Ɓalɔ́ma 3:5 - Ɔngana á Kɛ̌kɛ

⁵ Cɔ, kaɓɛ ka nyɔngɔ á ɓojeɗe nde ɓeogea aunge Mokonga aúbikani gea ande nto á koɗoni, ɓɛyɔngande Mokonga nna nto á ɗoni ka nyɔngɔ nde aosótambisaga? (Nɛyɔngi wa yɔngɛa á kokpa.)

Ɓalɔ́ma 3:5 Iomraidhean Croise

Ɓalɔ́ma 12:19

Ɓadani ékondi, ɓókógisianɛmbɛ ngǔngu anu. Ɗeketani ndiu esúia ndea Mokonga ka gisia nga, Ɓuku á Mokonga agi te: «Eme aámbé nena ekuma á gisia. Eme aámbé negisiande ɓojeɗe.» Mɔkɔta aámbé ayɔngi.

Ɓalɔ́ma 2:5

Cɔ, oɓɛ ona měma akpɛ na kóokonda kětia á měma akɔ. Kaɓondɔ unge ǒbisíí tambaga ángbó esa nde Mokonga aphangiaeka esúia nɛkɛ na tena á nyɔngɔ nɛkɛ ka koɗoni.

Ɓalɔ́ma 3:19

Cɔ, ɓeoúba gea, nyɔngɔ bubui nde ɛɔphi ayɔngi a tɔ ka phɔa ɓakpa nde ɓá kusi á ɛɔphi. Ka gea te, nkpa buakɛ ádakanɛ, na úba gea, ɓato á ka mokonda ɓɔbu ɓánde ɓato á ɓojeɗe mosá á Mokonga.

Ɓalɔ́ma 3:7

Cɔ, a gǎkɛ oɓá ɗoni á Mokonga n'aɔnɛkana ka mbɛa nɛmɔ, na ɓáobeba ina akɛ, ɓá goto ɔtɔka tena nyɔngɔ nɛmɔ akpɛ gea nende nto á ɓojeɗe ka ɓo?

Ɓalɔ́ma 4:1

Cɔ, ɓɛyɔngande ka phɔa tatasu Abalaámu ɓo? Ekende ɗátɔí ka kokpa akɛ?

Ɓalɔ́ma 5:8

Cɔ, Mokonga aphangi gǎkɛ ekondi nɛkɛ ángbó ka ɓesu, ka nyɔngɔ nde Kiísito ɗáku ka phɔa asu mbenɔ nde ɗéɓetú phɔ́tɔ ɓato á ɓojeɗe.

Ɓalɔ́ma 6:1

Cɔ, ɓɛyɔngande ɓo? Ɓetútuisande ika suɓi á ɓojeɗe ka gea te, ɓonjánja-ékondi ndea Mokonga áɓikɛ?

Ɓalɔ́ma 6:19

Nɛyɔngi wani k'etéte á kokpa, ka nyɔngɔ á kanga ɔ́kapha anu ánjá. A tɔ ɓíndɔ ɗóɓobisi nyama anu bui kala ka bɛɗaneaga á ɓojeɗe na enda ka ɓojeɗe, a phɔtɔ ɓó unge ɓóbisɛ ú kɛ̌kɛnde ka bɛɗaneaga Mokonga na ɓá na enda ánjá.

Ɓalɔ́ma 7:7

Cɔ, ɓɛ́yɔngɛ ɓo? Ɛɔphi ande ɓojeɗe? Aoɓóɓóa! Ɗéúbi tɔ ɓojeɗe ka nyɔngɔ ɛ́ɔphi nga, atuoɓá na ɓákáɗundu k'ɛ́ɔphi gea: «Kóɓɛmbɛ na mɔphɛ ájeɗe» ámbé keúbi gea mɔphɛ ájeɗea ɓei.

Ɓalɔ́ma 8:31

Cɔ, ka nyɔngɔ índɔ, ɓɛ́yɔngɛ goto ɓo? Kaɓɛ Mokonga n'asógami, ani mmbé aɓande na ɓukpɛkpɛ gǔ asu?

Ɓalɔ́ma 9:30

Cɔ, ɓégeɛ ɓo? Ɓakpa nde ɓáná Ɓayúda ɓunde ɗáɓákáokáɓa koɗoni, ɓɔ ndiu ɓáunge yɛ Mokonga aɛɓɔni gea, ɓánde ɓato á koɗoni mosá akɛ, nga ɓámɓeeki.

1 Ɓakɔlítɔ 15:32

Cɔ, atú oɓá na ɗémani na ɓanyama á kae-kae ka Ɛphɛsɔ ka nyɔngɔ á kokpa, ekende nɛtɔi kau? Kaɓɛ ɓasí na ɓákáojujuka ka kukuwa, a tɔ ɓíndɔ ɓáyɔngi ka mɛní gea: «Ɓéɛgɛni na ɓénoɛni nga, mama, ɓekuwande.»

1 Ɓakɔlítɔ 9:8

Cɔ, kɛ́yɔngi tɔ nndɔ ka ɓea moangɔ á kokpa. Ɛɔphi ndea Mósa ayɔngi phɔtɔ ɓó.

2 Ɓakɔlítɔ 6:4

Ɓe ndiu okaɓa gea, ɓakpa ɓásɔɔnɛ ɓea ɓabɛɗanigi ndea Mokonga esa bui. Kaɓondɔ unge, ɓeophiphia phɛɛ tambaga, ngomi na ea á minyɔ.

2 Ɓakɔlítɔ 7:11

Cɔ, ɔ́nani phɔ́ kema nde esúia nde ande á mɔphɛ á Mokonga aobikisa: Ɓá na moíngí phɛɛ, ɛ́yɔngɛa, kangea ɓojeɗe, ɓá na ɔ́kapha, ɓá na mɔphɛ á ɔna ani, ɓá na mɔphɛ á bɛɗaneaga ani, keea ɓojeɗe. Kaɓondɔ, ɓɔɔnisi gea, ɓókótú suɓi á nyɔngɔ ndɔɔ.

Ɓagalatía 2:18

Nga, aoɓá na nesikíí ɛɔphi nde ɗéɗeketi, ande gea te, eme sisani neɓúni ɛɔphi.

Ɓagalatía 3:15

Ɓaya, neokengisia ɔnisa anu kema moci ka enda asu á esa bui. Aoɓá nkpa n'aɓɔngisigi ánjá mɔkɔ á mosá á kuwa, nna na nkpa nde aɔtɔka n'aɓúni mɔkɔ ndɔ kaɓɛ yamea ka kema gǔ í.

Mphaniɔ 15:3

Ɓáoemba embɔ ndea Mósa, mbɛɗanigi ndea Mokonga na á Muna-Mɔgɔgɔ: «Mɔkɔta Mokonga Mɛna-ɓukpɛkpɛ ooo, ekuma nɛkɔ aángbó á ketangaɔ! Moamɛ á nji bui ooo, moangɔ nɛkɔ á koɗoni aánjá.

Mphaniɔ 18:20

Cɔ, koba, ɓá na maseye ka gua á ntanga-nji ndɔɔ. Ɓáni phɔtɔ na maseye, ɓato á kanga ɓojeɗe, ɓateki na ɓaɔtu-nyɔngɔ ndea Mokonga. Nga, Mokonga ɗáteni nyɔngɔ nɛkɛ ka ɓeana na ɓojeɗe nde ɗági ka phɔanu.