Ɓalɔ́ma 5:8 - Ɔngana á Kɛ̌kɛ

⁸ Cɔ, Mokonga aphangi gǎkɛ ekondi nɛkɛ ángbó ka ɓesu, ka nyɔngɔ nde Kiísito ɗáku ka phɔa asu mbenɔ nde ɗéɓetú phɔ́tɔ ɓato á ɓojeɗe.

Ɓalɔ́ma 5:8 Iomraidhean Croise

Yoáni 15:13

Nna na nkpa nde ana ekondi ángbó phɛɛ, kɔnyɛ́nya mmbé aɓeeki kukuwa ka phɔa ɓadakɛ.

Yoáni 3:16

Nga, Mokonga ɗékondi ɓato á ka mokonda phɛɛ. Kaɓondɔ, ɗěɓophi ngɔmu nɛkɛ gea, nkpa buakɛ mmbé amɓeeki, kákuwɛku, áɓɛ ndiu na enda á mɛyɔ.

Ɓalɔ́ma 3:5

Cɔ, kaɓɛ ka nyɔngɔ á ɓojeɗe nde ɓeogea aunge Mokonga aúbikani gea ande nto á koɗoni, ɓɛyɔngande Mokonga nna nto á ɗoni ka nyɔngɔ nde aosótambisaga? (Nɛyɔngi wa yɔngɛa á kokpa.)

Ɓalɔ́ma 4:25

Mmbé Mokonga ɗánkusisi ka nyɔngɔ á ɓojeɗe nɛsu â gǎkɛ onjujukisa ka kukuwa ka gea, ɓéɓɛ ɓato á koɗoni mosá á Mokonga.

Ɓalɔ́ma 5:20

Ka nyɔngɔ á kiɗiana á ɛɔphi, aunge ɓojeɗe aɓiki. Cɔ, ɔma nde ɓojeɗe ɗáɓiki, ɓonjánja-ékondi ndea Mokonga ɗáɓiki phɛɛ.

Ɓalɔ́ma 5:6

Cɔ, ɓî ɗéɓékétú phɔ́ na ka ɓukpɛkpɛ, Kiísito ɗáku ka phɔa ɓato á ɓojeɗe ka mbenɔ ánjá nde Mokonga ɗáangi.

Ɓalɔ́ma 5:7

Aákpɛ ka nkpa ɓeekea ákuwɛ ka phɔa á nto á koɗoni. Nkpa aɔtɔka ɓeekea kukuwa ka nyɔngɔ á nkpa anjánjá.

Ɓalɔ́ma 8:32

Nga, Mokonga ɗákámkpɛmi n'Anakɛ sasakɛ, ɗámphúi ndiu gea te, átambɛgɛ ka phɔa asu ɓesu ɓɔbu. Cɔ, kásóphɛku kema bui kimoci n'Anakɛ ka ɓo?

Ɓalɔ́ma 8:39

kaɓɛ n'ande ɓukpɛkpɛ á k'ego, kaɓɛ n'ande ɓukpɛkpɛ á kusi, kaɓɛ n'ande kema bui nde Mokonga aconji, kátɔkɛku tanda n'asókatanisi n'ekondi ndea Mokonga, nnde ɗásɔɔnisi ka Kiísito Yéso Mɔkɔta nɛsu.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓaɛphɛ́sɔ 5:2

Kaɓondɔ, ambe ekondi áɓɛ nsɔndɔi ka enda anu ɓíndɔ Kiísito ɗásókondi, áosókuia, áoɓá ɓea ɛkɔmi na phɛ́a á su ánjá nnde amɓɔngɛi Mokonga.

1 Timɔtɛ́ɔ 1:16

Kaɓondɔ unge, Mokonga ɗámokui gǎkɛ ngomi. Cɔ, Kiísito Yéso ɗámophiphíí phɛɛ eme nto á ɓojeɗe á k'ama mosá-mosá ka ɔlɔ á ɓato á ɓojeɗe. Nndɔ ande mphangiɔ ka ɓunde ɓámɓeekeande ka gea, ɓáendɛ mɛyɔ kimoci na Mokonga.

Ɓaɛbulanía 8:3

Ngbɛga á ɓatoɓeigi-phɛ́a buakɛ, ɓámbisi ka phúia ɛkɔmi ka Mokonga na ka phúia phɔtɔ ɔphɛɔ. Cɔ, akeni phɔtɔ gea mmbé ɓ'asu áɓɛ na kema nde aphúiande.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

1 Yoáni 3:16

Ɓeoengekisa ekondi ka nyɔngɔ ndee: Kiísito ɗábisi enda akɛ ka ɓesu. Ɓesu phɔtɔ, akeni ɓébisɛ enda asu ka bɛɗaneaga ɓadasu.