Ɓalɔ́ma 6:16 - Ɔngana á Kɛ̌kɛ

¹⁶ Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

Ɓalɔ́ma 6:16 Iomraidhean Croise

Matáyɔ 20:4

Áǒngoɗea: ‹Ɓenu phɔtɔ, gǎni ɓɔ́bɛɗanɛgɛ ka ciko nɛmɔ á mujabíbu, nenóphendande ophendɔ índe akeni.›

Matáyɔ 6:24

Nna na nkpa nde aɔtɔka bɛɗaneaga á ɓakɔta ɓaɓɛ. Nga, ankangeande moci, áonkonda ɓaangbo. Kaɓɛ na nna ɓó, ajúkanande na moci, áomɓɛnjiaga ɓaangbo. Kɔ́ɔtɔka bɛɗaneaga á Mokonga na bɛɗaneaga á imɔna mɔngɔ moci.

Yoáni 8:34

Yéso áǒsikisia ɓe: «Nenóngoɗi ɗoni gea, nkpa buakɛ mmbé aogea ɓojeɗe, ande nkɔɓɛ á ɓojeɗe.

Ɓalɔ́ma 11:2

Mokonga ɗákáeyé ɓakpa nɛkɛ ɓundɔ ɗáɛsɔmbu mosá. Ɓókóoúba nyɔngɔ nde Ɓuku á Mokonga ayɔngi k'ɔ́ma nde Elía ɗáge na ntaɓo mɔtɛ á Mokonga ka phɔa á Ɓaisilaɛ́li?

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

Ɓalɔ́ma 6:17

Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

1 Ɓakɔlítɔ 3:16

Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

1 Ɓakɔlítɔ 5:6

Nna na kema nde akeni ɓóobebɛ ně. Ɓókóoúba gea, cacu ábɔa aoɓimbisa mokati bui?

1 Ɓakɔlítɔ 6:2

Ɓókóoúba gea, ɓakpa ndea Mokonga ɓáunge ɓátenaeka nyɔngɔ ndea ka mokonda? Cɔ, ɓî ɓotenaeka ú, ɓɔ́kɔ́ɔtɔka na ɓoteni nyɔngɔ ábɔbɔbɔa?

1 Ɓakɔlítɔ 6:3

Ɓókóoúba gea, ɓetenaeka nyɔngɔ ndea ɓamalaéka? Cɔ, kákeni ɓétenɛ phɔtɔ nyɔngɔ á ka mokonda ndee!

1 Ɓakɔlítɔ 6:9

Ɓókóoúba gea, ɓakpa nde ɓáogea ájeɗe ɓákáɓɛku na ɓotukɔ ka koɓoamɛ ndea Mokonga? Ɓókǒdemɛ mɔnɔ sasanu. Ɓakpa nde ɓákáɓɛku na ɓotukɔ ka koɓoamɛ ndea Mokonga ɓáungee: Ɓato á iɛɓɛ, ɓato á beba á ɓamokonga á mbɛa, ɓato á otungɔ, ɓǒko íɓunde ɓáǒɗaga ɓadaɓɔ ɓǒko,

1 Ɓakɔlítɔ 9:13

Nga, ɓooúba ánjá gea, ɓakpa nde ɓaɔbɛɗanaga k'éndu ndea Mokonga, ɓáɔtɔa ea nɛɓɔ suɓi éndu ndea Mokonga. Na ɓakpa nde ɓáɔbɛɗanaga ekuma ɔ́phɛ́ɔ gǔ á ɛtɛ-ɔ́phɛ́ɔ, ɓá tɔ na keɓu ínɛɓɔ ka nyama á phɛ́a ndɔɔ.

1 Ɓakɔlítɔ 9:24

Ɓókóoúba gea te, ɓo ɓea ɓato á njoko á gǎ á mbangɔ ɓásii? Nkpa moci tɔ ámbé ɓáɔnkɔma. Cɔ, ɓáni ɓea nkpa ndɔɔ.

2 Pɛ́tɛɛ 2:19

Ɓáɔ̌ɔkɔa ɓakpa ndɔ gea ɓátókande ka kɔkɔɓɛ, nanga ɓɔ sasaɓɔ ɓánde ɓakɔɓɛ á ɓojeɗe nga, nkpa buakɛ ande nkɔɓɛ á kema nde akondi suɓi á měma akɛ phɛɛ.