Ɓalɔ́ma 6:17 - Ɔngana á Kɛ̌kɛ

¹⁷ Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

Ɓalɔ́ma 6:17 Iomraidhean Croise

Ekuma á ɓateki 11:18

Ɓî ɓáɔ́ki ye nyɔngɔ ndɔ, ɓɔbu ɓáɔphɔnga. Ɓáombeba Mokonga, ɓáogea: «Ande ɗoni, Mokonga aeɓophi ɓato á k'ékuna nɛngbo ɓukpɛkpɛ á kětia á tambea aɓɔ mosá akɛ, ka ɓá na enda á kɛ̌kɛ.»

Ekuma á ɓateki 28:15

Wa, ɓadasu ɓaɓêki ɓundɔ ɓá ka Lɔ́ma ɓáɔɔ́ka mbino asu, ɓáobika k'aphe á dondanisa asu. Ɓéodondana na ɓɔ ka mosomba á Apíɔ, ɓuangbo goto ka nji moci nnde ɓáɔɔphana Tiɛtabɛ́nɛ. Ɓî Pɔ́lɔ ɛ̌ɓɔni ye, áombeba Mokonga, áotúma na ɓukpɛkpɛ ka měma.

Ɓalɔ́ma 1:5

Ka nyɔngɔ á Yéso unge Mokonga ɗámopi ɓonjánja-ékondi na ekuma á ɓá nteki, ka úbisa á ɓato á ekuna bui gea te, ka ina akɛ ɓámɓeekeɛ na ɓámɓangɛ.

Ɓalɔ́ma 1:8

Mosá á kema bui, neonsega Mokonga nɛmɔ ka Yéso Kiísito ka phɔa anu ɓenu ɓɔbu ka nyɔngɔ nde, ɓáɔtɔmiaga mbino á ɓeekea nɛnu ka mokonda bui.

Ɓalɔ́ma 15:18

Aoɓá na neogea nɛ́yɔngɛ ká kema, nɛyɔnga tɔ nnde Kiísito ɗátɔtɔkisi k'ékuma nɛmɔ ka yɔnga na ka tambea ani ka ɓotea ɓunde ɓáná Ɓayúda ka gea ɓámɓángɛ Mokonga.

Ɓalɔ́ma 16:26

Kɛ̌kɛnde gǎkɛ, ɓákiɗianisi nyɔngɔ á ɓɔsɔmɛa bui base, ka ɓeana na moangɔ ndea Mokonga Mɛyɔ, ɓíndɔ ɓáɗundu suɓi á ɓuku á ɓaɔtu-nyɔngɔ ndea Mokonga, áǒteka gea, ɓátɔ̌miɛgɛ ú ka ɓato ékuna bui, ka gea ɓáɓeekeɛ ú, na ɓámɔ́kɛ.

Ɓalɔ́ma 2:8

Aphangiande gǎkɛ ɓɛí na esúia nɛkɛ ka ɓakpa nde ɓánde ɓaɓiɓia akɛ na ɓunde ɓáoyá ɗoni na ɓeá á ɓojeɗe.

1 Ɓakɔlítɔ 1:4

Neonsega Mokonga nɛmɔ esa bui ka nyɔngɔ á ɓonjánja-ékondi nɛkɛ nde anóphi ka nyɔngɔ á jukana anu na Yéso Kiísito.

1 Ɓakɔlítɔ 14:6

Cɔ, ɓaya, mbenɔ nde nejúande mɔtɛ-anu, nɛ̂ tɔ ɔyɔngaga na ɓenu ka ɛyɔngi nde nnaoúbukana, neɓande na kantíti ka ɓenu ka kema sina? Neɓande tɔ na kantíti ámbé nɛɔnɔ́tɔmia kema á ɓɔsɔmɛa ndea Mokonga, nyɔngɔ á úbapha, ɔtɔa á nyɔngɔ nde atóki ka Mokonga na ɓɔphɛi.

2 Ɓakɔlítɔ 2:14

Cɔ, ɓémbebɛni Mokonga nga, ka jukanisa asu na Kiísito aunge ɓena ɓukpɛkpɛ á kinda esa bui. Aosóbɛɗaneaga ka ɛmbisa á nyɔngɔ nɛkɛ ka nji bui ɓea su á nkoki nnde aɔɛmba ɔma bui.

Ɓaɛphɛ́sɔ 1:16

aunge kéoɗeketa beba á Mokonga ka phɔanu. Neonókanisia suɓi á ɛmɛmi nɛmɔ,

1 Ɓatɛsalɔníka 3:9

Eya, ɓetúmi na maseye ka nyɔngɔ anu, ɓékéɔtɔka na ɓeɗeketi sega á Mokonga.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

2 Timɔtɛ́ɔ 1:13

Cɔ, amba á nyɔngɔ á ɗoni nde ɗékongoɗi áɓɛ mphangiɔ k'óɓɛ. Ámbá ɓeekea n'ekondi nde ɓeně suɓi á Kiísito Yéso.

Philɛmɔ́nɔ 1:4

Cɔ, neonsega Mokonga nɛmɔ esa bui k'ɛ́mɛmi, ɓî neokokanisia oɓɛ Philɛmɔ́nɔ.

Ɓaɛbulanía 11:8

Ka nyɔngɔ á ɓeekea, Abalaámu ɗáɓeeki mɔphani ndea Mokonga gea te, átokɛ ka nji nɛkɛ ágɛ ka nji nde Mokonga ɗámɔku gea átɔ́ɛ ú ka ɓotukɔ. Abalaámu áotóa kángá úba ɔma nde aoga.

Ɓaɛbulanía 5:9

Ka nyɔngɔ nde ɗákáúki ye ka kema, â ye tɔ oɓá cina á ɓoamia á mɛyɔ ka ɓakpa ɓɔbu ɓunde ɓáɔmɔ́ka yɛ.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

1 Pɛ́tɛɛ 3:1

A phɔtɔ ɓó ka ɓenu ɓake, ɔ́ɓɔ́kani ɓamunyanu. Nga, nanga ka ɓɔ sɔsɔɓɛ aɓɔ ɓákáoɓeekea nyɔngɔ á Mokonga, ɓǒɓoteande ka tambea anu ánjá kángá ngoɗea aɓɔ ka nyɔngɔ,

1 Pɛ́tɛɛ 4:17

Cɔ, mbenɔ á tena nyɔngɔ a bîmani. Aoɓá tena á nyɔngɔ n'akpangi ka ɓesu ɓato á Mokonga, sungiaga í aɓande ɓoni ka ɓunde ɓáoyá ɓeekea á Mbino-Ánjá ndea Mokonga?

2 Yoáni 1:4

Ɗéna maseye phɛɛ ka ɔna gea, ɓ'anakɔ ɓuangbo ɓáoenda suɓi á ɗoni, ɓíndɔ Abɛ ɗásósosi.

3 Yoáni 1:3

Netúmima na maseye phɛɛ mbenɔ nde ɓana-amasu, ɓájúma, ɓáɔmɔtɔmiaga gea, ona ɗoni suɓi akɔ, na o phɔtɔ oenda ka ɓeana na ɗoni.