Ɓalɔ́ma 4:11 - Ɔngana á Kɛ̌kɛ

¹¹ Mbusa á wa, ɗáɓángusi ganja. Gúa akɛ ganja áoɓá mphangiɔ ka engekisa ɗoni nde Mokonga ɗántangi nto á koɗoni ka nyɔngɔ á ɓeekea nɛkɛ. Kaɓondɔ unge Abalaámu a ye aba ɓakpa ɓɔbu ɓunde ɓáɓeeki, nanga ɓákágú ganja, ka gea ɓétangɛ phɔtɔ ɓɔ, ɓato á koɗoni.

Ɓalɔ́ma 4:11 Iomraidhean Croise

Matáyɔ 16:16

Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Matáyɔ 8:11

«Nenóngoɗi base gea: Ɓakpa ɓásii ɓábikande ka toka n'Okomo, n'Oyonga, ɓáeagande kimoci na Abalaámu, Isáka na Yakɔ́ɓɔ ka koɓoamɛ á na koba.

Lóka 19:9

Mpɔ, Yéso áongea: «Kesande, ɓoamia angí k'éndu nde nga, mmbé a phɔtɔ mosuko á Abalaámu.

Yoáni 3:33

Mmbé aɓeeki nyɔngɔ nde aɗigimisi, aɓeeki phɔtɔ gea, Mokonga ande nto á ɗoni.

Yoáni 3:36

Cɔ, mmbé amɓeeki Anakɛ, a ye tɔ na enda á mɛyɔ. Mmbé an'yé, káɓɛku na enda ndɔ, Mokonga a gǎkɛ n'esúia gǔ akɛ.

Yoáni 6:35

Mpɔ, Yéso áɔ̌tɔmia ɓe: «Nende Mokati á endisa. Mmbé amobikíí, kákuwɛku tanda na nja na mmbé amoɓeeki, kákuwɛku tanda n'ɛnyɔta.

Yoáni 6:40

Cɔ, mɔphɛ á Abɛ a ɓe: Mmbé aɔmɔna Muna-Mokonga na ɓeekea akɛ, áɓɛ na enda á mɛyɔ na nenjujukisande k'ésa á sungiaga á mokonda.»

Yoáni 6:47

Eya, nenóngoɗi ɗoni gea, mmbé aɓeeki, ana enda á mɛyɔ.

Yoáni 8:33

Ɓáonsikisia: «Ɓesu, ɓende ɓato á k'ɛɓɔkɔti ndea Abalaámu. Nkpa kásobisimbɛ mɔnɔ tanda ka kɔkɔɓɛ ndeakɛ. Cɔ, ɔɔtɔka n'osóngoɗi gea, ɓetókande ka kɔkɔɓɛ ɓo?»

Ɓalɔ́ma 10:11

Kaɓondɔ, Ɓuku á Mokonga agi: «Nkpa buakɛ mmbé amɓeeki, kákuwɛku na soni.»

Ɓalɔ́ma 10:4

Ande gea te, Yéso aámbé ajúsi ɛɔphi ka sungiaga í ka gea, ɓakpa ɓɔbu ɓunde ɓámɓeeki Yéso ɓáunge Mokonga aebisande ɓato á koɗoni mosá akɛ.

Ɓalɔ́ma 10:6

Koɗoni nde atóki ka ɓeekea agi gǎkɛ ɓe: «Koianɛgɛmbɛ suɓi á měma akɔ gea: ‹Ani mmbé atáíande na koba?› (Ande gea te, didisa á Kiísito)

Ɓalɔ́ma 3:22

Ɓakpa ɓɔbu ɓunde ɓámɓeeki Yéso Kiísito ɓáunge Mokonga aǒtanga ɓato á koɗoni mosá akɛ kángá oɓayɔ.

Ɓalɔ́ma 3:26

Ka nyɔngɔ á ngomi nde Mokonga aně, yɛ ɗákondi phangia koɗoni nɛkɛ ka matú ndee. Ka gea akɛ ɓó, aunge áontanga nto á koɗoni nkpa buakɛ mmbé amɓeeki Yéso.

Ɓalɔ́ma 3:30

nga, Mokonga a tɔ mo. Yɛ tɔ aámbé aétangande Ɓayúda na ɓunde ɓáná Ɓayúda ɓato á koɗoni ka ɓeana na ɓeekea á nkpa na nkpa.

Ɓalɔ́ma 4:10

Ɗáɓántangi nto á ɗoni ka mbenɔ sina? Ka mbenɔ á gua akɛ ganja, ka mbenɔ á kowó akɛ? Nna ka mbenɔ á gua akɛ ganja, a ndiu ka kowó akɛ.

Ɓalɔ́ma 9:30

Cɔ, ɓégeɛ ɓo? Ɓakpa nde ɓáná Ɓayúda ɓunde ɗáɓákáokáɓa koɗoni, ɓɔ ndiu ɓáunge yɛ Mokonga aɛɓɔni gea, ɓánde ɓato á koɗoni mosá akɛ, nga ɓámɓeeki.

Ɓalɔ́ma 9:33

Ɓindɔ Ɓuku á Mokonga ayɔngi: «Ɔ́nani ɓî nebisi ɛtɛ á ɓɛtɛkisa ka Sayúni na ekǒngo á gusisa. Cɔ, mmbé aomɓeekea, kákuwɛku na soni.»

Ɓalɔ́ma 9:6

Kégi gǎkɛ te, mɔkɔ ndea Mokonga ɗákátɔtɔkɛani ka nyɔngɔ nde, nna ɛɓɔkɔti bui á Ɓaisilaɛ́li aunge ɓánde Ɓaisilaɛ́li á ɗoni á ɗoni,

2 Ɓakɔlítɔ 1:22

Asóbisíí epe nɛkɛ nnde aoɗigimisa gea, ɓende ɓakpa nɛkɛ n'ande Měma á kanga ɓojeɗe suɓi asu nnde ande moéma á kema bubui nde asóbisi.

Ɓagalatía 3:22

Ɓuku á Mokonga ayɔngi gǎkɛ gea, mokonda bui a kusi á ɓukpɛkpɛ á ɓojeɗe. Kaɓondɔ, ɓakpa nde ɓánde ɓaɓêki, ambe ɓáɓɛ na ɓotukɔ nde Mokonga ɗáɛɓɔku ka nyɔngɔ á ɓeekea Yéso Kiísito.

Ɓagalatía 3:29

Aoɓá na ɓonde ɓakpa ndea Kiísito, ɓo ye tɔ ɓato á k'ekombo ndea Abalaámu. Ɓonde ɓamɛna-ɓotukɔ ɓíndɔ Mokonga ɗáɔku.

Ɓagalatía 3:7

Cɔ, úbani gea, ɓakpa nde ɓámɓeeki Mokonga, ɓánde ekombo ndea Abalaámu ɗoni.

Ɓagalatía 5:5

Ɓesu gǎkɛ, nseɓeɔ nɛsu ande gea Mokonga aámbé asóngoɗande ɓato á koɗoni mosá akɛ ka nyɔngɔ á ɓeekea. Nndɔ ungɔ ɓeoɓondea ka ɓukpɛkpɛ á Měma á kanga ɓojeɗe nnde a suɓi asu.

Ɓagalatía 6:16

Cɔ, ka ɓakpa ɓɔbu ɓunde ɓáoɓea ɛɔphi ndɔ, ɓujɛjɛ, na ɓonjánja ndea Mokonga áɓɛ gǔ anu, áɓɛ phɔtɔ gǔ á ɓakpa ndea Mokonga ɓɔbu.

Ɓaɛphɛ́sɔ 1:13

Ɓenu phɔtɔ, mbenɔ nde ɗɔ́ɓɔɔ́ki ɓɔphɛi á ɗoni, Mbino-Ánjá á amisa anu ka měma, ɗóɓomɓeeki Kiísito, mpɔ Mokonga áobisa mphangiɔ ka gea te, ɓéɓɛ ɓakpa nɛkɛ. Mphangiɔ kau n'ande Měma á kanga ɓojeɗe nde ɗáɔku.

Ɓaɛphɛ́sɔ 4:30

Ɓókóɓɛisɛmbɛ Měma á kanga ɓojeɗe nnde Mokonga anophi. Nga, Měma ndɔ unge a ɓea moéma ndea Mokonga ka ɓenu ka koɗaga anu ka ɓojeɗe esa ndɔ abikande.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

Mphaniɔ 9:4

Ɓáǒngoɗea te, ɓákátúkatúkɛmbɛ ka kasa, ka me ángbóngbó na me ábɔbɔbɔa á ka mokonda. Ɓáetoɛ ndiu tɔndɔ ɓakpa nde, ɓáná na mutúti ndea Mokonga k'éndóndó aɓɔ.