Ɓalɔ́ma 5:9 - Ɔngana á Kɛ̌kɛ

⁹ Kɛ̌kɛnde, Mokonga asótangi ye ɓato á koɗoni ka nyɔngɔ á magia ndea Yéso, nndɔ aúbisi base gea, yɛ asóamisande k'ésúia ndea Mokonga.

Ɓalɔ́ma 5:9 Iomraidhean Croise

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Ɓalɔ́ma 1:18

Cɔ, na koba, Mokonga aúbisi base gea, aɓɛí ka nyɔngɔ á ɓojeɗe bui nde ɓakpa ɓáogea, phɔtɔ ɓî ɓákáomɓánga. Ɓakpa ndɔ ɓáunge ɓáɗaki gea, ɗoni á Mokonga kaɓɛ base.

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓalɔ́ma 5:10

Nga, mbenɔ nde ɗéɓetú ɓaɓiɓia ndea Mokonga, ɗásɔɔnganisi na yɛ ka nyɔngɔ á kukuwa á Anakɛ. Nndɔ aphangisi base gea, ɔngana asu na yɛ, ɓeamande ka nyɔngɔ á enda á Kiísito.

Ɓalɔ́ma 8:1

Cɔ, kɛ̌kɛnde, ɓakpa nde ɓá suɓi á Kiísito Yéso, ɓákátenɛku ye tanda nyɔngɔ nɛɓɔ akpɛ.

Ɓalɔ́ma 8:30

Ɓakpa nde Mokonga ɗɛ́sɔmbu kala, ɗɛ́ɓɔphani phɔtɔ. Ɓunde ɗɛ́ɓɔphani, ɗétangi phɔtɔ ɓato á koɗoni. Ɓundɔ ɗétangi ɓato á koɗoni, ɗéɓophi phɔtɔ ɓoombia nɛkɛ.

Ɓaɛphɛ́sɔ 2:13

Cɔ, kɛ̌kɛnde gǎkɛ, ka ɔngana anu na Kiísito Yéso, ɓenu íɓunde ɗóɓotú ɗanga, ɓǒbîmisi ka nyɔngɔ á magia akɛ.

Ɓaɛphɛ́sɔ 2:3

Ɓesu ɓɔbu, ɗéɓetú phɔtɔ ɓea ɓɔ, ɓéotambea ɓíndɔ nyama asu ɗátú osóɓotea, ɗéɓéɔtɔtɔkisa mɔphɛ á ka nyama asu na nnde á ka měma asu. Ka nyɔngɔ á tambea asu ájeɗe aunge, ɓékéólokɛku k'esúia ndea Mokonga ɓea ɓakpa ɓunɛngbo.

1 Ɓatɛsalɔníka 1:10

Cɔ, ɓo phɔtɔ omɓondea Anakɛ, mmbé Mokonga ɗánjujúkisi ka ɓasí, n'atókaeka na koba. Ina akɛ ande Yéso, mmbé asóamisi k'esúia ndea Mokonga nnde aobika.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

Ɓaɛbulanía 9:22

Cɔ, ande ɓea ɓíndɔ ɛɔphi asosi gea ɓojeɗe bubui a tɔ otóka ka ɗǔkana á magia. Aoɓá magia na káɗǔkanimbɛ, ande gea ɓojeɗe kaímikimbɛ.

1 Yoáni 1:7

A gǎkɛ oɓá na ɓeotamba k'owanga ɓíndɔ yɛ sisakɛ a k'owanga, ɓe ka komunamema ngǔngu asu. Magia á Anakɛ Yéso, aosokosea ɓojeɗe nɛsu bui.