Ɓalɔ́ma 5:18 - Ɔngana á Kɛ̌kɛ

¹⁸ Cɔ, ka nyɔgɔ nde ɓojeɗe ndea nkpa moci aunge Mokonga ateni nyɔngɔ á ɓakpa ɓɔbu akpɛ, a phɔtɔ ɓó ka nyɔngɔ á nto á kanga ɓojeɗe moci tɔ, Yéso Kiísito, ekuma nɛkɛ aékoɗigi ɓakpa ɓɔbu ka tena á nyɔngɔ na opha á ɓɔ enda.

Ɓalɔ́ma 5:18 Iomraidhean Croise

Yoáni 1:7

Yɛ, ɗábiki ka ɓá nɗigimisi, ka ɗigimisa á owanga ndɔɔ. Ka tɔ̌mia akɛ nyɔngɔ á owanga ndɔ, aunge ɓakpa ɓɔbu ɓáɓeeki.

Yoáni 12:32

Eme gǎkɛ, mbenɔ nde ɓámotáisande ka mokonda nde, něɓoteande ɓakpa ɓɔbu.»

Yoáni 3:26

Kaɓondɔ, ɓagoigi ndɔ ɓáɔngɛndɛa Yoáni, ɓáongoɗea te: «Ngoisigi, mmbɔ ɗátú n'oɓɛ kubi á Yɔɔdáni, mmbɔ ɗɔ́ɔtɔmiaga nyɔngɔ akɛ, a ye tɔ oɓatisa. Ɓakpa ɓɔbu ɓámɓǐ.»

Ɓalɔ́ma 3:25

Nga, Mokonga ɗámbisi Yéso ka nyama á phɛ́a ka nyɔngɔ á íma á ɓojeɗe nde ɓakpa ɗáɓági mosá. Ka ɓakpa nde ɓáɓeeki, magia á phɛ́a ndɔ aphangisi gea Mokonga ande nto á koɗoni ka nyɔngɔ nde aími ɓojeɗe nde ɓakpa ɗáɓági.

Ɓalɔ́ma 4:25

Mmbé Mokonga ɗánkusisi ka nyɔngɔ á ɓojeɗe nɛsu â gǎkɛ onjujukisa ka kukuwa ka gea, ɓéɓɛ ɓato á koɗoni mosá á Mokonga.

Ɓalɔ́ma 5:12

Cɔ, ka nyɔngɔ á nkpa moci tɔ, Adámu aunge ɓojeɗe ɗángí ka mokonda, ɓojeɗe ndɔ áobikisa kukuwa. Kaɓondɔ unge, kukuwa andandi ka ɓakpa ɓɔbu nga, ɓɔbu ɗáɓági ɓojeɗe.

Ɓalɔ́ma 5:15

Cɔ, ɓojeɗe ndea Adámu atingani phɛɛ n'egabɔ á ɓonjánja-ékondi ndea Mokonga. Eya, aoɓá ka nyɔngɔ á ɓojeɗe á nkpa moci tɔ aunge ɓakpa ɓásii ɓáokuia, cɔ, Mokonga ayami gǎkɛ ɓonjánja-ékondi nɛkɛ phɛɛ ka phɔa ɓakpa ɓásii na egabɔ a tɔ ɔtɔtɔkɛana ka nkpa moci mmbé ɓáɔmɔphana Yéso Kiísito.

Ɓalɔ́ma 5:19

Cɔ, ɓî ka nyɔngɔ á ɓojeɗe ndea nkpa moci tɔ unge ɓakpa ɓásii ɓángí ka ɓojeɗe, a phɔtɔ ɓó unge ka nyɔngɔ á ɔ́kapha á nkpa moci tɔ, Mokonga aétangande ɓakpa ɓásii ɓato á koɗoni mosá akɛ.

Ɓalɔ́ma 6:14

Ɓojeɗe káɓɛku ye na kɔkɔta gǔ anu nga, ɓókó ye kusi á ɛɔphi, ɓo ndiu kusi á ɓonjánja-ékondi ndea Mokonga.

1 Ɓakɔlítɔ 15:22

A tɔ ɓíndɔ ɓakpa ɓɔbu ɓáokuwa ka nyɔngɔ nde, ɓájúkani na Adámu, a phɔtɔ ɓó unge ɓakpa ɓɔbu ɓunde ɓájúkani na Kiísito ɓáɓande na enda á kɛ̌kɛ.

Ɓaɛbulanía 2:9

Cɔ, ɓɛɔni ndiu gea, mmbé ɗáɓándidisi ka mbenɔ ábɔa kusi á ɓamalaéka ande Yéso. Ka nyɔngɔ á tambaga na kukuwa akɛ, Mokonga amophi kɛ̌kɛnde ɓoombia na ɓokutú. Kaɓondɔ unge ka nyɔngɔ á ɓonjánja-ékondi ndea Mokonga, Yéso ɗáku ka phɔa ɓakpa ɓɔbu.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

1 Yoáni 2:20

Cɔ, Kiísito ɗánóphi ɓenu Měma á kanga ɓojeɗe ka gea, ɓenu ɓɔbu ɓóúbɛ ɗoni.