Ɓalɔ́ma 5:11 - Ɔngana á Kɛ̌kɛ

¹¹ Nna tɔndɔ nndɔ, ɓe ndiu na maseye ka Mokonga ka nyɔngɔ á Mɔkɔta nɛsu Yéso Kiísito mmbé asɔɔnganisi kɛ̌kɛnde na Mokonga.

Ɓalɔ́ma 5:11 Iomraidhean Croise

Lóka 1:46

Cɔ, Malía áɔɔ́tɔa gea: «Nenɗokomisi Mɔkɔta ka měma,

Yoáni 1:12

Ɓuangbo gǎkɛ ɓunde ɗáɓánsesi na ɓeekea akɛ, áǒɓopha kɔkɔta á ɓá ɓana-Mokonga.

Ɓalɔ́ma 11:15

Ɓî Mokonga ɗáephaphi Ɓayúda, ɗáɔnganisi mokonda na yɛ. Cɔ, mbenɔ nde aeseseande goto, ekende aɓande? Aɓande ɓea ɓasí na ɓájujúki ka kukuwa!

Ɓalɔ́ma 2:17

Cɔ, oɓɛ ímbe ogi te, onde Moyúda, oseɓei ɛɔphi ndea Mósa, na ébeba na Mokonga.

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓalɔ́ma 5:10

Nga, mbenɔ nde ɗéɓetú ɓaɓiɓia ndea Mokonga, ɗásɔɔnganisi na yɛ ka nyɔngɔ á kukuwa á Anakɛ. Nndɔ aphangisi base gea, ɔngana asu na yɛ, ɓeamande ka nyɔngɔ á enda á Kiísito.

Ɓalɔ́ma 5:3

Nanga ɓéotambaga, ɓena maseye nga, ɓeoúba gea, tambaga aobikisa moíngí,

Ɓalɔ́ma 8:23

Nna tɔndɔ kema bui nde Mokonga ɗáconji, ɓesu íɓunde ɓe ye na Měma á kanga ɓojeɗe ɓea měma égabɔ ndea Mokonga, ɓe phɔtɔ oɓénga ka měma ka ɓondeaga gea ɓéɓɛ ɓana-Mokonga na mbenɔ nde yɛ akoɗagande nyama asu.

Ɓalɔ́ma 9:10

Nna gǎkɛ tɔ nndɔ, a ɓíndɔ Lɛbɛ́ka ɗáɛɓɔkɔti ɓapháse ɓaniki ɓǒko na tatasu Isáka.

1 Ɓakɔlítɔ 10:16

Cɔ, ɓî ɓeonoa kiɓe nde ɓeonsega Mokonga kau, nna ɔngana asu ka magia á Kiísito ungɔ ee? Ɓî ɓeoea mokati, nndɔ nna ɔngana asu ka nyama á Kiísito ee?

2 Ɓakɔlítɔ 8:19

Kanisa bui ansɔmbu gea, ágɛ na ɓesu k'aphe á bɛɗanaga ekuma ndɔ égabɔ. Ɓɛɔɓɛɗanaga ekuma ndɔ, ka ɗokomisa á Mɔkɔta sasakɛ na ka phangia mɔphɛ asu ánjá.

Ɓagalatía 4:9

Kɛ̌kɛnde unge ɓomúbi Mokonga, ande gea te, Kɛ̌kɛnde unge Mokonga anóúbi. Cɔ, eke nde ɓoogea ɓójiiɛ ɓansombo na kema nde nna na ɓukpɛkpɛ kaɓɛ na kantíti, na kaɓa á ɓá goto ɓakɔɓɛ?

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaphilípi 3:1

Cɔ, ɓaya, ɓáni na maseye ka nyɔngɔ á ɔngana anu na Mɔkɔta. Nna kema k'éme aoɓá na nesikíígi kema nde ɗéneɗundu mosá nga, nndɔ akeni ka ɓenu.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Ɓaphilípi 4:4

Cɔ, ɓáni na maseye mbenɔ bui, ka nyɔngɔ á ɔngana anu na Mɔkɔta. Nesikíí goto: Ɓáni na maseye.

Ɓakɔlɔsái 2:6

Cɔ, ɓî ɓomɓeeki Mɔkɔta Yéso Kiísito, júkanani na yɛ ka enda anu.

1 Pɛ́tɛɛ 1:8

Cɔ, ɓonkondi Yéso, nanga ɗɔ́ɓɔ́kɔ́mɔni ka yɛ. Ɓomɓeeki, nanga kɛ̌kɛnde ɓɔ́kɔ́ɔmɔna. Kaɓondɔ unge ɓotúmi na maseye ángbó phɛɛ, nnde nkpa nnaɔtɔka n'atɔ̌mi ú.