Ɓalɔ́ma 6:10 - Ɔngana á Kɛ̌kɛ

¹⁰ Nga, ka kukuwa akɛ ɓó, ɗáku tɔ mɔngɔ ímoci ka phɔa ɓojeɗe. Cɔ, kɛ̌kɛnde a ye gǎkɛ tɔ koenda ka nyɔngɔ á Mokonga.

Ɓalɔ́ma 6:10 Iomraidhean Croise

Lóka 20:38

Ka nyɔngɔ índɔ unge Mokonga nna Mokonga á ɓasí, a ndiu Mokonga á ɓunde ɓáoenda. Nga mosá akɛ, ɓɔbu ɓa tɔ oenda.»

Ɓalɔ́ma 6:11

A phɔtɔ ɓó ka ɓenu. Ɓeekeani gea kukuwa ndɔ anókatanisi na ɓojeɗe bubui, ɓo ye gǎkɛ koenda ka nyɔngɔ á Mokonga ka jukana anu na Yéso Kiísito.

Ɓalɔ́ma 6:9

Nga, ɓeoúba gea Kiísito ɗájujúki ka kukuwa, yɛ kákuwɛeka ye, ka nyɔngɔ nde kukuwa nna ye na kɔkɔta gǔ akɛ.

Ɓalɔ́ma 8:3

Cɔ, Mokonga aámbé atɔtɔkisi kema nde ɛɔphi ndea Mósa ɗákátɔki nga, nyama á kokpa ɗákátɔki tɔtɔkisa í. Ka íma á ɓojeɗe, Mokonga ɗánteki Anakɛ n'etéte nde akengeani na etéte á ɓakpa íɓunde ɓánde ɓato á ɓojeɗe ka gea te, k'Anakɛ unge Mokonga ɗáteni nyɔngɔ á ɓojeɗe akpɛ ka nyama á kokpa.

2 Ɓakɔlítɔ 5:15

Nga, Kiísito ɗáku ka ɓesu ɓɔbu gea te, ɓakpa nde ɓá phɔtɔ koenda, ɓákáendɛ mɔnɔ ye ka ɓɔ sasaɓɔ, ɓáendɛ ndiu ka Kiísito mmbé ɗáku na jujúka ka nyɔngɔ aɓɔ.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Pɛ́tɛɛ 4:6

Ka nyɔngɔ índɔ unge ɗáɓátɔ̌mi phɔtɔ Mbino-Ánjá ka ɓakpa nde ɓáku. Ɗáɓáteni nyɔngɔ nɛɓɔ ɓea ɓakpa ɓɔbu. Kɛ̌kɛnde gǎkɛ, ɓáɔtɔka na ɓáendi ka ɓukpɛkpɛ á Měma á kanga ɓojeɗe ɓíndɔ Mokonga akondi.