Ɓalɔ́ma 5:1 - Ɔngana á Kɛ̌kɛ

¹ Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓalɔ́ma 5:1 Iomraidhean Croise

Lóka 19:38

Ɗáɓáɔyɔnga ɓe: «Ɓosegi ka Moamɛ, mmbé aobika k'ína á Mɔkɔta, ɓujɛjɛ áɓɛ na koba, ɓoombia áɓɛ ka Mokonga.»

Lóka 19:42

n'aɔyɔnga ɓe: «Atúoɓá oɓɛ n'oúbi kesande aphe á ɓujɛjɛ, cɔ, kɛ̌kɛnde nyɔngɔ ndɔ a ye tɔ á ɓɔsɔmɛa k'íso akɔ!

Lóka 2:14

Ɓoombia ka Mokonga, mmbé á na koba ee! Ɓujɛjɛ ka ɓakpa nɛkɛ, ɓundɔ ěkondi ee!

Yoáni 14:27

Nenóɗeketei ɓujɛjɛ, nenophi ɓujɛjɛ nɛmɔ. Kénóphi ɓíndɔ ɓato á ka mokonda ɓáonópha. Cɔ, měma anu kaágatanɛmbɛ, ɓókóɓɛmbɛ na kɔɓɔɓɔkɔ.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Yoáni 20:31

Cɔ, ɗáɓáɗundu gǎkɛ nnde ka gea, ɓóɓeekeɛ gea, Yéso ande Kiísito Muna-Mokonga. Kaɓɛ na ɓomɓeeki, ɓoɓande na enda ka yɛ.

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Ekuma á ɓateki 10:36

Cɔ, Mokonga ɗátekisi moyo akɛ ka Ɓaisilaɛ́li. Yéso Kiísito aámbé abiki na moyo ndɔ, n'ande Mbino-Ánjá á ɓujɛjɛ. Yɛ aámbé ande Mɔkɔta á ɓakpa ɓɔbu.

Ɓalɔ́ma 1:17

Ka nyɔngɔ nde, Mbino-Ánjá aoúbisa aphe sina nde Mokonga aǒtanga ɓakpa ɓato á koɗoni mosá akɛ. Tanga á ɓakpa ɓondɔ, a tɔndɔ ɔtɔtɔkɛana ka ɓeekea á Yéso. A tɔ ɓíndɔ ɓáɗundu suɓi á Ɓuku á Mokonga gea: «Nto á koɗoni aendande ka nyɔngɔ á ɓeekea.»

Ɓalɔ́ma 1:7

Cɔ, nenóɗundui ɓenu ɓɔbu suɓi á Lɔ́ma ɓunde Mokonga aekondi na ɓunde ɗáɛɓɔphani ka ɓá ɓakpa nɛkɛ ɓato á kanga ɓojeɗe, ɓonjánja-ékondi na ɓujɛjɛ ndea Abasu Mokonga na Mɔkɔta nɛsu Yéso Kiísito áɓɛ na ɓenu.

Ɓalɔ́ma 10:10

Nga, nkpa aoɓeekea ka měma akɛ, Mokonga áombisa nto á koɗoni, anamisande mmbé aɔyɔnga k'aphenɔkɔ akɛ sisakɛ mosá á ɓakpa.

Ɓalɔ́ma 10:15

Na ɓakpa ɓátɔmiagande ú ɓo na ɓákáeteki ka tɔ̌miaga í? A ɓíndɔ Ɓuku á Mokonga agi: «Ande maseye ka ɔna bika á ɓunde ɓábiki na Mbino-Ánjá.»

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 15:33

Ambe Mokonga mɛna-ɓujɛjɛ áɓɛ kimoci na ɓɛnu ɓɔbu. Áɓɛ ɓó!

Ɓalɔ́ma 3:22

Ɓakpa ɓɔbu ɓunde ɓámɓeeki Yéso Kiísito ɓáunge Mokonga aǒtanga ɓato á koɗoni mosá akɛ kángá oɓayɔ.

Ɓalɔ́ma 3:30

nga, Mokonga a tɔ mo. Yɛ tɔ aámbé aétangande Ɓayúda na ɓunde ɓáná Ɓayúda ɓato á koɗoni ka ɓeana na ɓeekea á nkpa na nkpa.

Ɓalɔ́ma 4:5

Cɔ, a ndiu oɓá nkpa na kági ka kema na amɓeeki Mokonga mmbé áǒtanga ɓato á ɓojeɗe ka ɓato á koɗoni, ɓeekea nɛkɛ aunge ɓántangi kau nto á koɗoni.

Ɓalɔ́ma 5:11

Nna tɔndɔ nndɔ, ɓe ndiu na maseye ka Mokonga ka nyɔngɔ á Mɔkɔta nɛsu Yéso Kiísito mmbé asɔɔnganisi kɛ̌kɛnde na Mokonga.

Ɓalɔ́ma 5:18

Cɔ, ka nyɔgɔ nde ɓojeɗe ndea nkpa moci aunge Mokonga ateni nyɔngɔ á ɓakpa ɓɔbu akpɛ, a phɔtɔ ɓó ka nyɔngɔ á nto á kanga ɓojeɗe moci tɔ, Yéso Kiísito, ekuma nɛkɛ aékoɗigi ɓakpa ɓɔbu ka tena á nyɔngɔ na opha á ɓɔ enda.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

Ɓalɔ́ma 9:30

Cɔ, ɓégeɛ ɓo? Ɓakpa nde ɓáná Ɓayúda ɓunde ɗáɓákáokáɓa koɗoni, ɓɔ ndiu ɓáunge yɛ Mokonga aɛɓɔni gea, ɓánde ɓato á koɗoni mosá akɛ, nga ɓámɓeeki.

Ɓagalatía 2:16

Ɓeoúba gea, nna ka nyɔngɔ á amba ɛɔphi unge aombisa nkpa nto á koɗoni mosá á Mokonga. A ndiu tɔ ka nyɔngɔ á ɓeekea Yéso Kiísito. Ɓesu phɔtɔ, ɗéɓemɓeeki Kiísito Yéso ka gea te, ɓéúbukanɛ gea ɓende ɓato á koɗoni. Ɗéɓeúbukani gea ɓende ɓato á koɗoni ka ɓeekea Kiísito, nna ka nyɔngɔ á amba ɛɔphi. Nga, nna na nkpa nde aɓande nto á koɗoni mosá á Mokonga ka nyɔngɔ á amba ɛɔphi.

Ɓagalatía 3:25

Ɓî mbenɔ á ɓeekea ajú ye, nna ye ɛɔphi unge aosóamba.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓaɛphɛ́sɔ 2:7

Kaɓondɔ, ka ɔnisa ɓonjánja-ékondi nɛkɛ ka ɓesu ka ɛɓɔkɔti bui nde abikaeka suɓi á Kiísito, aunge Mokonga ɗákondi phangia ɓongbóngbó á ɓonjánja-ékondi nɛkɛ.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

Ɓakɔlɔsái 1:20

Ɗákondi sikisa ɓujɛjɛ sɔsɔɓɛ akɛ na econji bui á ka mokonda k'aphe ndea Anakɛ. Mbenɔ nde Kiísito ɗáɗuki magia akɛ ka moyangɔ, mpɔ Mokonga áosikisa ɓujɛjɛ sɔsɔɓɛ akɛ na econji bui nnde á na koba na nnde á ka mokonda.

Ɓakɔlɔsái 3:15

Ambe ɓujɛjɛ ndea Kiísito áɓɛ na kɔkɔta ka měma anu. Nga, ka nyɔngɔ í unge Mokonga ɗánɔɔphani ka gea, ɓóɓɛ nyama á nkpa moci. Nsegani esa bui.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

2 Ɓatɛsalɔníka 3:16

Ambe Mɔkɔta mɛna-ɓujɛjɛ, yɛ sasakɛ ánóphɛ ɓujɛjɛ esa bui na ka kema bui. Áɓɛ na ɓenu ɓɔbu.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.