Ɓalɔ́ma 6:13 - Ɔngana á Kɛ̌kɛ

¹³ Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

Ɓalɔ́ma 6:13 Iomraidhean Croise

Lóka 15:24

Nga, miki nɛmɔ atóku mɔnɔ, ajujúki gǎkɛ ka kukuwa. Ɗáɓúngigi mɔnɔ, nɛmɔni gǎkɛ.› Mpɔ, ɓáokpanga gúa á jaí.

Lóka 15:32

Akeni ɓéguɛ jaí na ɓéɓɛ na maseye ka nyɔngɔ nde, mɔtɔ akɔ atóku mɔnɔ, ajujúki gǎkɛ ka kukuwa. Atóɓúngigi mɔnɔ, nɛmɔni gǎkɛ.›»

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Ɓalɔ́ma 1:29

Ɓátúmi n'etéte á kanga koɗoni bui, ɓojeɗe, kokae, mɔphɛ ájeɗe, kuma, ɓátúmi na nsengo, moaga á ɓakpa, sani, maibe, ɓɔ ɓánde ɓato á tɔngana.

Ɓalɔ́ma 12:1

Ɓaya, ɓî Mokonga aɔnisi ɓonjánja nɛkɛ ka phɔasu, nenóɗengemisigi gea, ɓóbisɛ enda anu bui ka Mokonga ɓea ɔphɛ́ɔ ánjá, nnde aoenda na kángá ɓojeɗe. Nndɔ aɓande obebɔ nɛnu á ka měma ka yɛ.

Ɓalɔ́ma 6:11

A phɔtɔ ɓó ka ɓenu. Ɓeekeani gea kukuwa ndɔ anókatanisi na ɓojeɗe bubui, ɓo ye gǎkɛ koenda ka nyɔngɔ á Mokonga ka jukana anu na Yéso Kiísito.

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

Ɓalɔ́ma 6:19

Nɛyɔngi wani k'etéte á kokpa, ka nyɔngɔ á kanga ɔ́kapha anu ánjá. A tɔ ɓíndɔ ɗóɓobisi nyama anu bui kala ka bɛɗaneaga á ɓojeɗe na enda ka ɓojeɗe, a phɔtɔ ɓó unge ɓóbisɛ ú kɛ̌kɛnde ka bɛɗaneaga Mokonga na ɓá na enda ánjá.

Ɓalɔ́ma 7:23

Suɓi á nyama ani nɛɔni gǎkɛ ɛɔphi nɛngbo nnde aomanisa kanisia ani. Nndɔ unge amobisi ka kɔkɔɓɛ ɛ́ɔphi á ɓojeɗe nde aɔbɛɗanaga suɓi ani.

Ɓalɔ́ma 7:5

Nga, mbenɔ nde ɗéɓeotambea ka kokpa, mosenda ájeɗe nde ɛɔphi ɗáososea suɓi asu na kema ájeɗe bui nde ɗéɓeogea, ɗá tɔ osoɓotea ka kukuwa.

1 Ɓakɔlítɔ 6:15

Cɔ, ɓooɓosa gea, nyama anu ande gbútuka á nyama á Kiísito? Cɔ, akeni nɛ́bɛɗɛ phaeka á nyama á Kiísito, nébisɛ ú ka phaeka á nyama á nke á mambɔ? Tanda phɔ́.

1 Ɓakɔlítɔ 6:20

Mokonga aámbé ɗánósómbi k'ésombi akpɛ. Kaɓondɔ, nɗokomisani pɛ Mokonga ka nyama anu.

1 Ɓakɔlítɔ 6:9

Ɓókóoúba gea, ɓakpa nde ɓáogea ájeɗe ɓákáɓɛku na ɓotukɔ ka koɓoamɛ ndea Mokonga? Ɓókǒdemɛ mɔnɔ sasanu. Ɓakpa nde ɓákáɓɛku na ɓotukɔ ka koɓoamɛ ndea Mokonga ɓáungee: Ɓato á iɛɓɛ, ɓato á beba á ɓamokonga á mbɛa, ɓato á otungɔ, ɓǒko íɓunde ɓáǒɗaga ɓadaɓɔ ɓǒko,

2 Ɓakɔlítɔ 10:4

Nkumba émani nɛsu nna á kokpa, a ndiu á ɓukpɛkpɛ ndea Mokonga, nnde aɔgɔɓa ɓukpɛkpɛ á ɓaɓiɓia. Ɓeotúkatúka kanisia ájeɗe,

2 Ɓakɔlítɔ 5:14

Ekondi ndea Kiísito aunge aɔsɔ́sɔndɔɛa. Nga, ɓesu ɓáunge ɓeoúba ɗoni gea, Kiísito ɗásókui ɓesu ɓɔbu. Ande gea te, ɓakpa ɓɔbu ɓasí ye tɔ kimoci na yɛ.

2 Ɓakɔlítɔ 5:15

Nga, Kiísito ɗáku ka ɓesu ɓɔbu gea te, ɓakpa nde ɓá phɔtɔ koenda, ɓákáendɛ mɔnɔ ye ka ɓɔ sasaɓɔ, ɓáendɛ ndiu ka Kiísito mmbé ɗáku na jujúka ka nyɔngɔ aɓɔ.

2 Ɓakɔlítɔ 8:5

Ɓáogaba kɔnyɛ́nya nseɓeɔ nɛsu. Nga, ɗáɓáebisi ka njaga á Mɔkɔta sasaɓɔ. Mpɔ, ɓáoɓeekea nyɔngɔ nɛsu bui ɓíndɔ Mokonga ɗákondi.

Ɓaɛphɛ́sɔ 2:5

Ɓî ɗéɓeku ye ka měma, ka nyɔngɔ á ɓojeɗe nɛsu, áosójujukisa ka kukuwa kimoci na Kiísito. Ɓoamia ndɔ ɗátú ka nyɔngɔ á ɓonjánja-ékondi ndea Mokonga.

Ɓaɛphɛ́sɔ 5:14

Nga, kema bui nde aɔɔnɛkana base ande owanga. Kaɓondɔ unge ɓági: «Jujúka oɓɛ ímbɔ oka tɔ̌, Jujúka ka kukuwa ka ɔlɔ á ɓasí, na Kiísito abɛnyande gǔ akɔ.»

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

Ɓakɔlɔsái 2:13

Cɔ, ɗóɓoku kala ka měma ka nyɔngɔ á ɓojeɗe nenu na ka nyɔngɔ nde ɗóɓókótú Ɓayúda, na ka nyɔngɔ á kowó nɛnu. Kɛ̌kɛnde gǎkɛ, Mokonga áonójujukisa ka kukuwa kimoci na Kiísito, áoíma ɓojeɗe nɛsu bui.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

2 Ɓatɛsalɔníka 2:12

Kaɓondɔ, Mokonga ateni nyɔngɔ á ɓakpa ɓɔbu ɓunde ɓákáɓeeki ɗoni, ɓâ ndiu okonda ɓojeɗe.

2 Timɔtɛ́ɔ 2:15

Cɔ, oɓɛ ókakamisa ka gea óɓɛ mbɛɗanigi mmbé akeni mosá á Mokonga, mmbé kákuwɛku tanda na soni ka phɔa ekuma nɛkɛ. Ɓá ndiu mbɛɗanigi nde aɔphɛa ka koɗoni nyɔngɔ á ɗoni ndea Mokonga.

Yakɔ́ɓɔ 4:1

Cɔ, ngíní na sani sɔsɔɓɛ anu atóki súwani? Nna phɔ́ otóka ka mɔphɛ ájeɗe nde aomana suɓi anu?

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.

1 Pɛ́tɛɛ 4:2

Kpangá á kɛ̌kɛnde, ka mbenɔ nde anójiganei ka enda anu ka mokonda, tambeani ɓíndɔ Mokonga akondi, kángá tambea ndiu ɓíndɔ měma á kokpa akondi.

1 Yoáni 1:9

Aoɓá gǎkɛ na ɓekěti tambea asu, Mokonga nto á koɗoni mmbé aɔtɔtɔkisa mɔkɔ nɛkɛ, aímande ɓojeɗe nɛsu bui na sokosea asu.