Ɓalɔ́ma 6:11 - Ɔngana á Kɛ̌kɛ

¹¹ A phɔtɔ ɓó ka ɓenu. Ɓeekeani gea kukuwa ndɔ anókatanisi na ɓojeɗe bubui, ɓo ye gǎkɛ koenda ka nyɔngɔ á Mokonga ka jukana anu na Yéso Kiísito.

Ɓalɔ́ma 6:11 Iomraidhean Croise

Yoáni 20:31

Cɔ, ɗáɓáɗundu gǎkɛ nnde ka gea, ɓóɓeekeɛ gea, Yéso ande Kiísito Muna-Mokonga. Kaɓɛ na ɓomɓeeki, ɓoɓande na enda ka yɛ.

Ɓalɔ́ma 16:27

Ɓémbebɛni Mokonga, Yɛ tɔndɔ aámbé ande mɔɔngɛ! Áɓɛ n'obebɔ ka Yéso Kiísito ka saga na saga! Áɓɛ ɓó!

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓalɔ́ma 6:10

Nga, ka kukuwa akɛ ɓó, ɗáku tɔ mɔngɔ ímoci ka phɔa ɓojeɗe. Cɔ, kɛ̌kɛnde a ye gǎkɛ tɔ koenda ka nyɔngɔ á Mokonga.

Ɓalɔ́ma 6:13

Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

Ɓalɔ́ma 6:2

Tanda phɔ́! Ɓesu íɓunde ɓeku ka nyɔngɔ á ɗeketa asu ɓojeɗe, ɓɛtɔkande goto na ɓeendi suɓi á ɓojeɗe ka ɓo?

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

Ɓalɔ́ma 7:4

Cɔ, ɓaya, a phɔtɔ ɓó ka phɔanu ka nyɔngɔ á ɛɔphi, ɓenu ɗóɓoku phɔtɔ ɓó ka phɔa ɛ́ɔphi ka nyɔngɔ nde ɓojúkani na Kiísito ka nyama, mmbé ɗájujúki sɔsɔɓɛ á ɓasí ka gea te, ɓɛ́gɔmbisɛ mbuka ka Mokonga.

Ɓalɔ́ma 7:6

Cɔ, kɛ̌kɛnde ɓéké ye gǎkɛ kusi á kɔkɔta á ɛɔphi. Nga, ɓe ye ɓea ɓasí ka kema nde ɗásóɓóege. Ɓéké ye ɔmbɛɗaneaga Mokonga ɓíndɔ ɗéɓetú kau kala ka ɓeá ɛɔphi ndea Mósa, kɛ̌kɛnde ɓe ndiu ɔmbɛɗaneaga Mokonga ka ɓeá moangɔ á Měma á Mokonga.

Ɓalɔ́ma 8:18

Nɛɔni gea tambaga bui nde ɓeně kɛ̌kɛnde kákengeani na ɓoombia nde Mokonga asóphangiande base.

1 Ɓakɔlítɔ 6:20

Mokonga aámbé ɗánósómbi k'ésombi akpɛ. Kaɓondɔ, nɗokomisani pɛ Mokonga ka nyama anu.

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓaphilípi 1:11

Enda anu átúmɛ na tambea á koɗoni nnde Yéso Kiísito anophi ka nyɔngɔ á ɓoombia na obebɔ á Mokonga.

Ɓaphilípi 4:7

Mpɔ, Mokonga áonóamba, áobisa ɓujɛjɛ ka měma anu, ɓujɛjɛ ndɔ n'anyɛ́nyi úbapha bui, aámbande měma anu ka nyɔngɔ nde, ɓɔɔngani na Kiísito Yéso.

Ɓakɔlɔsái 2:20

Ɓî ɓoku ye tɔ kimoci na Kiísito na ɓáonókóɗa ka toka ka ɓukpɛkpɛ á měma ájeɗe nnde aɛmbi ka mokonda. Ka nyɔngɔ éke nde ɓooamba ɛɔphi á ka mokonda na enda anu nna ye á ɓato á ka mokonda? Ɛɔphi ndɔ a ɓea:

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

1 Pɛ́tɛɛ 2:24

Yɛ sasakɛ, ɗákumbi ɓojeɗe nɛsu ka nyama akɛ gǔ á moyangɔ gea te, ɓékuwɛ ka nyɔngɔ á ɓojeɗe, na ɓéendɛ ka nyɔngɔ á koɗoni. Nga, ka nyɔngɔ á aphɛphɔa nɛkɛ aunge ɓoami.

1 Pɛ́tɛɛ 2:5

Ɓenu phɔtɔ, ɓonde ɓea ɓ'ɛtɛ nde ana enda, ambe Mokonga ánɔbɛɗaneɛgɛ ka mɔphɛkɔ éndu á Mokonga á ka měma. Kó unge ɓoɓande ekombo á ɓatoɓeigi-phɛ́a ɓunde ɓáná na ɓojeɗe. Ɓophúiande ɔphɛ́ɔ á ka měma nnde aɔmɓɔngɛa Mokonga k'aphe ndea Yéso Kiísito.

1 Pɛ́tɛɛ 4:11

Nkpa nde aɔphɛa, á phɛɛ́ tɔ nyɔngɔ nde Mokonga ɗáyɔngi. Nkpa nde aɔbɛɗanaga, ábɛɗanɛgɛ tɔ ka ɓukpɛkpɛ nde Mokonga ɗámophi. Kaɓondɔ, kema bui nde ɓoogea ɓámbebɛ Mokonga kau k'aphe ndea Yéso Kiísito, mmbé ana ɓoombia na kɔkɔta k'ésa bui! Áɓɛ ɓó.