Ɓalɔ́ma 6:22 - Ɔngana á Kɛ̌kɛ

²² Kɛ̌kɛnde ɓókó ye ɓakɔɓɛ á ɓojeɗe, ɓo ye ndiu ɓabɛɗanigi ndea Mokonga. Ɓɔɔtɔtɔkisa kema nde aɔmɓɔngɛa Mokonga, sungiaga anu ande enda á mɛyɔ kimoci na Mokonga.

Ɓalɔ́ma 6:22 Iomraidhean Croise

Matáyɔ 13:40

Ɓea ɓî ɓáophúia ɔphɔ ájeɗe na ɓóaga á ntɔkɛ í ka makea ka nsa, aɓáeka phɔtɔ ɓó, ka sungiaga á mokonda.

Matáyɔ 13:43

Ɓato á koɗoni ɓáphenuagande gǎkɛ ɓea maní, ka koɓoamɛ ndea Abaɓɔ. Mmbé ana kecue, ambe áɔ́kɛ.

Matáyɔ 19:29

Na nkpa buakɛ mmbé ɗáɗeketi endu nɛɓɔ, ɓana-amakɛ, ɓ'áwákɛ, abakɛ, amakɛ, ɓaniki nɛkɛ, na ciko nɛkɛ ka nyɔngɔ ani, ɓátɔande ú kɔnyɛ́nya mɔngɔ mia moci (100), na tɔá phɔtɔ enda á mɛyɔ.

Matáyɔ 25:46

Cɔ, ɓɔ, ɓágande otambanga mɛyɔ. Ɓato á koɗoni gǎkɛ ɓáɓande na enda á mɛyɔ.»

Yoáni 15:16

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Yoáni 15:2

Aotena ntabi bui nnde ajúkani n'eme na nnaɔgɔmba. A gǎkɛ ɔɓɔngisiaga nnde aɔgɔmba ka gea te, ágɔmbɛ goto phɛɛ.

Yoáni 4:36

Nto á ɗungu a ye tɔ n'ophendɔ nɛkɛ, a phɔtɔ odondanisaga mbó ka nyɔngɔ á enda á mɛyɔ. Cɔ, nkonanigi na nto á ɗungu ɓá tɔ na maseye kimoci.

Yoáni 8:32

Mpɔ, ɓoúbande ɗoni na ɗoni ndɔ anotókisande ka kɔkɔɓɛ.»

Ɓalɔ́ma 6:14

Ɓojeɗe káɓɛku ye na kɔkɔta gǔ anu nga, ɓókó ye kusi á ɛɔphi, ɓo ndiu kusi á ɓonjánja-ékondi ndea Mokonga.

Ɓalɔ́ma 6:18

Kaɓondɔ, ɓókó ye ɓakɔɓɛ á ɓojeɗe, ɓo ye ndiu ɓakɔɓɛ á gea á kema á koɗoni.

Ɓalɔ́ma 6:21

Cɔ, ɗóɓotɔí kema sina ka tambea ájeɗe nde ɗóɓootambea kala, nnde ɓookuwa na soni í kesande? Sungiaga í a tɔ kukuwa!

Ɓalɔ́ma 7:25

Mokonga áɓɛ n'obebɔ ka nyɔngɔ á Mɔkɔta nɛsu Yéso Kiísito! Kaɓondɔ, nɛɔbɛɗaneaga ɛɔphi ndea Mokonga ka úbapha ani, nê phɔtɔ ɔbɛɗaneaga ɛɔphi á ɓojeɗe ka etéte á nyama ani á kokpa.

Ɓalɔ́ma 7:4

Cɔ, ɓaya, a phɔtɔ ɓó ka phɔanu ka nyɔngɔ á ɛɔphi, ɓenu ɗóɓoku phɔtɔ ɓó ka phɔa ɛ́ɔphi ka nyɔngɔ nde ɓojúkani na Kiísito ka nyama, mmbé ɗájujúki sɔsɔɓɛ á ɓasí ka gea te, ɓɛ́gɔmbisɛ mbuka ka Mokonga.

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

1 Ɓakɔlítɔ 7:22

Nga, nkpa nde Mɔkɔta ɗámɔphani n'ande nkɔɓɛ, atóki ye tɔ ka kɔkɔɓɛ ɓî a ye nkpa ndea Mɔkɔta. Nkpa nde Mɔkɔta ɗámɔphani na nna nkɔɓɛ, a ye gǎkɛ nkɔɓɛ ndea Kiísito.

2 Ɓakɔlítɔ 3:17

Cɔ, wani, ina ndɔ Mɔkɔta ande Měma. Ɔma nde Měma á Mɔkɔta a ɓei, ɔma ndɔ nna na kɔkɔɓɛ.

Ɓagalatía 1:10

Cɔ, ka yɔnga ani kɛ̌kɛnde ɓó, ande gea te neokáɓa gea, ɓakpa ɓámoɓeekeɛ? Ɓɛɛndɔ! Ne ndiu okáɓa gea Mokonga ámbé ámoɓeekeɛ. Ande gea te, neokáɓa ékondisaga na ɓakpa? Atú oɓá na neokáɓa ékondisaga na ɓakpa, ámbé kétóɓɛku mbɛɗanigi ndea Kiísito.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaɛphɛ́sɔ 5:9

Nga, owanga aobikisa ɓonjánja bui, koɗoni na ɗoni.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 4:17

Nna gea te, neokáɓa ɛkɔmi. Ne ndiu tɔ okáɓa ɓikisa á ɓokambia nɛnu.

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

Ɓakɔlɔsái 4:12

Epáphaa mmbé a phɔtɔ ɓ'anu, anósesi. Ande mbɛɗanigi nde ɓa Kiísito Yéso. Yɛ, aopúa na mɛma á Mokonga na moíngí ka nyɔngɔ anu gea te, ɓókakamanɛ na mɔtaga ka měma, ɓósuiɛ gea kema bubui ka mɔphɛ ndea Mokonga.

Títɔ 1:1

Títɔ, samba! Eme Pɔ́lɔ, mbɛɗanigi nde ɓa Mokonga na nteki nde ɓa Yéso Kiísito aámbé neɗundu ɓaoɓa ndee. Mokonga ɗámoteki ka gea, ɓakpa nde yɛ ɗáɛsɔmbu ɓámɓeekeɛ na úbisa aɓɔ ɗoni nde akeni ka kanisa nɛsu.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

Yakɔ́ɓɔ 1:1

Eme Yakɔ́ɓɔ mbɛɗanigi ndea Mokonga na Mɔkɔta Yéso Kiísito nenósambei. Nenóɗundui ɓenu ɓato á k'ékuna nkama na iɓɛ (12) ɓunde ɓophanjekani ka mokonda.

1 Pɛ́tɛɛ 1:9

Ɓona maseye ndɔ ka nyɔngɔ nde, ɓooama ka měma. Nndɔ unge ande cina á ɓeekea nɛnu.

1 Pɛ́tɛɛ 2:16

Tambeani ɓea ɓakpa nde ɓátóki ka kɔkɔɓɛ, a gǎkɛ oɓá n'a ɓó, nndɔ kaɓɛmbɛ aphe á gbukumia á ɓojeɗe. Tambeani ndiu ɓíndɔ akeni ka ɓabɛɗanigi ndea Mokonga.

Mphaniɔ 7:13

Mpɔ, ka ɓagbɛga ndɔ, moci áomúsia: «Cɔ, ɓunde ɓáɔ́li bɔngɔ éndǎndandǎ ábu ɓánde ɓa ani? Ɓátóki wani?»