Ɓalɔ́ma 3:22 - Ɔngana á Kɛ̌kɛ

²² Ɓakpa ɓɔbu ɓunde ɓámɓeeki Yéso Kiísito ɓáunge Mokonga aǒtanga ɓato á koɗoni mosá akɛ kángá oɓayɔ.

Ɓalɔ́ma 3:22 Iomraidhean Croise

Lóka 15:22

Mpɔ, abakɛ áǒngoɗea ɓabɛɗanigi nɛkɛ gea: ‹Kamisagani! Ɓɔ́gɔbɛɗɛ bɔngɔ ánjá phɛɛ, ɓɔ́mɔ́lisɛ. Mmakeani phɔtɔ mbángá ka miki á njaga, na ɓiato k'écinji.

Ekuma á ɓateki 11:12

Měma á kanga ɓojeɗe áomongoɗea gea, négɛ tɔ na ɓɔ kángá á ngǎka. Ɓadani ɓaɓêki ngianjaga (6) ɓunde nebiki na ɓɔ, ɓɔ ɓáunge ɗáɓáge omoɗeketa. Mpɔ ɓéokiɗia ka Kaisalía na ngia ɓesu ɓɔbu mɔtɛ á Kɔɔnɛlíɔ.

Ekuma á ɓateki 15:9

Kásótinganisi gǎkɛ na ɓɔ nga, asokosei měma á ɓɔ ka nyɔngɔ nde ɓáɓeeki.

Ekuma á ɓateki 3:16

Cɔ, nɗɔti nde ɓɔɔmɔna na ɓoomúba wani, aami ánjá phɛɛ ka nyɔngɔ á ɓeekea á ɓukpɛkpɛ á ina á Yéso. Ɓeekea ndɔ unge akpengeanisi ɓoamia nde mosá anu.

Ɓalɔ́ma 1:17

Ka nyɔngɔ nde, Mbino-Ánjá aoúbisa aphe sina nde Mokonga aǒtanga ɓakpa ɓato á koɗoni mosá akɛ. Tanga á ɓakpa ɓondɔ, a tɔndɔ ɔtɔtɔkɛana ka ɓeekea á Yéso. A tɔ ɓíndɔ ɓáɗundu suɓi á Ɓuku á Mokonga gea: «Nto á koɗoni aendande ka nyɔngɔ á ɓeekea.»

Ɓalɔ́ma 10:12

Cɔ, Ɓayúda na ɓunde ɓáná Ɓayúda ɓákátingani nga, ɓɔbu ɓá tɔ na Mɔkɔta moci nga, yɛ aogaba ɛtɔi nɛkɛ ka ɓakpa ɓɔbu ɓunde ɓáɔɔphanea ina akɛ.

Ɓalɔ́ma 10:4

Ande gea te, Yéso aámbé ajúsi ɛɔphi ka sungiaga í ka gea, ɓakpa ɓɔbu ɓunde ɓámɓeeki Yéso ɓáunge Mokonga aebisande ɓato á koɗoni mosá akɛ.

Ɓalɔ́ma 2:1

Cɔ, oɓɛ ímbe ootena nyɔngɔ á ɓakpa ɓunɛngbo akpɛ, nanga oɓá ani, ɓákáúkɛku phɔtɔ tena á nyɔngɔ ínɛkɔ akpɛ nga, ootena nyɔngɔ ndea ɓadakɔ akpɛ n'ɔ phɔtɔ otambea ɓea ɓɔ. Kaɓondɔ, o tɔ otena nyɔngɔ nɛkɔ akpɛ oɓɛ sasakɔ.

Ɓalɔ́ma 3:30

nga, Mokonga a tɔ mo. Yɛ tɔ aámbé aétangande Ɓayúda na ɓunde ɓáná Ɓayúda ɓato á koɗoni ka ɓeana na ɓeekea á nkpa na nkpa.

Ɓalɔ́ma 4:16

Kaɓondɔ, ɓɛtɔí gǎkɛ tɔ ɓotukɔ ndɔ ka nyɔngɔ á ɓeekea, ka gea te, mɔkɔ ndea Mokonga áɓɛ ka nyɔngɔ á ɓonjánja-ékondi nɛkɛ. Mpɔ, áoúbikana ɗoni gea, mɔkɔ ndɔ ande ka phɔa á ɓato á k'ɛɓɔkɔti bui ndea Abalaámu. Ande gea, nna tɔndɔ ka ɓunde ɓáoamba ɛɔphi, a ndiu phɔtɔ ka ɓunde ɓá na ɓeekea ɓea Abalaámu, mmbé ande tatasu ɓesu ɓɔbu.

Ɓalɔ́ma 8:1

Cɔ, kɛ̌kɛnde, ɓakpa nde ɓá suɓi á Kiísito Yéso, ɓákátenɛku ye tanda nyɔngɔ nɛɓɔ akpɛ.

Ɓalɔ́ma 9:30

Cɔ, ɓégeɛ ɓo? Ɓakpa nde ɓáná Ɓayúda ɓunde ɗáɓákáokáɓa koɗoni, ɓɔ ndiu ɓáunge yɛ Mokonga aɛɓɔni gea, ɓánde ɓato á koɗoni mosá akɛ, nga ɓámɓeeki.

1 Ɓakɔlítɔ 12:13

Ɓesu ɓɔbu, Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓásoɓatisi tɔ suɓi á Měma ndɔ tɔ moci ka gea, ɓéɓɛ ɓesu ɓɔbu ɓea nyama mo. Ɓesu ɓɔbu ɓenu tɔ iɓo á Měma ndɔ mo.

1 Ɓakɔlítɔ 4:7

Cɔ, ani mmbé akobisi mɔkɔta gǔ á ɓadakɔ? Kema bui nde oně, nna tɔ Mokonga aámbé ɗákophi? Cɔ, ɓî a gǎkɛ ɓó, ǒbeba na kema nde oně, óoúba te, ɓákákophi ka ɓo?

Ɓagalatía 2:16

Ɓeoúba gea, nna ka nyɔngɔ á amba ɛɔphi unge aombisa nkpa nto á koɗoni mosá á Mokonga. A ndiu tɔ ka nyɔngɔ á ɓeekea Yéso Kiísito. Ɓesu phɔtɔ, ɗéɓemɓeeki Kiísito Yéso ka gea te, ɓéúbukanɛ gea ɓende ɓato á koɗoni. Ɗéɓeúbukani gea ɓende ɓato á koɗoni ka ɓeekea Kiísito, nna ka nyɔngɔ á amba ɛɔphi. Nga, nna na nkpa nde aɓande nto á koɗoni mosá á Mokonga ka nyɔngɔ á amba ɛɔphi.

Ɓagalatía 2:20

Kaɓondɔ, nna ye eme aámbé neoenda. Kiísito ndiu aámbé a ye tɔ oenda suɓi ani. Kɛ̌kɛnde, suɓi á enda ani á kɛ̌kɛ, nemɓeeki Muna-Mokonga mmbé ɗámokondi áomokuia.

Ɓagalatía 3:22

Ɓuku á Mokonga ayɔngi gǎkɛ gea, mokonda bui a kusi á ɓukpɛkpɛ á ɓojeɗe. Kaɓondɔ, ɓakpa nde ɓánde ɓaɓêki, ambe ɓáɓɛ na ɓotukɔ nde Mokonga ɗáɛɓɔku ka nyɔngɔ á ɓeekea Yéso Kiísito.

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓaɛphɛ́sɔ 3:12

Ɓî ɓɛɔngani na yɛ, na k'aphe á ɓeekea nɛsu, ɓe na aphe base á sɛkɛɗa mosá á Mokonga, kángá ngǎka.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

Ɓakɔlɔsái 3:11

Kaɓondɔ, ɓesu ɓɔbu ɓe ye tɔ kimoci kaɓɛ: Ɓayúda na ɓunde ɓáná Ɓayúda, ɓagu-ganja na ɓawó, ɓakɛni, ɓasɔngɔɗa, ɓakɔɓɛ na ɓunde ɓáká ɓakɔɓɛ. Kiísito aámbé ande bui ka ɓakpa ɓɔbu.

Yakɔ́ɓɔ 2:23

A tɔ ɓíndɔ ɗágeani suɓi á Ɓuku á Mokonga gea: Abalaámu ɗámɓeeki Mokonga, áoɓá nto á koɗoni k'íso akɛ. Ka nyɔngɔ índɔ unge, Mokonga ɗámɔphani dakɛ.