Ɓalɔ́ma 4:21 - Ɔngana á Kɛ̌kɛ

²¹ Ɗáúbi ɗoni gea, Mokonga ana ɓukpɛkpɛ á tɔtɔkisa phɔtɔ kema nde ɗáɔku.

Ɓalɔ́ma 4:21 Iomraidhean Croise

Matáyɔ 19:26

Yéso áǒenga jaa! Áǒgea: «Kema bui nde nkpa nna ɔtɔtɔkisa, Mokonga aámbé aɔtɔtɔkisa.»

Lóka 1:1

Mɔkɔta Tɛɔphílɔ, Ɓakpa ɗanga-ɗanga ɗáɓákengi ɗundua nyɔngɔ á Mɔkɔta, nnde ɗágeani sɔsɔɓɛ asu.

Lóka 1:37

A tɔ ɓó, ka nyɔngɔ nde, kema bubui a tɔ ɔtɔtɔkɛana ka Mokonga.»

Lóka 1:45

Maseye phɔtɔ k'óɓɛ ímbɔ oɓeeki nyɔngɔ bui nde Mɔkɔta akongoɗi nga, atɔtɔkɛanande.»

Ɓalɔ́ma 14:4

Oɓɛ, onde ani ka tena á nyɔngɔ ndea mbɛɗanigi ndea nkpa ɓaangbo? Átetemisa ekuma nɛkɛ, kátetemisi, nndɔ a tɔ ɔnɛnjia mɔkɔta á ekuma nɛkɛ. Atetemisande ekuma nga, Mɔkɔta ana ɓukpɛkpɛ á sukia akɛ.

Ɓalɔ́ma 14:5

Ɓakpa moci-moci ɓáokanisia gea, ana esa nde anyɛ́nyi esa nɛngbo ka kantíti, ɓuangbo gǎkɛ a tɔ kimoci. Ambe nkpa na nkpa áengekisɛ ánjá nkanisiɔ nɛkɛ.

Ɓalɔ́ma 8:38

Ka nyɔngɔ nde neoúba ɗoni gea, nna na kema nde aɔtɔka n'asókatanisi na ekondi ndea Mokonga. Kaɓɛ n'ande kukuwa, kaɓɛ n'ande enda, kaɓɛ n'ande ɓamalaéka, kaɓɛ n'ande ɓakɔta, kaɓɛ n'ande kema á kɛ̌kɛ, kaɓɛ n'ande kema nde abikande, kaɓɛ n'ande ɓato á ɓukpɛkpɛ,

2 Ɓakɔlítɔ 9:8

Mokonga ana ɓukpɛkpɛ á opha anu kema ásii phɛɛ ka gea, ɓóɓɛ na kema bui nde ɓookonda. Gǔ índɔ goto, ɓoɓande na nnde ɓɔtɔtɔkisande ně kema ánjá bubui.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

Ɓaɛbulanía 11:13

Suɓi á ɓeekea nɛɓɔ, ɓáokuwa ɓɔbu kángá tɔá á kema nde Mokonga ɗɛ́ɔku. Cɔ ɓɔ, ɗáɓáɔni gǎkɛ n'a phɔ́tɔ ɗanga, ɓáosesea ú. Mpɔ ɓáoɗigimisa gea, ɗáɓátú ɓakɛni, nji nɛsu nna ka mokonda.

Ɓaɛbulanía 11:19

Nga, Abalaámu ɗáoúba te, Mokonga ana ɓukpɛkpɛ á jujúkisa á nkpa n'aku. Kaɓondɔ unge Mokonga ɗánsikisíí anakɛ. Nndɔ ande ɓea mphangiɔ á jujúka ka kukuwa.