Ɓalɔ́ma 3:3 - Ɔngana á Kɛ̌kɛ

³ Eya, Ɓayúda ɓunɛngbo ɗáɓákáɓeeki nyɔngɔ á Mokonga! Ɓî a ɓó, ande gea te, ka nyɔngɔ índɔ aunge Mokonga aguande ka koɗoni nɛkɛ?

Ɓalɔ́ma 3:3 Iomraidhean Croise

Matáyɔ 24:35

Koba na mokonda, anyɛ́nyande. Nyɔngɔ nɛmɔ gǎkɛ unge kányɛ́nyɛku.

Yoáni 1:16

Eya, ɓî Moyo atúmi na ɓonjánja, áosogabea ɓesu ɓɔbu ka ɓonjánja kau, ɓonjánja ndɔ, áoɓika suɓi asu phɛɛ.

Ɓalɔ́ma 10:16

Ɓakpa ɓɔbu ɗáɓákáɓeeki gǎkɛ Mbino-Ánjá ndɔɔ. Isáya ɗáyɔngi ɓe: «Mɔkɔta, ani mmbé atóɓeeki Mbino-Ánjá nde ɓetúɔtɔmiaga?»

Ɓalɔ́ma 11:29

Nga, Mokonga nna tanda ɔtɔka na anganisi mɔphɛ akɛ k'égabɔ na ka mɔphani nɛkɛ ka ɓakpa.

Ɓalɔ́ma 9:6

Kégi gǎkɛ te, mɔkɔ ndea Mokonga ɗákátɔtɔkɛani ka nyɔngɔ nde, nna ɛɓɔkɔti bui á Ɓaisilaɛ́li aunge ɓánde Ɓaisilaɛ́li á ɗoni á ɗoni,

2 Ɓakɔlítɔ 3:18

Ɓesu ɓɔbu ɓéké ye na bɔngɔ ndɔ aoɗaka keongi asu. Nga, ɓoombia á Mɔkɔta aophenuaga kau. Kaɓondɔ ɓeékěti ka kengeana na Mɔkɔta, ɓéoɓá goto na ɓoombia ángbó esa bui. Nndɔ ungɔ ande ekuma ndea Mɔkɔta n'ande Měma.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

2 Timɔtɛ́ɔ 2:13

Kaɓɛ na ɓékéɔtɔtɔkisa nyɔngɔ nde ɓɛɔyɔnga, yɛ a tɔ ɔtɔtɔkisa nyɔngɔ nde aɔyɔnga nga, nnaɔtɔka n'angáni nyɔngɔ nɛkɛ sasakɛ.»

Ɓaɛbulanía 4:2

nga, ɗéɓeɔ́ki tɔ nyɔngɔ ánjá ɓea ɓundɔ ɗáɓátú ka nkanda. Ɓɔ ɗáɓáɔ́ki ú, kěengɛ tanda ka kema moci, ka nyɔngɔ nde ɗáɓákáɓeekeani na ɓunde ɗáɓáɔ́ki nyɔngɔ ndɔɔ.