Ɓalɔ́ma 4:6 - Ɔngana á Kɛ̌kɛ

⁶ A phɔtɔ ɓó unge Daúdi ayɔngi nyɔngɔ á maseye ka phɔa ɓakpa nde Mokonga aéangi ɓato á koɗoni kángá ɔnjia ekuma nɛɓɔ.

Ɓalɔ́ma 4:6 Iomraidhean Croise

Matáyɔ 25:19

Mbusa ésa ásii, mɔkɔta ndea ɓabɛɗanigi ndɔ, áosikianaga. Áɔ̌ɓɔphana ɓabɛɗanigi nɛkɛ ka yɔngaga na ɓɔ ka nyɔngɔ á nkumba nde ɗáeɗeketei.

Ɓalɔ́ma 1:17

Ka nyɔngɔ nde, Mbino-Ánjá aoúbisa aphe sina nde Mokonga aǒtanga ɓakpa ɓato á koɗoni mosá akɛ. Tanga á ɓakpa ɓondɔ, a tɔndɔ ɔtɔtɔkɛana ka ɓeekea á Yéso. A tɔ ɓíndɔ ɓáɗundu suɓi á Ɓuku á Mokonga gea: «Nto á koɗoni aendande ka nyɔngɔ á ɓeekea.»

Ɓalɔ́ma 3:27

Cɔ, ɓena kema nde ɓeǒbeba ně? Tanda phɔ́. Ka ɓo? Ka nyɔngɔ nde kema nde ana kantíti nna ɛɔphi, a ndiu ɓeekea.

Ɓalɔ́ma 4:11

Mbusa á wa, ɗáɓángusi ganja. Gúa akɛ ganja áoɓá mphangiɔ ka engekisa ɗoni nde Mokonga ɗántangi nto á koɗoni ka nyɔngɔ á ɓeekea nɛkɛ. Kaɓondɔ unge Abalaámu a ye aba ɓakpa ɓɔbu ɓunde ɓáɓeeki, nanga ɓákágú ganja, ka gea ɓétangɛ phɔtɔ ɓɔ, ɓato á koɗoni.

Ɓalɔ́ma 4:24

A ndiu phɔtɔ ka phɔasu íɓunde Mokonga asotangande ɓato á koɗoni, ɓesu íɓunde ɓemɓeeki Mokonga gea, ɗánjujúkisi Mɔkɔta nɛsu Yéso ka kukuwa sɔsɔɓɛ á ɓasí.

Ɓalɔ́ma 4:5

Cɔ, a ndiu oɓá nkpa na kági ka kema na amɓeeki Mokonga mmbé áǒtanga ɓato á ɓojeɗe ka ɓato á koɗoni, ɓeekea nɛkɛ aunge ɓántangi kau nto á koɗoni.

Ɓalɔ́ma 4:7

Ɗáyɔngi ɓe: «Maseye ka ɓunde Mokonga agbukúmi ɓɔjɔɔkiɔ nɛɓɔ na ímá á ɓojeɗe nɛɓɔ!

Ɓalɔ́ma 4:9

Cɔ, maseye nde a tɔ ka ɓagu-ganja, nna phɔtɔ ka ɓawó ee? Ɓe ye yɔngi gea: «Mokonga ɗántangi Abalaámu nto á koɗoni ka nyɔngɔ á ɓeekea nɛkɛ.»

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓagalatía 3:14

Kiísito ɗági ɓó ka gea, ɓî Mokonga ɗámbisíí Abalaámu njaga, áɓɛ phɔtɔ ka ɓakpa nde ɓáná Ɓayúda k'aphe ndea Yéso. Kaɓondɔ unge ɓesu ɓɔbu, ɓɛtɔi Měma nde Mokonga ɗásɔɔku ka nyɔngɔ á ɓeekea.

Ɓagalatía 4:15

Ɗóɓotúmi na maseye phɛɛ! Cɔ, eke ye goto? Nenogie, ɗátúoɓá n'atɔtɔkɛani, ámbé ɗóɓóphúigi mbuk'íso anu, ɓóomopa.

Ɓaɛphɛ́sɔ 1:3

Obebɔ ka Mokonga, Aba Mɔkɔta nɛsu Yéso Kiísito. Asóbisíí njaga bui ka měma na bisia asu keɓu á na koba ka ɔngana asu na Kiísito.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

Yakɔ́ɓɔ 2:18

Cɔ, aoɓá nkpa n'ayɔngande gǎkɛ te: «Oɓɛ, omɓeeki Mokonga, eme gǎkɛ nɛɔtɔtɔkisa ekuma ánjá.» Eme, nensikisiande ɓe: «Ɔ́mɔɔnisa phɔ́ ɓeekea nɛkɔ á kanga tɔtɔkisa ekuma ánjá. N'eme nɛkɔɔnisande ɓeekea nɛmɔ k'ékuma ánjá nde nɛɔtɔtɔkisa.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.