Ɓalɔ́ma 4:1 - Ɔngana á Kɛ̌kɛ

¹ Cɔ, ɓɛyɔngande ka phɔa tatasu Abalaámu ɓo? Ekende ɗátɔí ka kokpa akɛ?

Ɓalɔ́ma 4:1 Iomraidhean Croise

Matáyɔ 3:9

Ɓókokanisiɛmbɛ gea, nnde ɓooianaga sasanu ka měma anu gea te: ‹Abalaámu ande tatasu›, sungíi ungɔ. Nenóngoɗi gea, Mokonga aɔtɔka gaiya á ɓ'ɛtɛ nde ɓáɓɛ ɓasuko á Abalaámu.

Lóka 3:8

Tɔtɔkisani pɛ ekuma ánjá ka úbisa gea ɓokěti ye tambea anu ájeɗe. Ɓókóikiɛmbɛ égea sasanu te, tatasu ande Abalaámu. Cɔ, nenóngoɗi gea, Mokonga ana ɓukpɛkpɛ á gaía á ɓ'ɛtɛ nde, áomesia ɛɓɔkɔti ndea Abalaámu.

Yoáni 8:33

Ɓáonsikisia: «Ɓesu, ɓende ɓato á k'ɛɓɔkɔti ndea Abalaámu. Nkpa kásobisimbɛ mɔnɔ tanda ka kɔkɔɓɛ ndeakɛ. Cɔ, ɔɔtɔka n'osóngoɗi gea, ɓetókande ka kɔkɔɓɛ ɓo?»

Yoáni 8:53

Ande gea te, onde ngbɛga kɔnyɛ́nya tatasu Abalaámu, mmbɔ aku ndɔ, na ɓaɔtu-nyɔngɔ ndea Mokonga phɔtɔ? Cɔ, oɓɛ onde ani?»

Yoáni 8:56

Tatanu Abalaámu ɗátú na maseye ɓî ɗákanisi te, aɔnande esa nde nebikaeka. Ɗáɔni gǎkɛ, mpɔ áoɓá na maseye.»

Ekuma á ɓateki 13:26

Ɓaya, ɓasuko á Abalaámu na ɓaɓángi-Mokonga. Ɓesu ɓáunge Mokonga ɗásotekisíí nyɔngɔ á ɓoamia á ka měma ndee.

Ɓalɔ́ma 1:3

Mbino ndɔ a ka phɔa anakɛ mmbé ka kokpa akɛ ɗáɓɔkɔtɛani k'ékombo ndea moamɛ Daúdi;

Ɓalɔ́ma 3:5

Cɔ, kaɓɛ ka nyɔngɔ á ɓojeɗe nde ɓeogea aunge Mokonga aúbikani gea ande nto á koɗoni, ɓɛyɔngande Mokonga nna nto á ɗoni ka nyɔngɔ nde aosótambisaga? (Nɛyɔngi wa yɔngɛa á kokpa.)

Ɓalɔ́ma 4:16

Kaɓondɔ, ɓɛtɔí gǎkɛ tɔ ɓotukɔ ndɔ ka nyɔngɔ á ɓeekea, ka gea te, mɔkɔ ndea Mokonga áɓɛ ka nyɔngɔ á ɓonjánja-ékondi nɛkɛ. Mpɔ, áoúbikana ɗoni gea, mɔkɔ ndɔ ande ka phɔa á ɓato á k'ɛɓɔkɔti bui ndea Abalaámu. Ande gea, nna tɔndɔ ka ɓunde ɓáoamba ɛɔphi, a ndiu phɔtɔ ka ɓunde ɓá na ɓeekea ɓea Abalaámu, mmbé ande tatasu ɓesu ɓɔbu.

Ɓalɔ́ma 6:1

Cɔ, ɓɛyɔngande ɓo? Ɓetútuisande ika suɓi á ɓojeɗe ka gea te, ɓonjánja-ékondi ndea Mokonga áɓikɛ?

Ɓalɔ́ma 7:7

Cɔ, ɓɛ́yɔngɛ ɓo? Ɛɔphi ande ɓojeɗe? Aoɓóɓóa! Ɗéúbi tɔ ɓojeɗe ka nyɔngɔ ɛ́ɔphi nga, atuoɓá na ɓákáɗundu k'ɛ́ɔphi gea: «Kóɓɛmbɛ na mɔphɛ ájeɗe» ámbé keúbi gea mɔphɛ ájeɗea ɓei.

Ɓalɔ́ma 8:31

Cɔ, ka nyɔngɔ índɔ, ɓɛ́yɔngɛ goto ɓo? Kaɓɛ Mokonga n'asógami, ani mmbé aɓande na ɓukpɛkpɛ gǔ asu?

2 Ɓakɔlítɔ 11:22

Ɓáná phɔ́ Ɓayúda? Eya, n'eme phɔtɔ! Ɓaisilaɛ́li? Eya, n'eme phɔtɔ! Ɓasuko á Abalaámu? Eya, n'eme phɔtɔ!

Ɓaɛbulanía 12:9

Goto ɓena ɓabasu íɓunde ɓásɔɓɔkɔti, ɓunde ɓáosogoisaga, ɓɛ́ɔɓɔ́ka. Cɔ, akeni ɓɛmɔ́kɛ phɛɛ Abasu á ka měma ka gea te, ɓéɓɛ na enda á mɛyɔ.