Ɓalɔ́ma 5:14 - Ɔngana á Kɛ̌kɛ

¹⁴ Ɓî a ɓó, kukuwa ɗátú na kɔkɔta kpanga ka matú ndea Adámu na ka gǎ jua ka matú ndea Mósa. Kɔkɔta á kukuwa ɗátú gǔ á ɓakpa nde nanga ɗáɓákagi ɓojeɗe ɓea Adámu, mmbé ɗátingíígi ɛɔphi ndea Mokonga. Adámu akengeani na nkpa nde ɗáɓáoɓondeaga bika akɛ.

Ɓalɔ́ma 5:14 Iomraidhean Croise

Ɓalɔ́ma 5:12

Cɔ, ka nyɔngɔ á nkpa moci tɔ, Adámu aunge ɓojeɗe ɗángí ka mokonda, ɓojeɗe ndɔ áobikisa kukuwa. Kaɓondɔ unge, kukuwa andandi ka ɓakpa ɓɔbu nga, ɓɔbu ɗáɓági ɓojeɗe.

Ɓalɔ́ma 5:17

Ande ɗoni, kukuwa ɗátú na kɔkɔta ka nyɔngɔ á ɓojeɗe ndea nkpa moci, nkpa moci ndɔ tɔ. Cɔ, ka nyɔngɔ á Yéso Kiísito tɔ unge ɓe gǎkɛ ɔtɔa kema ásii á ɓonjánja-ékondi ndea Mokonga na egabɔ á koɗoni ndea Mokonga. Ɓakpa nde ɓána ɓonjánja-ékondi ndea Mokonga na egabɔ nɛkɛ, ɓáendande na ɓáɓande na kɔkɔta ka nyɔngɔ á Yéso Kiísito sasakɛ.

Ɓalɔ́ma 5:21

Kaɓondɔ, ɓî ɓojeɗe ɗátú na kɔkɔta, áɔtɔtɔkisa kukuwa, ɓondɔ phɔtɔ unge ɓonjánja-ékondi ndea Mokonga áɓɛ na kɔkɔta ka koɗoni na tɔtɔkisa enda á mɛyɔ ka Yéso Kiísito Mɔkɔta nɛsu.

Ɓalɔ́ma 8:20

Nga ɓábisi kema ndɔ bui kusi á kɔkɔta nde nna na kantíti. Nna ka gea atókenanigi na ɓó, a ndiu ka gea Mokonga aámbé abisi ú ɓó. Cɔ, kema nde ɗáɓáseɓei aungɔ.

Ɓalɔ́ma 8:22

Cɔ, na ka kesande, ɓeoúba gea kema bui nde Mokonga aconji aoɓénga kimoci na kokae ɓea ama-kaeme n'aka ɓoaé.

1 Ɓakɔlítɔ 15:22

A tɔ ɓíndɔ ɓakpa ɓɔbu ɓáokuwa ka nyɔngɔ nde, ɓájúkani na Adámu, a phɔtɔ ɓó unge ɓakpa ɓɔbu ɓunde ɓájúkani na Kiísito ɓáɓande na enda á kɛ̌kɛ.

1 Ɓakɔlítɔ 15:45

Cɔ, ɓáɗundu suɓi á Ɓuku á Mokonga ɓe: «Nkpa á k'ama mosá-mosá, ina akɛ Adámu. Mokonga ɗámophi enda.» Kiísito ande gǎkɛ Adámu nde ɓa mbusa. Měma akɛ unge aobikisa enda.

Ɓaɛbulanía 9:27

Ɓî nkpa buakɛ a tɔ okuwa mongɔ ímoci, mbusa á kukuwa Mokonga áotena nyɔngɔ nɛkɛ,