔngana á Kɛ̌kɛ

³ Ɓooɓosa te, ɓesu ɓɔbu íɓunde ɗáɓásóɓatisi ka nyɔngɔ á jukana asu na Yéso Kiísito, oɓatisɔ ndɔ asójúkanisi na yɛ ka kukuwa akɛ?

Ɓalɔ́ma 6:3 Iomraidhean Croise

Matáyɔ 28:19

Cɔ, gǎni ka ɓato á ekuna bui, ɓókětiɛ ɓɔ ka ɓá ɓagoigi, ɓóǒɓatisɛ ɓɔ k'ína á Abɛ, k'ína á Anakɛ, na k'ína á Měma á kanga ɓojeɗe.

Ekuma á ɓateki 19:5

Ka ɔ́ka á ɓɔ nyɔngɔ ndɔ, ɓáǒɓatisa k'ína á Mɔkɔta Yéso.

Ekuma á ɓateki 2:38

Mpɔ, Pɛ́tɛɛ áǒsikisia te: «Kětiani tambea anu ájeɗe, ɓánoɓatisɛ moci-moci ka ina á Yéso Kiísito gea te, Mokonga áímɛ ɓojeɗe nɛnu, mpɔ ɓoɓande na ɓokambia á Měma á kanga ɓojeɗe.

Ekuma á ɓateki 8:16

Nga, nna na ka ɓɔ nde Měma á kanga ɓojeɗe ɗádidi gǎkɛ gǔ akɛ, ɗáɓěɓatisi tɔ k'ína á Mɔkɔta Yéso.

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

Ɓalɔ́ma 6:8

Cɔ, kaɓɛ na ɓeku kimoci na Kiísito, ɓeɓeeki phɔtɔ gea ɓeendande kimoci na yɛ.

Ɓalɔ́ma 7:1

Cɔ, ɓaya, ɓoodigimisa nyɔngɔ ɛ́ɔphi nde nɛɔyɔnga na ɓenu íɓunde ɓooúba ɛɔphi ánjá gea te, nkpa a tɔ oɓá kusi á kɔkɔta ɛ́ɔphi mbenɔ nde a phɔ́tɔ koenda.

1 Ɓakɔlítɔ 10:2

Egugu na iɓo ndɔ, ɗátú mphangiɔ á oɓatísɔ ka ɓɔ ɓɔbu ka gea, ɓájukanɛ na Mósa.

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

1 Ɓakɔlítɔ 15:29

Cɔ, aoɓá ɓasí na ɓákájujukɛku ka kukuwa, ka nyɔngɔ eke nde, ɓáǒɓatisa ɓakpa ɓuangbo ka nyɔngɔ á ɓakpa nɛɓɔ ɓunde ɓasí? Aoɓá ɓasí na ɓákáojujuka ka kukuwa, ka nyɔngɔ éke nde ɓakpa ɓunɛngbo ɓáǒɓatisa k'ɔ́ma á ɓadaɓɔ íɓundɔ ɓasí?

1 Ɓakɔlítɔ 3:16

Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

1 Ɓakɔlítɔ 5:6

Nna na kema nde akeni ɓóobebɛ ně. Ɓókóoúba gea, cacu ábɔa aoɓimbisa mokati bui?

1 Ɓakɔlítɔ 6:19

Ɓókó gǎkɛ oúba gea, nyama anu ande endu ndea Měma á kanga ɓojeɗe? Na Měma nde ɓoně Mokonga aámbé anophi? Ɓókó ɓamɛna-nyama anu sasanu.

1 Ɓakɔlítɔ 6:9

Ɓókóoúba gea, ɓakpa nde ɓáogea ájeɗe ɓákáɓɛku na ɓotukɔ ka koɓoamɛ ndea Mokonga? Ɓókǒdemɛ mɔnɔ sasanu. Ɓakpa nde ɓákáɓɛku na ɓotukɔ ka koɓoamɛ ndea Mokonga ɓáungee: Ɓato á iɛɓɛ, ɓato á beba á ɓamokonga á mbɛa, ɓato á otungɔ, ɓǒko íɓunde ɓáǒɗaga ɓadaɓɔ ɓǒko,

1 Ɓakɔlítɔ 9:13

Nga, ɓooúba ánjá gea, ɓakpa nde ɓaɔbɛɗanaga k'éndu ndea Mokonga, ɓáɔtɔa ea nɛɓɔ suɓi éndu ndea Mokonga. Na ɓakpa nde ɓáɔbɛɗanaga ekuma ɔ́phɛ́ɔ gǔ á ɛtɛ-ɔ́phɛ́ɔ, ɓá tɔ na keɓu ínɛɓɔ ka nyama á phɛ́a ndɔɔ.

1 Ɓakɔlítɔ 9:24

Ɓókóoúba gea te, ɓo ɓea ɓato á njoko á gǎ á mbangɔ ɓásii? Nkpa moci tɔ ámbé ɓáɔnkɔma. Cɔ, ɓáni ɓea nkpa ndɔɔ.

2 Ɓakɔlítɔ 13:5

Cɔ, óengani sasanu ka ɗigimisa gea, ɓonde ɓaɓêki á ɗoni. Ɓooúba gea, Kiísito a sɔsɔɓɛ anu. Nna ɓo? Kaɓɛ na nna ɓó, ámbé ɓotugbanigi suɓi á ɓeekea.

Ɓagalatía 3:27

Kaɓondɔ, ɓenu ɓɔbu ɓunde ɗóɓojúkani na Kiísito k'óɓatisɔ, tambea anu akengeani ye tɔ na yɛ.

Yakɔ́ɓɔ 4:4

Ɓato á kanga ɓeekea nde ca! Ɓókóoúba gea, aoɓá nkpa n'abisi mɔphɛ akɛ ka nyɔngɔ á ka mokonda, ande mɓiɓia ndea Mokonga? Mmbé akondi bisa mɔphɛ akɛ ka kema á ka mokonda ande mɓiɓia ndea Mokonga.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.