Ɓalɔ́ma 3:19 - Ɔngana á Kɛ̌kɛ

¹⁹ Cɔ, ɓeoúba gea, nyɔngɔ bubui nde ɛɔphi ayɔngi a tɔ ka phɔa ɓakpa nde ɓá kusi á ɛɔphi. Ka gea te, nkpa buakɛ ádakanɛ, na úba gea, ɓato á ka mokonda ɓɔbu ɓánde ɓato á ɓojeɗe mosá á Mokonga.

Ɓalɔ́ma 3:19 Iomraidhean Croise

Yoáni 15:25

Ɓági gǎkɛ ɓó ka gea, nyɔngɔ nde ɓáɗundu suɓi ɛ́ɔphi nɛɓɔ átɔtɔkɛanɛ: ‹Ɓámokangei ecici.›

Yoáni 8:9

Ɓî ɓáɔ́ki ye ɓó, ɓatɔngi ɓɔbu ɓáojuana moci-moci. Ɓagbɛga ɓáokpanga juana, Yéso áojiga sasakɛ, nke ndɔ n'amamege tɔ mosá akɛ.

Ɓalɔ́ma 1:20

Nga, kpanga á ɓî Mokonga ɗáconji mokonda, ɓukpɛkpɛ nɛkɛ á mɛyɔ na ebigɔ nɛkɛ á ɓá Mokonga nnde nna kɔɔnɛkana, áɔɔnɛkana k'ékuma nde ɗábɛɗanigi. Ka ianaga á nyɔngɔ ndɔ, ɓakpa ɓáká n'aphe énganea.

Ɓalɔ́ma 3:2

Anyɛ́nyi ka kema ásii ɗanga-ɗanga. Ka nyɔngɔ nde Ɓayúda ɓáunge Mokonga ɗéɓophi phɔ́ nyɔngɔ nɛkɛ.

Ɓalɔ́ma 3:23

Nga, ɓakpa ɓɔbu ɓági tɔ ɓojeɗe, ɓáoúka ɓoombia ndea Mokonga.

Ɓalɔ́ma 3:4

Tanda phɔ́! Ambe Mokonga áúbikanɛ gea, a tɔ ɔyɔnga ɗoni, ɓakpa ɓáunge ɓá ndiu ɔyɔnga mbɛa. A tɔ ɓíndɔ ɓáɗundu suɓi á Ɓuku á Mokonga gea: «Ambe óúbikanɛ gea, ɔ tɔ ɔyɔnga ɗoni. Mbenɔ nde ɓáɔkɔtɔnga, ka nyɔngɔ ájeɗe kaɓɛmbɛ gǔ akɔ.»

Ɓalɔ́ma 3:9

Cɔ, ɓɛ́yɔngɛni ɓoni? Ɓesu Ɓayúda ɓɛɛ́nyɛ́nyi ɓakpa ɓunɛngbo? Tanda phɔ́! Ɓe ye phangi base gea Ɓayúda na ɓunde ɓáná Ɓayúda, ɓesu ɓɔbu ɓe tɔ kusi á kɔkɔta á ɓojeɗe.

1 Ɓakɔlítɔ 1:29

Kaɓondɔ, nna na nkpa nde aɔtɔka něɗokomisi mosá á Mokonga.

Ɓagalatía 3:10

Cɔ, Mokonga aɛ́sɛmɛagande ɓakpa nde ɓábisi mɔphɛ aɓɔ ka nyɔngɔ á ɛɔphi. Nga, Ɓuku á Mokonga agi: «Ɓánsɛmɛagande nkpa buakɛ mmbé nnaoamba na nnaɔtɔtɔkisa esa bui kema bubui nde a suɓi á ɓuku ɛ́ɔphi.»

Ɓagalatía 4:21

Ómongoɗeani phɔ́, ɓenu íɓunde ɓookonda ɓá kusi ɛ́ɔphi ndea Ɓayúda! Ɓɔ́kɔ́ɔɔ́ka kema nde ɛɔphi ayɔngi?

Ɓagalatía 4:5

ka gea te, ékoɗɛgɛ ɓakpa nde ɓá kusi ɛ́ɔphi, na bisa asu ɓana Mokonga.

Ɓagalatía 5:18

Aoɓá Měma n'aɔnɔsɔndɔɛa, ɛɔphi nna ye kema ka ɓenu.