Ɓalɔ́ma 5:21 - Ɔngana á Kɛ̌kɛ

²¹ Kaɓondɔ, ɓî ɓojeɗe ɗátú na kɔkɔta, áɔtɔtɔkisa kukuwa, ɓondɔ phɔtɔ unge ɓonjánja-ékondi ndea Mokonga áɓɛ na kɔkɔta ka koɗoni na tɔtɔkisa enda á mɛyɔ ka Yéso Kiísito Mɔkɔta nɛsu.

Ɓalɔ́ma 5:21 Iomraidhean Croise

Matáyɔ 25:46

Cɔ, ɓɔ, ɓágande otambanga mɛyɔ. Ɓato á koɗoni gǎkɛ ɓáɓande na enda á mɛyɔ.»

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 10:28

Néǒɓopha enda á mɛyɔ, ɓákáɓúngɛeka tanda. Nkpa nnaɔtɔka n'aɛkpɔi ka njaga ani.

Ɓalɔ́ma 4:13

Cɔ, Mokonga ɗámɔku Abalaámu na ɓasuko akɛ gea aéɓophande mokonda. Mɔkɔ ndɔ nna gǎkɛ ka nyɔngɔ nde Abalaámu ɗáoamba ɛɔphi ndea Mósa. A ndiu ka nyɔngɔ nde Mokonga ɗántangi nto á koɗoni ka nyɔngɔ á ɓeekea nɛkɛ.

Ɓalɔ́ma 5:12

Cɔ, ka nyɔngɔ á nkpa moci tɔ, Adámu aunge ɓojeɗe ɗángí ka mokonda, ɓojeɗe ndɔ áobikisa kukuwa. Kaɓondɔ unge, kukuwa andandi ka ɓakpa ɓɔbu nga, ɓɔbu ɗáɓági ɓojeɗe.

Ɓalɔ́ma 5:14

Ɓî a ɓó, kukuwa ɗátú na kɔkɔta kpanga ka matú ndea Adámu na ka gǎ jua ka matú ndea Mósa. Kɔkɔta á kukuwa ɗátú gǔ á ɓakpa nde nanga ɗáɓákagi ɓojeɗe ɓea Adámu, mmbé ɗátingíígi ɛɔphi ndea Mokonga. Adámu akengeani na nkpa nde ɗáɓáoɓondeaga bika akɛ.

Ɓalɔ́ma 5:17

Ande ɗoni, kukuwa ɗátú na kɔkɔta ka nyɔngɔ á ɓojeɗe ndea nkpa moci, nkpa moci ndɔ tɔ. Cɔ, ka nyɔngɔ á Yéso Kiísito tɔ unge ɓe gǎkɛ ɔtɔa kema ásii á ɓonjánja-ékondi ndea Mokonga na egabɔ á koɗoni ndea Mokonga. Ɓakpa nde ɓána ɓonjánja-ékondi ndea Mokonga na egabɔ nɛkɛ, ɓáendande na ɓáɓande na kɔkɔta ka nyɔngɔ á Yéso Kiísito sasakɛ.

Ɓalɔ́ma 6:12

Cɔ, ɓojeɗe kaɓɛmbɛ ye na kɔkɔta suɓi á nyama ndɔ á kukuwa na ɓókoɓeekeɛmbɛ ye tɔtɔkisa á mɔphɛ ájeɗe á nyama anu.

Ɓalɔ́ma 6:14

Ɓojeɗe káɓɛku ye na kɔkɔta gǔ anu nga, ɓókó ye kusi á ɛɔphi, ɓo ndiu kusi á ɓonjánja-ékondi ndea Mokonga.

Ɓalɔ́ma 6:16

Ɓoɗigimisi gea, ɓo ye oɓá ɓakɔɓɛ ndea nkpa na ɔ́ka á nyɔngɔ nɛkɛ bui, ɓo ye tɔ ɓakɔɓɛ nɛkɛ. Aoɓá kɔkɔɓɛ á ɓojeɗe, sungiaga í ande kukuwa. Aoɓá n'ande ɓánga á Mokonga, sungiaga í ande enda á ɓonjánja.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

Ɓalɔ́ma 8:10

A gǎkɛ oɓá Kiísito n'aiki suɓi anu, nanga nyama anu á kuwa ye ka nyɔngɔ á ɓojeɗe, Měma á kanga ɓojeɗe nnde á suɓi anu aunge aonoendisa nga, Mokonga a ye onotanga ɓato á koɗoni mosá akɛ.

Títɔ 2:11

Eya, Mokonga asóphangi base ɓonjánja-ékondi nɛkɛ, n'ande cina á ɓoamia á ka měma ka ɓakpa ɓɔbu.

Ɓaɛbulanía 4:16

Ɓî a ɓó, ɓébikɛni mosá á kankaanga á ɓonjánja á Mokonga kángá ngǎka nga, kó unge ɓɛtɔande ngomi na ɓonjánja-ékondi, nnde asóengande ka mbenɔ nde ɓena siki í.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

1 Yoáni 2:25

Mɔkɔ nde yɛ sisakɛ asɔɔku ande enda á mɛyɔ.