Ɓalɔ́ma 6:12 - Ɔngana á Kɛ̌kɛ

¹² Cɔ, ɓojeɗe kaɓɛmbɛ ye na kɔkɔta suɓi á nyama ndɔ á kukuwa na ɓókoɓeekeɛmbɛ ye tɔtɔkisa á mɔphɛ ájeɗe á nyama anu.

Ɓalɔ́ma 6:12 Iomraidhean Croise

Ɓalɔ́ma 13:14

Ɓékengeanɛ ndiu na Mɔkɔta Yéso Kiísito. Ɓókoɗeketɛmbɛ mɔphɛ ájeɗe á nyama anu ánongisɛ ka ɓojeɗe.

Ɓalɔ́ma 2:8

Aphangiande gǎkɛ ɓɛí na esúia nɛkɛ ka ɓakpa nde ɓánde ɓaɓiɓia akɛ na ɓunde ɓáoyá ɗoni na ɓeá á ɓojeɗe.

Ɓalɔ́ma 5:21

Kaɓondɔ, ɓî ɓojeɗe ɗátú na kɔkɔta, áɔtɔtɔkisa kukuwa, ɓondɔ phɔtɔ unge ɓonjánja-ékondi ndea Mokonga áɓɛ na kɔkɔta ka koɗoni na tɔtɔkisa enda á mɛyɔ ka Yéso Kiísito Mɔkɔta nɛsu.

Ɓalɔ́ma 6:14

Ɓojeɗe káɓɛku ye na kɔkɔta gǔ anu nga, ɓókó ye kusi á ɛɔphi, ɓo ndiu kusi á ɓonjánja-ékondi ndea Mokonga.

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

Ɓalɔ́ma 8:13

Nga, kaɓɛ na ɓooenda ka tambea nɛnu á kokpa, ɓokuwande. Kaɓɛ gǎkɛ na ɓokusí nyama anu ka ɓeá tambea á Měma á Mokonga, ɓoendande.

2 Ɓakɔlítɔ 4:11

Nanga ɓî ɓe phɔ́tɔ oenda, ɓe bíbí á kukuwa ka nyɔngɔ á Yéso, ka gea enda akɛ áɔnɛkanɛ ka nyama á kukuwa nde ɓeně.

2 Ɓakɔlítɔ 5:4

Ɓî ɓe phɔ́tɔ koenda suɓi á ɛma ndɔ á ka mokonda, ɓeoɓénga ɓea nkpa n'akúmbi nkumba áɗoko phɛɛ. Nna gea te, ɓekondi gea, Mokonga átokisɛ nyama á ka mokonda ndee. Ɓekondi ndiu gea, ásóphɛ nyama á na koba ka gea, nnde aoenda mɛyɔ ámiɛ nnde aokuwa.

Ɓagalatía 5:16

Nenóngoɗi gea: Ɗeketani Měma á kanga ɓojeɗe áɓɛ nsɔndɔi ka enda anu na ɓókóɓongeɛgɛ ku ye mɔphɛ á ka nyama anu.

Ɓagalatía 5:24

Ande gea te, ɓakpa ndea Yéso Kiísito, ɓákɔkɛigi ka moyangɔ mɔphɛ á nyama aɓɔ na kanisia ájeɗe nɛɓɔ.

Ɓaɛphɛ́sɔ 2:3

Ɓesu ɓɔbu, ɗéɓetú phɔtɔ ɓea ɓɔ, ɓéotambea ɓíndɔ nyama asu ɗátú osóɓotea, ɗéɓéɔtɔtɔkisa mɔphɛ á ka nyama asu na nnde á ka měma asu. Ka nyɔngɔ á tambea asu ájeɗe aunge, ɓékéólokɛku k'esúia ndea Mokonga ɓea ɓakpa ɓunɛngbo.

Ɓaɛphɛ́sɔ 4:22

Kaɓondɔ, ɗeketani tambea nɛnu á kala. Ɗeketani phɔtɔ kokpa anu á kala nde mɔphɛ í á odemayɔ aongisa ka ɓojeɗe.

1 Ɓatɛsalɔníka 4:5

kángá á mɔphɛ ájeɗe ɓotea anu ɓea ɓakpa nde ɓánáomúba Mokonga.

2 Timɔtɛ́ɔ 2:22

Timɔtɛ́ɔ, koɓɛmbɛ na mɔphɛ á koganda, káɓa ndiu koɗoni, ɓeekea, ekondi, ɓujɛjɛ kimoci na ɓunde ɓáokumia ina á Mɔkɔta na měma ánjá.

Títɔ 2:12

Ɓonjánja-ékondi ndɔ unge, asóphangisi yá á kema ájeɗe, na mɔphɛ á ka mokonda ndee, ɓétambeɛ ka mbenɔ nde na kɔɓɔɔngɛ, na koɗoni na ɓánga á Mokonga.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

1 Pɛ́tɛɛ 1:14

Mɔ́kani Mokonga ɓíndɔ ɓaniki ɓáɔ̌ɓɔ́ka ɓaɓɔkɔti aɓɔ, ɓókóɓeɛmbɛ mɔphɛ nɛnu á kala mbenɔ nde ɗóɓokóoúba nyɔngɔ á Mokonga.

1 Pɛ́tɛɛ 2:11

Ɓadani ékondi, ɓonde ɓakɛni na ɓato á motô ka mokonda ndee. Kaɓondɔ unge nɛnɔ́phɛí gea, teani mɔphɛ ájeɗe, nnde aomana na měma anu.

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.

Yúda 1:18

Ɗáɓánóngoɗi ɓe: «Ka mbenɔ á sungiaga, ɓakpa ɓánɔtɛbɛagande. Ɓáɓeande tambea ndɛaɓɔ ájeɗe.»