Ɓalɔ́ma 4:17 - Ɔngana á Kɛ̌kɛ

¹⁷ Cɔ, a tɔ ɓíndɔ ɓáɗundu suɓi á Ɓuku á Mokonga gea: «Ɗékobisi aba ɛɓɔkɔti ásii.» Yɛ, ande abasu mosá á Mokonga ímbe amɓeeki. Mokonga ndɔ, ande mmbé aǒendisa ɓakpa nde ɓaku na sosea á kema nde káɓimbɛ mɔnɔ ɓei gea te áɓɛ ye tɔ ɓei.

Ɓalɔ́ma 4:17 Iomraidhean Croise

Matáyɔ 3:9

Ɓókokanisiɛmbɛ gea, nnde ɓooianaga sasanu ka měma anu gea te: ‹Abalaámu ande tatasu›, sungíi ungɔ. Nenóngoɗi gea, Mokonga aɔtɔka gaiya á ɓ'ɛtɛ nde ɓáɓɛ ɓasuko á Abalaámu.

Yoáni 5:21

Nga, a tɔ ɓíndɔ Abɛ aǒjujukisa ɓasí ka kukuwa na endisa aɓɔ goto, a phɔtɔ ɓó unge Anakɛ aonendisa nkpa buakɛ mmbé akondi endisa akɛ.

Yoáni 5:25

Eya, nenóngoɗi ɗoni gea, mbenɔ aobika, n'a ye biki, ɓasí ɓáɔ́kande ɛsɔ á Muna-Mokonga, na ɓunde ɓáɔ́kande ɛsɔ ndɔ, ɓáendande.

Yoáni 6:63

Měma á kanga ɓojeɗe aunge aoendisa. Nga, nkpa sasakɛ nnaɔtɔka ka kema. Nyɔngɔ nde ɗénóngoɗi, ande á Měma na anóphande enda.

Ekuma á ɓateki 15:18

moangɔ nɛkɛ nnde ɗáengekisi kala.›

Ɓalɔ́ma 3:29

Ande gea te, Mokonga a tɔ Mokonga ndea Ɓayúda? Nna phɔtɔ Mokonga ndea ɓunde ɓáná Ɓayúda? Eya! A phɔtɔ Mokonga ndea ɓunde ɓáná Ɓayúda

Ɓalɔ́ma 4:18

Abaláamu ɗáɓeeki seɓea kema nde ɗákákeni ye seɓea í. Ka nyɔngɔ á ɓeekea ndɔ unge a ye tɔ «Aba ɛɓɔkɔti ásii.» Ɓindɔ ɗáɓáɗundu suɓi á Ɓuku á Mokonga gea: «Ɓende unge ɛɓɔkɔti nɛkɔ aɓikande.»

Ɓalɔ́ma 4:2

Aoɓá Mokonga na ɗántangi Abalaámu nto á koɗoni ka nyɔngɔ ékuma nɛkɛ, ana kema nde aǒbeba kau. Nna gǎkɛ ɔtɔka n'ěbebi mosá á Mokonga.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

Ɓalɔ́ma 9:11

Mokonga a gǎkɛ na moangɔ nɛkɛ ka sɔmbɔa á ɓakpa. Sɔmbɔa ndɔ, atóki ka mɔphani nde yɛ aɛɓɔphani, nna ndiu ka tambea aɓɔ. Ka ɔnisa gea, nnaoanganisa moangɔ nɛkɛ, Mokonga áongoɗea Lɛbɛ́ka na káeɓonjimbɛ ɓaniki-ɓǒko nɛkɛ, na ɓákágimbɛ mɔnɔ kaɓɛ kema ánjá kaɓɛ kema ájeɗe gea: «Ngbɛga ambɛɗaneagande miki.»

Ɓalɔ́ma 9:26

Ɔma nde ɗáěngoɗi gea: ‹Ɓókó ɓakpa nɛmɔ›, wa tɔ unge ɓáɛɓɔphanande ɓana-Mokonga, Mɛna-enda.»

1 Ɓakɔlítɔ 1:28

Mokonga ɗásɔmbu kema á kanga ɓophombia á ka mokonda na kema á jǎi-jǎi á ka mokonda na nnde nna na kantíti, ka túkatúka á kema nde ana ɓoombia.

1 Ɓakɔlítɔ 15:45

Cɔ, ɓáɗundu suɓi á Ɓuku á Mokonga ɓe: «Nkpa á k'ama mosá-mosá, ina akɛ Adámu. Mokonga ɗámophi enda.» Kiísito ande gǎkɛ Adámu nde ɓa mbusa. Měma akɛ unge aobikisa enda.

1 Timɔtɛ́ɔ 6:13

Nekososi mosá á Mokonga, mmbé ande cina á enda bui, na mosá á Kiísito Yéso, mmbé ɗáengekisi koɗoni nɛkɛ mosá á Pɔntíɔ Pilátɔ gea,

Ɓaɛbulanía 11:12

Kaɓondɔ unge ka nyɔngɔ á nkpa moci, mmbé ɗáphomi ye tɔ phɛɛ, áoɓá n'ɛɓɔkɔti n'aɓiki ɓea ɓasɛɛngɔa na ɓea mbúme á ka mpɛphɛ óɓenge nnde nkpa nnaɔtɔka tanga í.

Ɓaɛbulanía 11:3

Ka nyɔngɔ á ɓeekea aunge ɓeúbi gea te, Mokonga ɗáconji mokonda k'ɛ́sɔ akɛ nga, kema nde ɓɛɔɔna ɗátɔtɔkɛani k'índe nna ɔɔnɛkana.

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

1 Pɛ́tɛɛ 2:10

Kala, ɗóɓókótú ɓato á k'ékombo ndea Mokonga, kɛ̌kɛnde, ɓo ye tɔ ekombo nɛkɛ. Kala, Mokonga ɗákáonókuia ngomi, kɛ̌kɛnde gǎkɛ, a ye tɔ onókuia ngomi.

2 Pɛ́tɛɛ 3:8

Ɓenu gǎkɛ ɓadani ékondi, ana kema moci nnde kákeni ɓóɓoseɛ nyɔngɔ ndee: K'íso á Mɔkɔta, esa moci a ɓea saga ɛlɛphu moci (1.000). Saga ɛlɛphu moci (1.000), a ɓea esa moci.