Ɓalɔ́ma 2:29 - Ɔngana á Kɛ̌kɛ

²⁹ Moyúda á ɗoni a ndiu mmbé a ye úbikani suɓi akɛ na gúa á ganja suɓi á měma akɛ. Gúa á ganja ndɔ, áɔtɔtɔkɛana ka ɓukpɛkpɛ á Měma á Mokonga, nna ka nyɔngɔ ɛ́ɔphi ndea Mósa. Moyúda á ɗoni ndɔ, nna ɓakpa ɓáunge ɓáombeba, Mokonga aámbé a ndiu ombeba.

Ɓalɔ́ma 2:29 Iomraidhean Croise

Lóka 11:39

Mpɔ Mɔkɔta Yéso áongoɗea: «Cɔ, ɓenu Ɓaphaisáyɔ, ɓo tɔ osokosa cǎ n'ɔphɛphɛ ka ngɔngɔ í, měma anu n'atúmi gǎkɛ na kokae na ɓojeɗe.

Lóka 17:21

Ɓákáyɔngɛku: ‹Ɔ́na! A wani!›, kaɓɛ ‹A kósii!› Nga, úbani gea te, koɓoamɛ ndea Mokonga a ye tɔ suɓi anu.»

Yoáni 12:43

Nga, ɓakɔta ndɔ ɗáɓáokonda obebɔ ndea ɓakpa, kɔnyɛ́nya nnde atóki ka Mokonga.

Yoáni 4:23

Cɔ, mbenɔ aobika n'a ye tɔ bíbí, ɓato á ɗokomisa á ɗoni ɓánɗokomisande Abɛ ka měma na ka koɗoni nga, ɓundɔ ɓáunge Abɛ aǒkaɓa ka ɓá ɓato á ɗokomisa akɛ.

Yoáni 5:44

Ɓenu íɓunde ɓookonda éɗokomisa ɓenu ka ɓenu, ɓókókaɓɛ ndiu ɓoombia nde atóki ka Mokonga sasakɛ, ɓɔtɔkande ɓeekea ɓo?

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 2:27

Nkpa nde kágú ganja á ka nyama, n'aoamba ɛɔphi ndea Mósa, atenande nyɔngɔ nɛkɔ akpɛ oɓɛ ímɓɔ ootingiaga ɛɔphi n'ona Ɓuku á Mokonga n'onde ngu-ganja.

Ɓalɔ́ma 3:1

Cɔ, Moyúda anyɛ́nyi nkpa nde nna Moyúda ka kema sina? Gúa á ganja ana kantíti sina?

Ɓalɔ́ma 7:6

Cɔ, kɛ̌kɛnde ɓéké ye gǎkɛ kusi á kɔkɔta á ɛɔphi. Nga, ɓe ye ɓea ɓasí ka kema nde ɗásóɓóege. Ɓéké ye ɔmbɛɗaneaga Mokonga ɓíndɔ ɗéɓetú kau kala ka ɓeá ɛɔphi ndea Mósa, kɛ̌kɛnde ɓe ndiu ɔmbɛɗaneaga Mokonga ka ɓeá moangɔ á Měma á Mokonga.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

1 Ɓakɔlítɔ 7:19

Gúa á ganja, na kowó, nna na kantíti. Nnde ana kantíti ande gǎkɛ amba ɛɔphi ndea Mokonga.

2 Ɓakɔlítɔ 10:18

Nga, nkpa nde aǒɗokomisa sasakɛ, nna aámbé Mɔkɔta amɓeeki. A ndiu nkpa nde Mɔkɔta sasakɛ anɗokomisi.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

1 Ɓatɛsalɔníka 2:4

Ɓe ndiu ɔphɛa ɓíndɔ Mokonga akondi. Nga, ɗásɔɔphani, áosópha Mbino-Ánjá nɛkɛ. Ɓéké phɔtɔ okáɓa ékondisaga na ɓakpa, ɓe ndiu ǒkondisaga na Mokonga, mmbé aoengekisa měma asu.

1 Pɛ́tɛɛ 3:4

Ɛtɔnda ínɛnu áɓɛ ndiu á ka měma, nnde nnaoújukana. Akeni ɛtɔnda ndɔ átókɛ ka měma áɔɗɛ̌ na aphɔngɔ, nnde ana kantíti ásii k'íso á Mokonga.