Ɓalɔ́ma 6:21 - Ɔngana á Kɛ̌kɛ

²¹ Cɔ, ɗóɓotɔí kema sina ka tambea ájeɗe nde ɗóɓootambea kala, nnde ɓookuwa na soni í kesande? Sungiaga í a tɔ kukuwa!

Ɓalɔ́ma 6:21 Iomraidhean Croise

Ɓalɔ́ma 1:32

Ɓɔ ɓaoúba gea, ɛɔphi ndea Mokonga asosi te, ɓunde ɓáotambea ɓó, akeni ɓákuwɛ. Cɔ, ɓɔ, nanga ɓáúba nndɔ, ɓáotútuisa gea í na gamana phɔtɔ na ɓakpa nde ɓáogea ɓó.

Ɓalɔ́ma 5:12

Cɔ, ka nyɔngɔ á nkpa moci tɔ, Adámu aunge ɓojeɗe ɗángí ka mokonda, ɓojeɗe ndɔ áobikisa kukuwa. Kaɓondɔ unge, kukuwa andandi ka ɓakpa ɓɔbu nga, ɓɔbu ɗáɓági ɓojeɗe.

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

Ɓalɔ́ma 7:5

Nga, mbenɔ nde ɗéɓeotambea ka kokpa, mosenda ájeɗe nde ɛɔphi ɗáososea suɓi asu na kema ájeɗe bui nde ɗéɓeogea, ɗá tɔ osoɓotea ka kukuwa.

Ɓalɔ́ma 8:13

Nga, kaɓɛ na ɓooenda ka tambea nɛnu á kokpa, ɓokuwande. Kaɓɛ gǎkɛ na ɓokusí nyama anu ka ɓeá tambea á Měma á Mokonga, ɓoendande.

Ɓalɔ́ma 8:6

Cɔ, nkpa aoɓea tambea á kokpa, tambea ndɔ áonkusa. Nkpa a gǎkɛ oɓea tambea á Měma á Mokonga, tambea ndɔ áomopha enda na ɓujɛjɛ.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

2 Ɓakɔlítɔ 7:11

Cɔ, ɔ́nani phɔ́ kema nde esúia nde ande á mɔphɛ á Mokonga aobikisa: Ɓá na moíngí phɛɛ, ɛ́yɔngɛa, kangea ɓojeɗe, ɓá na ɔ́kapha, ɓá na mɔphɛ á ɔna ani, ɓá na mɔphɛ á bɛɗaneaga ani, keea ɓojeɗe. Kaɓondɔ, ɓɔɔnisi gea, ɓókótú suɓi á nyɔngɔ ndɔɔ.

Ɓaphilípi 3:19

Sungiaga aɓɔ ande ɓúngaga. Nga, Mokonga nɛɓɔ ande sɔphɔ aɓɔ. Ɓáǒbeba na kema nde atókeni kusa aɓɔ na soni. Ɓábisi tɔ měma aɓɔ ka kema á ka mokonda ndee.

Ɓaɛbulanía 10:29

Cɔ, ɓookanisia ɓo? Nkpa nde aɔmɓɛnjiaga Muna-Mokonga, kákeni ɓántambisɛgɛ akpɛ phɛɛ? Nga, yɛ nnaɔɔna kantíti á magia á ɔngana nde aími ɓojeɗe nɛkɛ, abómi phɔtɔ Měma mmbé asóúbisi ɓonjánja-ékondi ndea Mokonga.

Ɓaɛbulanía 6:8

A gǎkɛ oɓá oɗo ndɔ n'aɔtɛisa mbó ájeɗe n'índe á ngenge-ngenge, oɗo ndɔ nna na kantíti, Mokonga a bíbí á sɛmɛaga í. Sungiaga á í a tɔ toɓoa í.

Yakɔ́ɓɔ 1:15

Mɔphɛ ájeɗe ndɔ a ye ɔmɔta áɔɓɔkɔta ɓojeɗe. Ɓojeɗe a ye ɔmɔta áɔɓɔkɔta kukuwa.

Yakɔ́ɓɔ 5:20

Úbani gea: Mmbé ankiɗianisi nto á ɓojede k'aphe ánjá, anamisande ka kukuwa na ɓáímande ɓojeɗe nɛkɛ ásii.

1 Pɛ́tɛɛ 4:17

Cɔ, mbenɔ á tena nyɔngɔ a bîmani. Aoɓá tena á nyɔngɔ n'akpangi ka ɓesu ɓato á Mokonga, sungiaga í aɓande ɓoni ka ɓunde ɓáoyá ɓeekea á Mbino-Ánjá ndea Mokonga?

1 Yoáni 2:28

Cɔ, ɓaniki amɔ! Kɛ̌kɛnde ikani suɓi á ɔngana na Kiísito ka gea te, esa nde asɛnɛkaeka, ɓéoɓá na nseɓeɔ kángá á kuwa na soni mosá akɛ ka bika akɛ.

Mphaniɔ 16:6

Ɓakpa ɗáɓáɗǔkisi magia á ɓakpa nɛkɔ na nnde á ɓaɔtu-nyɔngɔ nɛkɔ. Ɗóɓophi magia ka gea, ɓánoɛ ú. Ɓátɔi nnde akenani na ɓɔ.»

Mphaniɔ 20:14

Ɓáǒmaka kukuwa na nji á ɓasí k'ɛɛmbɛ á nsa, nnde ande kuwa mɔngɔ á ko iɓɛ.