Ɓalɔ́ma 5:20 - Ɔngana á Kɛ̌kɛ

²⁰ Ka nyɔngɔ á kiɗiana á ɛɔphi, aunge ɓojeɗe aɓiki. Cɔ, ɔma nde ɓojeɗe ɗáɓiki, ɓonjánja-ékondi ndea Mokonga ɗáɓiki phɛɛ.

Ɓalɔ́ma 5:20 Iomraidhean Croise

Matáyɔ 20:9

Ɓundɔ ɓátókpangi ekuma ka oyonga, ɓâ phɔ́ obika nkpa na nkpa áɔbɛɗa ophendɔ nɛkɛ nnde akeni ka esa moci.

Matáyɔ 9:13

Gǎni ɓóianegɛ nyɔngɔ nde Mokonga ɗáyɔngi te: ‹Nekondi měma á ngomi nna ɔphɛ́ɔ á ɓanyama› nga, kébiki k'aphe á ɔphana ɓato á ɓonjánja. Nebiki ndiu ka ɔphana á ɓato á ɓojeɗe.»

Lóka 7:47

Negie, kema ángbó nde amogi ně, aúbisi gea te, ɓojeɗe nɛkɛ así, Mokonga aími ú. Mmbé Mokonga aími gǎkɛ ɓojeɗe nɛkɛ ábɔa, yɛ ankondi phɔtɔ Mokonga ábɔa.»

Yoáni 10:10

Nkukuɓa a tɔ obika nɛkɛ k'aphe á uɓa, mowa na túkatúka. Nebiki gǎkɛ gea, ɓakpa ɓáɓɛ na enda, enda kau áɓɛ mɔɛndá.

Yoáni 15:22

Aoɓá na ɗékébiki, na ɗékěngoɗi nyɔngɔ nɛmɔ, ámbé ɓákátóɓɛku na ɓojeɗe. Kɛ̌kɛnde gǎkɛ, ɓákánganɛku ye ɓojeɗe nɛɓɔ.

Ɓalɔ́ma 4:15

Nga, ɛɔphi aobikisa ésúia ndea Mokonga. Atú gǎkɛ oɓá ɛɔphi na nna ɓei, ámbé nyɔngɔ á tingiaga í nna ɓei.

Ɓalɔ́ma 6:1

Cɔ, ɓɛyɔngande ɓo? Ɓetútuisande ika suɓi á ɓojeɗe ka gea te, ɓonjánja-ékondi ndea Mokonga áɓikɛ?

Ɓalɔ́ma 6:14

Ɓojeɗe káɓɛku ye na kɔkɔta gǔ anu nga, ɓókó ye kusi á ɛɔphi, ɓo ndiu kusi á ɓonjánja-ékondi ndea Mokonga.