Ɓalɔ́ma 3:29 - Ɔngana á Kɛ̌kɛ

²⁹ Ande gea te, Mokonga a tɔ Mokonga ndea Ɓayúda? Nna phɔtɔ Mokonga ndea ɓunde ɓáná Ɓayúda? Eya! A phɔtɔ Mokonga ndea ɓunde ɓáná Ɓayúda

Ɓalɔ́ma 3:29 Iomraidhean Croise

Matáyɔ 22:32

‹Nende Mokonga ndea Abalaámu, Isáka, na Yakɔ́ɓɔ. Ké Mokonga ndea ɓasí, ne ndiu á ɓakpa nde ɓáoenda.›»

Matáyɔ 28:19

Cɔ, gǎni ka ɓato á ekuna bui, ɓókětiɛ ɓɔ ka ɓá ɓagoigi, ɓóǒɓatisɛ ɓɔ k'ína á Abɛ, k'ína á Anakɛ, na k'ína á Měma á kanga ɓojeɗe.

Ekuma á ɓateki 10:34

Mpɔ, Pɛ́tɛɛ áɔyɔnga ɓe: «Neúbi ye tɔ ɗoni gea, Mokonga nna omɓaya ka nkpa,

Ekuma á ɓateki 22:21

Mpɔ Mɔkɔta áomogea: ‹Gǎ tɔ nga, eme, nekotekande ɗanga ka ɓakpa nde ɓáná Ɓayúda.›»

Ekuma á ɓateki 26:17

Nekoamisande ka njaga á ɓakpa nde neoteki mɔtɛ-aɓɔ, Ɓayúda na ɓunde ɓáná Ɓayúda.

Ekuma á ɓateki 9:15

Mɔkɔta â gǎkɛ ongoɗea te: «Gǎ tɔndɔ nga, nɛnsɔmbu ye nkpa ndɔɔ. Nɛmɔphani, áɓɛ mbɛɗanigi nɛmɔ ka úbisa ina ani k'ékuna bui na ɓaamɛ nɛɓɔ, na Ɓaisilaɛ́li phɔtɔ.

Ɓalɔ́ma 1:16

Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

Ɓalɔ́ma 10:12

Cɔ, Ɓayúda na ɓunde ɓáná Ɓayúda ɓákátingani nga, ɓɔbu ɓá tɔ na Mɔkɔta moci nga, yɛ aogaba ɛtɔi nɛkɛ ka ɓakpa ɓɔbu ɓunde ɓáɔɔphanea ina akɛ.

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

Ɓagalatía 3:14

Kiísito ɗági ɓó ka gea, ɓî Mokonga ɗámbisíí Abalaámu njaga, áɓɛ phɔtɔ ka ɓakpa nde ɓáná Ɓayúda k'aphe ndea Yéso. Kaɓondɔ unge ɓesu ɓɔbu, ɓɛtɔi Měma nde Mokonga ɗásɔɔku ka nyɔngɔ á ɓeekea.

Ɓaɛphɛ́sɔ 3:6

Nyɔngɔ á ɓɔsɔmɛa kau aungee: Ka nyɔngɔ á Mbino-Ánjá aunge Ɓayúda na ɓunde ɓáná Ɓayúda ɓátɔande ɓotukɔ nde Mokonga aebisíí ɓakpa nɛkɛ. Ɓátóki tɔ ka nyama mo, mɔkɔ ndɔ Mokonga ɗábisi ka Yéso Kiísito, a tɔ ka ɓɔ.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.