Ɓalɔ́ma 5:5 - Ɔngana á Kɛ̌kɛ

⁵ Nseɓeɔ ndɔ nna okusa na soni ka nyɔngɔ nde, Mokonga aɛmbisi ekondi nɛkɛ suɓi á měma asu ka nyɔngɔ á Měma á kanga ɓojeɗe nde ɗásóphi.

Ɓalɔ́ma 5:5 Iomraidhean Croise

Ekuma á ɓateki 10:45

Ɓaɓêki ɓunde ɓánde Ɓayúda ɓundɔ ɗáɓábiki na Pɛ́tɛɛ, ɓáotangaaga ka ɓî Měma á kanga ɓojeɗe nnde Mokonga ɗátekisi, ɗáɛmbi phɔtɔ ka ɓakpa nde ɓáná Ɓayúda.

Ekuma á ɓateki 2:17

Mokonga ayɔngi ɓe: ‹Ka matú á sungiaga á mokonda, nɛɛmbisande Měma ani ka ɓakpa ɓɔbu, Ɓaniki ɓǒko na ɓaseka nɛnu ɓáɔtɔande nyɔngɔ, Ɓaganda nɛnu, ɓáɔnande mphaniɔ. Ɓagbɛga nɛnu ɓáɗande na njeki.

Ekuma á ɓateki 2:33

Ɓî Mokonga antáisi na bisa akɛ ka njaga akɛ á mǔku, áoɓá na Měma á kanga ɓojeɗe nnde yɛ abakɛ ɗámɔku. Yéso aámbé aɛmbisi kema nde ɓɔɔ́ka na nnde ɓɔɔna ka ɓesu.

Ɓalɔ́ma 1:7

Cɔ, nenóɗundui ɓenu ɓɔbu suɓi á Lɔ́ma ɓunde Mokonga aekondi na ɓunde ɗáɛɓɔphani ka ɓá ɓakpa nɛkɛ ɓato á kanga ɓojeɗe, ɓonjánja-ékondi na ɓujɛjɛ ndea Abasu Mokonga na Mɔkɔta nɛsu Yéso Kiísito áɓɛ na ɓenu.

Ɓalɔ́ma 8:28

Cɔ, ɓeoúba gea, kema bui a tɔ ka ɓonjánja á ɓakpa nde ɓánkondi Mokonga. Ɓakpa ndɔ ɓáunge, yɛ ɗɛ́ɓɔphani ka ɓeana na moangɔ nɛkɛ.

Ɓalɔ́ma 9:33

Ɓindɔ Ɓuku á Mokonga ayɔngi: «Ɔ́nani ɓî nebisi ɛtɛ á ɓɛtɛkisa ka Sayúni na ekǒngo á gusisa. Cɔ, mmbé aomɓeekea, kákuwɛku na soni.»

1 Ɓakɔlítɔ 8:3

Aoɓá nkpa n'ankondi gǎkɛ Mokonga, Mokonga amúbande yɛ.

2 Ɓakɔlítɔ 1:22

Asóbisíí epe nɛkɛ nnde aoɗigimisa gea, ɓende ɓakpa nɛkɛ n'ande Měma á kanga ɓojeɗe suɓi asu nnde ande moéma á kema bubui nde asóbisi.

2 Ɓakɔlítɔ 3:18

Ɓesu ɓɔbu ɓéké ye na bɔngɔ ndɔ aoɗaka keongi asu. Nga, ɓoombia á Mɔkɔta aophenuaga kau. Kaɓondɔ ɓeékěti ka kengeana na Mɔkɔta, ɓéoɓá goto na ɓoombia ángbó esa bui. Nndɔ ungɔ ande ekuma ndea Mɔkɔta n'ande Měma.

2 Ɓakɔlítɔ 4:6

Ɓî Mokonga ɗáconji mokonda, ɗáyɔngi: «Owanga ábɛnyɛ ka keiphe.» Yɛ aámbé abɛnyisi phɔtɔ owanga ndɔ suɓi á měma asu. Ka opha asu úbapha nde ɓoombia nɛkɛ aɔbɛnyisa keongi á Kiísito. Nyɔngɔ ndɔ unge ɓeokaɓa úbisa á ɓakpa, n'ande nyɔngɔ á ɓoombia á Mokonga.

Ɓagalatía 4:6

Ka engekisa gea ɓonde ɓ'anakɛ, Mokonga ɗásotekisíí Měma á Anakɛ suɓi á měma asu. Měma kau aokoga: «Aba!»

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaɛphɛ́sɔ 1:13

Ɓenu phɔtɔ, mbenɔ nde ɗɔ́ɓɔɔ́ki ɓɔphɛi á ɗoni, Mbino-Ánjá á amisa anu ka měma, ɗóɓomɓeeki Kiísito, mpɔ Mokonga áobisa mphangiɔ ka gea te, ɓéɓɛ ɓakpa nɛkɛ. Mphangiɔ kau n'ande Měma á kanga ɓojeɗe nde ɗáɔku.

Ɓaɛphɛ́sɔ 4:30

Ɓókóɓɛisɛmbɛ Měma á kanga ɓojeɗe nnde Mokonga anophi. Nga, Měma ndɔ unge a ɓea moéma ndea Mokonga ka ɓenu ka koɗaga anu ka ɓojeɗe esa ndɔ abikande.

Ɓaphilípi 1:20

A tɔ ɓíndɔ ne ka ɓondeaga na seɓea gea, kékuwɛku tanda na soni. Ne ndiu otétemisa gea, néphangiɛ ɓophombia á Kiísito ka tambea ani bui, kaɓɛ kɛ̌kɛnde, kaɓɛ esa bui, kaɓɛ ka enda ani, kaɓɛ ka kukuwa ani.

1 Ɓatɛsalɔníka 4:8

Cɔ, nkpa nde ayé ɓɔphɛi ndɔ, kán'yé nkpa nde amphɛí, an'yé ndiu Mokonga, mmbé asóphi Měma nɛkɛ.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

1 Yoáni 4:19

Ɓesu, ɓeokondana ka nyɔngɔ nde, Mokonga ɗásokondi mosá.