Ɓalɔ́ma 5:2 - Ɔngana á Kɛ̌kɛ

² Ka nyɔngɔ akɛ phɔtɔ unge ɓena ɓeekea gea, ɓebîmisi ɓonjánja-ékondi ndea Mokonga nnde ande cina á ɓeekea nde ɓeikíí. Ɓena maseye ka nyɔngɔ nde nseɓeɔ nɛsu ande ɓá na ɓoombia ndea Mokonga.

Ɓalɔ́ma 5:2 Iomraidhean Croise

Matáyɔ 25:21

Mɔkɔta nɛkɛ áongea te: ‹Onde mbɛɗanigi anjánjá na nto á koɗoni. Ɓî ɔɔnisi gea onde nto á koɗoni ka kema ábɔa, mpɔ ye tɔ nekophande kɔkɔta á mamea kema ásii. Cɔ, bika ɓéguɛ jaí kimoci!›

Yoáni 10:7

Kaɓondɔ, Yéso â goto ǒngoɗea: «Nenóngoɗi ɗoni gea, nende kǐo á ɓɔgaɔ á ɓamɔgɔgɔ.

Yoáni 10:9

Eme aámbé nende kǐo. Aoɓá nkpa n'angí k'éme, aamande ka měma. Angiande, â phɔtɔ ojuana, atɔande eea.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Ekuma á ɓateki 14:27

Ɓájú ye na Antiɔkía, ɓáǒdondanisa ɓato á kanisa, ɓáǒngoɗea kema bui nde Mokonga ɗági kimoci na ɓɔ, na ɓî Mokonga aekoɗei phɔtɔ ɓakpa nde ɓáná Ɓayúda aphe á ɓeekea á Mokonga.

Ɓalɔ́ma 11:20

Eya a ɓó! Mokonga ɗáetenigi ka nyɔngɔ á kanga ɓeekea nɛɓɔ. Oɓɛ oiki gǎkɛ súa ka nyɔngɔ á ɓeekea. Kǒbebɛmbɛ, ɓá ndiu na ɓánga.

Ɓalɔ́ma 12:12

Ɓáni na maseye ka nyɔngɔ nde ɓoseɓei, ɓáni na měma áɗokǒ suɓi á tambaga. Mɛmani na moíngi ka koɗoni.

Ɓalɔ́ma 14:4

Oɓɛ, onde ani ka tena á nyɔngɔ ndea mbɛɗanigi ndea nkpa ɓaangbo? Átetemisa ekuma nɛkɛ, kátetemisi, nndɔ a tɔ ɔnɛnjia mɔkɔta á ekuma nɛkɛ. Atetemisande ekuma nga, Mɔkɔta ana ɓukpɛkpɛ á sukia akɛ.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

Ɓalɔ́ma 3:23

Nga, ɓakpa ɓɔbu ɓági tɔ ɓojeɗe, ɓáoúka ɓoombia ndea Mokonga.

Ɓalɔ́ma 5:5

Nseɓeɔ ndɔ nna okusa na soni ka nyɔngɔ nde, Mokonga aɛmbisi ekondi nɛkɛ suɓi á měma asu ka nyɔngɔ á Měma á kanga ɓojeɗe nde ɗásóphi.

Ɓalɔ́ma 8:1

Cɔ, kɛ̌kɛnde, ɓakpa nde ɓá suɓi á Kiísito Yéso, ɓákátenɛku ye tanda nyɔngɔ nɛɓɔ akpɛ.

Ɓalɔ́ma 8:24

Nga, ɓena nseɓeɔ gea ɓeami ye ka měma. Cɔ, seɓea á kema nde ɔɔna, nndɔ nna ye nseɓeɔ nga, ani mmbé aɔtɔka n'aseɓei kema nde aɔɔna?

1 Ɓakɔlítɔ 15:1

Ɓaya, nekondi goto nénókanisiɛ Mbino-Ánjá nde ɗénɔtɔ̌migi. Ɗóɓoɓeeki ú, na ka kɛ̌kɛnde, ɓo phɔ́tɔ oamba ú.

2 Ɓakɔlítɔ 3:18

Ɓesu ɓɔbu ɓéké ye na bɔngɔ ndɔ aoɗaka keongi asu. Nga, ɓoombia á Mɔkɔta aophenuaga kau. Kaɓondɔ ɓeékěti ka kengeana na Mɔkɔta, ɓéoɓá goto na ɓoombia ángbó esa bui. Nndɔ ungɔ ande ekuma ndea Mɔkɔta n'ande Měma.

2 Ɓakɔlítɔ 4:17

Tambaga nesu á kɛ̌kɛnde nna akpɛ na káiphiɛku. A ndiu osóɓɔngisia ɓophómbia ángbó phɛɛ. Ɓophómbia kau aɓande mɔɛnda na aángbó phɛɛ, kɔnyɛ́nya tambaga nde ɓe kau.

Ɓaɛphɛ́sɔ 2:18

Ka nyɔngɔ á Kiísito, ɓesu ɓɔbu, Ɓayúda na ɓunde ɓáná Ɓayúda, ɓɛɔtɔka na ɓembîmisíí Abɛ Mokonga, ka ɓukpɛkpɛ á Měma ndɔ moci.

Ɓaɛphɛ́sɔ 3:12

Ɓî ɓɛɔngani na yɛ, na k'aphe á ɓeekea nɛsu, ɓe na aphe base á sɛkɛɗa mosá á Mokonga, kángá ngǎka.

Ɓaɛphɛ́sɔ 6:13

Ɓî a ɓó, bɛɗani nkumba émani bui ndea Mokonga ka gea, ɓóubɛ kǒsimbia ka mana na mɓiɓia k'ésa ájeɗe nde aobika. Mbusa á gɔɓɛa emani unge ɓomamande akpɛ.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 6:18

Cɔ, Mokonga aɔɔkɔa na ɔphá, ande gea te nyɔngɔ iɓɛ ndɔ a tɔ ɗoni, kátinganɛku. Nga, Mokonga kátɔkɛku n'asódemi. Ka nyɔngɔ índɔ unge ɓena ɓukpɛkpɛ á ka měma. Cɔ, ɓesu íɓunde ɓetí, ɓedungi ye tɔ nseɓeɔ nde a mosá asu.

1 Pɛ́tɛɛ 3:18

Cɔ, Kiísito yɛ sasakɛ, ɗátambigi phɔtɔ mɔngɔ ímoci tɔ ka nyɔngɔ á ɓojeɗe nɛsu. Yɛ, nto á koɗoni, ɗáku ka nyɔngɔ á ɓunde ɓáná ɓato á koɗoni ka gea, ánophangiɛ aphe á gǎ mɔtɛ á Mokonga. Ɗáku kukuwa á ka nyama, Měma á kanga ɓojeɗe â gǎkɛ onjujukisa ka kukuwa.

Mphaniɔ 21:11

Ntanga-nji kau áophenuaga ka ɓophombia ndea Mokonga. Owanga á ntanga-nji áoɓá ɓea ɛtɛ á esombi akpɛ, Yáspi nnde áɔbɛnya ɓea ngaɛ́.

Mphaniɔ 21:23

Ntanga-nji ndɔ, ɗákátú na ɓuyɛnɛ á maní na songe nga, ɓophombia ndea Mokonga aunge ɗáojegia na Muna-Mɔgɔgɔ áɔbɛnya ɓea ɔbɛa.

Mphaniɔ 21:3

Nɛ́ɔɔ́ka ɛsɔ akpɛ n'aotóka ka kankaanga á kɔkɔta na koba áɔyɔnga ɓe: «Ɔma á ɓoiki ndea Mokonga a ye tɔ sɔsɔɓɛ á ɓakpa. Yɛ, aikande kimoci na ɓɔ, ɓáoɓá ɓakpa nɛkɛ. Mokonga sasakɛ, aɓande Mokonga nɛɓɔ, áoɓá kimoci na ɓɔ.

Mphaniɔ 3:21

Mmbé akíndande, neɓeekeande áikɛ kimoci n'eme ka kankaanga á koɓoamɛ nɛmɔ, ɓíndɔ eme ɗékíndi, néoika kimoci n'Abɛ ka kankaanga á koɓoamɛ nɛkɛ.