Ɓalɔ́ma 3:27 - Ɔngana á Kɛ̌kɛ

²⁷ Cɔ, ɓena kema nde ɓeǒbeba ně? Tanda phɔ́. Ka ɓo? Ka nyɔngɔ nde kema nde ana kantíti nna ɛɔphi, a ndiu ɓeekea.

Ɓalɔ́ma 3:27 Iomraidhean Croise

Málikɔ 16:16

Nkpa nde aɓeekeande, ɓáomɓatisa, yɛ aámbé Mokonga anamisande. Cɔ, mmbé káɓeekeɛku, Mokonga atenande nyɔngɔ nɛkɛ akpɛ.

Yoáni 3:36

Cɔ, mmbé amɓeeki Anakɛ, a ye tɔ na enda á mɛyɔ. Mmbé an'yé, káɓɛku na enda ndɔ, Mokonga a gǎkɛ n'esúia gǔ akɛ.

Ɓalɔ́ma 10:5

Cɔ, Mósa sisakɛ ɗáɗundu ka nyɔngɔ á koɗoni nde aotókana n'ɛɔphi gea: «Mmbé a n'otaɔ ka ɛɔphi aámbé aendeande ɛɔphi ndɔɔ.»

Ɓalɔ́ma 11:6

Aoɓá Mokonga na ɗáɛ̌sɔmbu tɔ ka nyɔngɔ á ɓonjánja-ékondi na nna ka nyɔngɔ á ekuma nɛɓɔ, aoɓá na nna ɓó, ámbé ɓonjánja-ékondi nna ye na kantíti.

Ɓalɔ́ma 2:17

Cɔ, oɓɛ ímbe ogi te, onde Moyúda, oseɓei ɛɔphi ndea Mósa, na ébeba na Mokonga.

Ɓalɔ́ma 2:23

Oɓɛ ímbe ǒbeba na úba ɛɔphi ndea Mósa, ɔɔnjɔɔkisa Mokonga ka tingiaga ɛɔphi!

Ɓalɔ́ma 3:19

Cɔ, ɓeoúba gea, nyɔngɔ bubui nde ɛɔphi ayɔngi a tɔ ka phɔa ɓakpa nde ɓá kusi á ɛɔphi. Ka gea te, nkpa buakɛ ádakanɛ, na úba gea, ɓato á ka mokonda ɓɔbu ɓánde ɓato á ɓojeɗe mosá á Mokonga.

Ɓalɔ́ma 3:26

Ka nyɔngɔ á ngomi nde Mokonga aně, yɛ ɗákondi phangia koɗoni nɛkɛ ka matú ndee. Ka gea akɛ ɓó, aunge áontanga nto á koɗoni nkpa buakɛ mmbé amɓeeki Yéso.

Ɓalɔ́ma 4:2

Aoɓá Mokonga na ɗántangi Abalaámu nto á koɗoni ka nyɔngɔ ékuma nɛkɛ, ana kema nde aǒbeba kau. Nna gǎkɛ ɔtɔka n'ěbebi mosá á Mokonga.

Ɓalɔ́ma 7:21

Cɔ, nɛɔni gea, kema nde aɔnyɛ́nyɛ́kana ka phɔa ani a ɓe: Mbenɔ nde neokonda tɔtɔkisa á kema ánjá, nɛ tɔ ɔtɔtɔkisa kema ájeɗe.

Ɓalɔ́ma 7:23

Suɓi á nyama ani nɛɔni gǎkɛ ɛɔphi nɛngbo nnde aomanisa kanisia ani. Nndɔ unge amobisi ka kɔkɔɓɛ ɛ́ɔphi á ɓojeɗe nde aɔbɛɗanaga suɓi ani.

Ɓalɔ́ma 7:25

Mokonga áɓɛ n'obebɔ ka nyɔngɔ á Mɔkɔta nɛsu Yéso Kiísito! Kaɓondɔ, nɛɔbɛɗaneaga ɛɔphi ndea Mokonga ka úbapha ani, nê phɔtɔ ɔbɛɗaneaga ɛɔphi á ɓojeɗe ka etéte á nyama ani á kokpa.

Ɓalɔ́ma 8:2

Nga, akoɓá nkpa n'asuɓi á Kiísito Yéso, Měma á kanga ɓojeɗe nnde aoendisa, aunge ande ɛɔphi nɛkɛ. Ɛɔphi ndɔ unge ɗámotókisi kusi á kɔkɔta á ɓojeɗe na kukuwa.

Ɓalɔ́ma 9:11

Mokonga a gǎkɛ na moangɔ nɛkɛ ka sɔmbɔa á ɓakpa. Sɔmbɔa ndɔ, atóki ka mɔphani nde yɛ aɛɓɔphani, nna ndiu ka tambea aɓɔ. Ka ɔnisa gea, nnaoanganisa moangɔ nɛkɛ, Mokonga áongoɗea Lɛbɛ́ka na káeɓonjimbɛ ɓaniki-ɓǒko nɛkɛ, na ɓákágimbɛ mɔnɔ kaɓɛ kema ánjá kaɓɛ kema ájeɗe gea: «Ngbɛga ambɛɗaneagande miki.»

Ɓalɔ́ma 9:31

Ɓaisilaɛ́li ɓunde ɗáɓáokáɓa ɔnɛkana ɓato á koɗoni mosá á Mokonga ka amba ɛɔphi ɓâ ndiu ko úka.

Ɓalɔ́ma 9:32

Ka nyɔngɔ éke? Ka nyɔngɔ nde ɗáɓákáoɓondea koɗoni na ɓáɓeeki, ɓâ ndiu okanisia te, ɓátɔande ú k'ékuma. Ɓáɔɓɛtɛkana k'ɛ́tɛ á ɓɛtɛkisa.

1 Ɓakɔlítɔ 4:7

Cɔ, ani mmbé akobisi mɔkɔta gǔ á ɓadakɔ? Kema bui nde oně, nna tɔ Mokonga aámbé ɗákophi? Cɔ, ɓî a gǎkɛ ɓó, ǒbeba na kema nde oně, óoúba te, ɓákákophi ka ɓo?

Ɓagalatía 2:16

Ɓeoúba gea, nna ka nyɔngɔ á amba ɛɔphi unge aombisa nkpa nto á koɗoni mosá á Mokonga. A ndiu tɔ ka nyɔngɔ á ɓeekea Yéso Kiísito. Ɓesu phɔtɔ, ɗéɓemɓeeki Kiísito Yéso ka gea te, ɓéúbukanɛ gea ɓende ɓato á koɗoni. Ɗéɓeúbukani gea ɓende ɓato á koɗoni ka ɓeekea Kiísito, nna ka nyɔngɔ á amba ɛɔphi. Nga, nna na nkpa nde aɓande nto á koɗoni mosá á Mokonga ka nyɔngɔ á amba ɛɔphi.

Ɓagalatía 3:22

Ɓuku á Mokonga ayɔngi gǎkɛ gea, mokonda bui a kusi á ɓukpɛkpɛ á ɓojeɗe. Kaɓondɔ, ɓakpa nde ɓánde ɓaɓêki, ambe ɓáɓɛ na ɓotukɔ nde Mokonga ɗáɛɓɔku ka nyɔngɔ á ɓeekea Yéso Kiísito.