Ɓalɔ́ma 4:15 - Ɔngana á Kɛ̌kɛ

¹⁵ Nga, ɛɔphi aobikisa ésúia ndea Mokonga. Atú gǎkɛ oɓá ɛɔphi na nna ɓei, ámbé nyɔngɔ á tingiaga í nna ɓei.

Ɓalɔ́ma 4:15 Iomraidhean Croise

Yoáni 15:22

Aoɓá na ɗékébiki, na ɗékěngoɗi nyɔngɔ nɛmɔ, ámbé ɓákátóɓɛku na ɓojeɗe. Kɛ̌kɛnde gǎkɛ, ɓákánganɛku ye ɓojeɗe nɛɓɔ.

Yoáni 3:36

Cɔ, mmbé amɓeeki Anakɛ, a ye tɔ na enda á mɛyɔ. Mmbé an'yé, káɓɛku na enda ndɔ, Mokonga a gǎkɛ n'esúia gǔ akɛ.

Ɓalɔ́ma 1:17

Ka nyɔngɔ nde, Mbino-Ánjá aoúbisa aphe sina nde Mokonga aǒtanga ɓakpa ɓato á koɗoni mosá akɛ. Tanga á ɓakpa ɓondɔ, a tɔndɔ ɔtɔtɔkɛana ka ɓeekea á Yéso. A tɔ ɓíndɔ ɓáɗundu suɓi á Ɓuku á Mokonga gea: «Nto á koɗoni aendande ka nyɔngɔ á ɓeekea.»

Ɓalɔ́ma 5:13

Cɔ, mosá á Mokonga opha á Mósa ɛɔphi, ɓojeɗe ɗátú tɔ ka mokonda. Ɔma nde ɛɔphi nna ɓei, ɓákáotanga ɓojeɗe.

1 Ɓakɔlítɔ 15:56

Nga, ɓukpɛkpɛ á mowa aotóka ka ɓojeɗe, na ɓojeɗe ana ɓukpɛkpɛ ka ɓeana n'ɛ́ɔphi ndea Mósa.

Ɓagalatía 3:10

Cɔ, Mokonga aɛ́sɛmɛagande ɓakpa nde ɓábisi mɔphɛ aɓɔ ka nyɔngɔ á ɛɔphi. Nga, Ɓuku á Mokonga agi: «Ɓánsɛmɛagande nkpa buakɛ mmbé nnaoamba na nnaɔtɔtɔkisa esa bui kema bubui nde a suɓi á ɓuku ɛ́ɔphi.»

Ɓagalatía 3:19

Cɔ, ɛɔphi a gǎkɛ na kantíti sina? Ɗáɓáyamei ɛɔphi ka úbisa gea, ɓakpa ɗáɓáɓúni ɛɔphi ndea Mokonga, na ka ɓî ɛɓɔkɔti ndea Abalaámu ajúaeka mmbɔ mɔkɔ ɗátú ka phɔakɛ. Ɓamalaéka ɓáunge ɗáɓábiki n'ɛ́ɔphi ndɔ ɓáobisa ka njaga á mɔɔnganisi.

Ɓaɛphɛ́sɔ 5:6

Nkpa kanódemɛmbɛ na nyɔngɔ á jǎi-jǎi. Nga, ka nyɔngɔ índɔ unge, esúia ndea Mokonga ěguiande ɓakpa nde ɓánáɔmɔ́ka.

Ɓakɔlɔsái 3:6

Ka nyɔngɔ índɔ unge, esúia ndea Mokonga aɓande ka ɓunde ɓánáɔmɔ́ka yɛ.

1 Yoáni 3:4

Mmbé aogea ɓojeɗe, aoɓúna ɛɔphi ndea Mokonga. Nga, gea á ɓojeɗe, ande ɓúna á ɛɔphi.

Mphaniɔ 19:15

Píndí á ophea áojuana k'aphenɔkɔ akɛ, nnde amanisande nji ně. Yɛ, amameande nji ka ɓukpɛkpɛ á ngɔa na akámande mbuka ka kasangɔ n'esúia ndea Mokonga Mɛna-ɓukpɛkpɛ bui.