Ɓalɔ́ma 5:3 - Ɔngana á Kɛ̌kɛ

³ Nanga ɓéotambaga, ɓena maseye nga, ɓeoúba gea, tambaga aobikisa moíngí,

Ɓalɔ́ma 5:3 Iomraidhean Croise

Lóka 21:19

Cɔ, bisani měma anu, nga ka gea anu ɓó aunge ɓoamisande měma anu.»

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

Ɓalɔ́ma 5:11

Nna tɔndɔ nndɔ, ɓe ndiu na maseye ka Mokonga ka nyɔngɔ á Mɔkɔta nɛsu Yéso Kiísito mmbé asɔɔnganisi kɛ̌kɛnde na Mokonga.

Ɓalɔ́ma 8:23

Nna tɔndɔ kema bui nde Mokonga ɗáconji, ɓesu íɓunde ɓe ye na Měma á kanga ɓojeɗe ɓea měma égabɔ ndea Mokonga, ɓe phɔtɔ oɓénga ka měma ka ɓondeaga gea ɓéɓɛ ɓana-Mokonga na mbenɔ nde yɛ akoɗagande nyama asu.

Ɓalɔ́ma 9:10

Nna gǎkɛ tɔ nndɔ, a ɓíndɔ Lɛbɛ́ka ɗáɛɓɔkɔti ɓapháse ɓaniki ɓǒko na tatasu Isáka.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

2 Ɓakɔlítɔ 8:19

Kanisa bui ansɔmbu gea, ágɛ na ɓesu k'aphe á bɛɗanaga ekuma ndɔ égabɔ. Ɓɛɔɓɛɗanaga ekuma ndɔ, ka ɗokomisa á Mɔkɔta sasakɛ na ka phangia mɔphɛ asu ánjá.

Ɓaɛphɛ́sɔ 3:13

Kaɓondɔ unge, nɛnɔmɛmi gea, ɓɔ́kɔɛlɛmbɛ ɓî ne ka tambaga ka nyɔngɔ anu. Nndɔ bui a tɔ kanu.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

Yakɔ́ɓɔ 1:12

Maseye ka nkpa nde aophiphia tombaga nga, a ye ɔtɔka, atɔande kekombó nde Mokonga ɛ̌ɔku ɓunde ɓánkondi, n'ande enda á mɛyɔ.

1 Pɛ́tɛɛ 3:14

Cɔ, nanga ɓótótambaga ka nyɔngɔ nde ande á ɗoni, ɓotóɓande na maseye. Ɓókǒɓángɛmbɛ ɓakpa, ɓókóagatanɛmbɛ ka měma.