Ɓalɔ́ma 3:25 - Ɔngana á Kɛ̌kɛ

²⁵ Nga, Mokonga ɗámbisi Yéso ka nyama á phɛ́a ka nyɔngɔ á íma á ɓojeɗe nde ɓakpa ɗáɓági mosá. Ka ɓakpa nde ɓáɓeeki, magia á phɛ́a ndɔ aphangisi gea Mokonga ande nto á koɗoni ka nyɔngɔ nde aími ɓojeɗe nde ɓakpa ɗáɓági.

Ɓalɔ́ma 3:25 Iomraidhean Croise

Yoáni 6:47

Eya, nenóngoɗi ɗoni gea, mmbé aɓeeki, ana enda á mɛyɔ.

Ekuma á ɓateki 14:16

Ka matú nde ɗányɛ́nyi, Mokonga ɗáɗeketi ekuna bui ɓáɓeɛ aphe nde ɓákondi.

Ekuma á ɓateki 15:18

moangɔ nɛkɛ nnde ɗáengekisi kala.›

Ekuma á ɓateki 17:30

Mokonga nna ye gǎkɛ oɓea nyɔngɔ nde ɓakpa ɗáɓági na ɓákáomúba. Kɛ̌kɛnde aeɓɔphani ye tɔ ɓakpa ɓɔbu á k'ɔma bui ka kětia á tambea aɓɔ.

Ekuma á ɓateki 2:23

Mokonga ɗámbisi Yéso ka njaga anu ɓíndɔ ɗáúbikani na anga í kala. Ɓômbisa ka njaga á ɓakpa nde ɓákáomúba Mokonga. Ɓakpa ndɔ, ɓáommowa ka kɔkɛaga akɛ ka moyangɔ.

Ekuma á ɓateki 3:18

A gǎkɛ ɓe: Mokonga atɔtɔkisi nyɔngɔ nde ɗáúbisi kala ka moyo á ɓaɔtu-nyɔngɔ nɛkɛ gea, ɓántambisagande Kiísito.

Ekuma á ɓateki 4:28

Kaɓondɔ, ɓádondanigi ka gea kema nde ɗósui kala. Nga, ona ɓukpɛkpɛ ka tɔtɔkisa á kema nde okondi.

Ɓalɔ́ma 2:4

Goto, oɓɛ ɔɔmɓɛnjiaga Mokonga ímbe aanjánjá phɛɛ, mmbé ana měma aphɔngɔ na měma á phiphia. Kóoúba gea, ngomi ndea Mokonga aokotútuisa ka kětia á tambea akɔ ájeɗe?

Ɓalɔ́ma 3:26

Ka nyɔngɔ á ngomi nde Mokonga aně, yɛ ɗákondi phangia koɗoni nɛkɛ ka matú ndee. Ka gea akɛ ɓó, aunge áontanga nto á koɗoni nkpa buakɛ mmbé amɓeeki Yéso.

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓalɔ́ma 5:11

Nna tɔndɔ nndɔ, ɓe ndiu na maseye ka Mokonga ka nyɔngɔ á Mɔkɔta nɛsu Yéso Kiísito mmbé asɔɔnganisi kɛ̌kɛnde na Mokonga.

Ɓalɔ́ma 5:18

Cɔ, ka nyɔgɔ nde ɓojeɗe ndea nkpa moci aunge Mokonga ateni nyɔngɔ á ɓakpa ɓɔbu akpɛ, a phɔtɔ ɓó ka nyɔngɔ á nto á kanga ɓojeɗe moci tɔ, Yéso Kiísito, ekuma nɛkɛ aékoɗigi ɓakpa ɓɔbu ka tena á nyɔngɔ na opha á ɓɔ enda.

Ɓalɔ́ma 5:9

Kɛ̌kɛnde, Mokonga asótangi ye ɓato á koɗoni ka nyɔngɔ á magia ndea Yéso, nndɔ aúbisi base gea, yɛ asóamisande k'ésúia ndea Mokonga.

1 Ɓakɔlítɔ 5:7

Cɔ, ósokoseani, ɓótokisɛ cacu á kala ka gea, ɓóɓɛ ɓea mokati á kɛ̌kɛ nnde nna na cacu. Eya, ɓo ye tɔ kángá á cacu, kpanga á ɓî Kiísito Muna-mɔgɔgɔ á Pasáka nɛsu ɗáku ka phɛ́a.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 2:13

Cɔ, kɛ̌kɛnde gǎkɛ, ka ɔngana anu na Kiísito Yéso, ɓenu íɓunde ɗóɓotú ɗanga, ɓǒbîmisi ka nyɔngɔ á magia akɛ.

1 Timɔtɛ́ɔ 1:15

Nyɔngɔ á ɗoni nde akeni na ɓeekea í aungee: Ambe ɓakpa ɓɔbu ɓáɓeekeɛ phɔtɔ gea, Kiísito Yéso ɗábiki ka mokonda k'aphe á amisa á ɓato á ɓojeɗe. Eme nende nto á ɓojeɗe á k'ama mosá-mosá ka ɔlɔ aɓɔ.

Ɓaɛbulanía 10:4

Nnde ande ka nyɔngɔ nde magia á mǔku á ngɔmbɛ na mǔku á mɛmɛ nnaɔtɔka n'atókisi ɓojeɗe.

Ɓaɛbulanía 11:14

Cɔ, ɓakpa ɓáɔyɔnga ɓó, ámbé ɓáphangisi base gea ɓáokáɓa nji nde ɓáendande kau ɓea nji nɛɓɔ á ɓɔkɔtɛana.

Ɓaɛbulanía 11:17

Cɔ, ka nyɔngɔ á ɓeekea, Abalaámu ɗámphúi Isáka ka phɛ́a mbenɔ nde Mokonga ɗántombigi ka ɗigimisa á ɓeekea nɛkɛ. Nanga ɓî ɗántɔi ngɔmu ndɔ ka mɔkɔ

Ɓaɛbulanía 11:7

Ka nyɔngɔ á ɓeekea ndea Nɔ́a, Mokonga ɗántɔ̌migi nyɔngɔ á kema nde ɗákáɔnimbɛ, áoɓeekea nyɔngɔ nde Mokonga ayɔngi kángá á ngǎka, áɔsɛka koko ángbó ka amisa akɛ n'ékombo nɛkɛ bui. Kaɓondɔ unge ɗáteni nyɔngɔ á ɓato á ka mokonda akpɛ. Ka nyɔngɔ á ɓeekea, Mokonga áontanga nto á ɗoni.

Ɓaɛbulanía 9:28

a tɔ ɓíndɔ Kiísito ɗábisi tɔ nyama akɛ mɔngɔ ímoci ka íma á ɓojeɗe á ɓakpa ɓásii. Asɛnɛkaeka goto mɔngɔ á ko iɓɛ. Sɛnɛka ndɔ, káɓɛku ye ka íma á ɓojeɗe, aɓande ndiu ka amisa á ɓunde ɓáomɓondeaga.

Ɓaɛbulanía 9:5

Gǔ á sanduku, ɗátú na iii á Ɓakɛlúbi ka phangia gea Mokonga mɛna-ɓoombia a wa. Ɓakɛlúbi ɓundɔ iimbiɔ á kepupe aɓɔ ɗáogbukumia mɓɔmbiɔ á ɔma nde ɗáɓáoɗuka magia ka íma ɓojeɗe á ɓakpa. Cɔ, kɛ̌kɛnde ɓékétɔmiɛku nyɔngɔ kau bîbíbí.

1 Yoáni 1:10

Aoɓá na ɓɛyɔngi te: «Ɓékégi ɓojeɗe» ámbé ɓengaí Mokonga gea te, ande nto á mbɛa na Nyɔngɔ nɛkɛ nna suɓi asu.

1 Yoáni 2:2

Nga, Yéso sasakɛ ɗěbisi ka phɛ́a ka gea, Mokonga áímɛ ɓojeɗe nɛsu. Nna tɔndɔ ɓojeɗe nɛsu sisasu, phɔtɔ nnde á ka mokonda bui.

1 Yoáni 4:10

Nndɔ unge ande ekondi: Nna ɓesu ɓáunge ɗéɓenkondi Mokonga, yɛ ndiu aámbé ɗásokondi, áonteka Miki-mǒko nɛkɛ, áɓɛ ɓea nyama á phɛ́a, ka íma á ɓojeɗe nɛsu.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 13:8

Cɔ, ɓato á ka mokonda ɓɔbu ɓámbebande nyama ndɔ, ɓɔbu ɓunde ɗáɓákáɗundu ina aɓɔ kpanga nkpangeɔ á Mokonda suɓi á ɓuku á enda á Muna-mɔgɔgɔ mmbé ɗáɓánteni.

Mphaniɔ 20:15

Ɗáɓáemaki ka ɛɛmbɛ á nsa, ɓakpa ɓɔbu ɓunde ɗáɓákáɗundu ina aɓɔ suɓi á ɓuku á enda.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.