Ɓalɔ́ma 2:27 - Ɔngana á Kɛ̌kɛ

²⁷ Nkpa nde kágú ganja á ka nyama, n'aoamba ɛɔphi ndea Mósa, atenande nyɔngɔ nɛkɔ akpɛ oɓɛ ímɓɔ ootingiaga ɛɔphi n'ona Ɓuku á Mokonga n'onde ngu-ganja.

Ɓalɔ́ma 2:27 Iomraidhean Croise

Matáyɔ 3:15

Yéso áonsikisia te: «Ɓeekea phɔ́ tɔtɔkisa nndɔ kɛ̌kɛnde nga, akeni ɓégeɛ ɓó, ka tɔtɔkisa á kema nde Mokonga akondi. Mpɔ, Yoáni áoɓeekea ɓatisa akɛ.»

Ekuma á ɓateki 13:22

Mbusa í, Mokonga áontókisa Saúlɔ, áomamisa ká ɓɔ Daúdi ka kɔkɔta. Â phɔtɔ ɔyɔnga ka phɔa akɛ ɓe: ‹Nɛnsɔmbu Daúdi, muna Yɛ́sɛ, mmbé amɔɓɔngɛi ka měma. Yɛ, atɔtɔkisande mɔphɛ nɛmɔ bui.›

Ɓalɔ́ma 13:10

Aoɓá n'onkondi dakɔ, kɔ́ɔtɔka n'ongǐí ájeɗe. Ɓá n'ekondi ande tɔtɔkisa ɛɔphi.

Ɓalɔ́ma 2:15

Kaɓondɔ ɓáophangia gea, kema nde ɓáɗundu suɓi ɛ́ɔphi aɔbɛɗanaga ka měma aɓɔ. Ianaga á ka měma aɓɔ aoɗigimisa nyɔngɔ ndɔ na kanisiaɓɔ a phɔtɔ ɔ̌tɔnga gea, mbenɔ nɛngbo ɓági ánjá, mbenɔ nɛngbo ɓági ájeɗe.

Ɓalɔ́ma 2:20

Onde phɔtɔ ngoisigi á ɓabóbó na ngoisigi á ɓaniki nga, ooúba ɗoni gea, ɛɔphi aokophangia aphe á úbapha phɛɛ na koɗoni.

Ɓalɔ́ma 2:25

Eya, gúa á ganja a tɔ na kantíti aoɓá n'oamba ɛɔphi. A gǎkɛ oɓá n'ootingiaga ɛɔphi, nanga ógua ganja, gúa á ganja nɛkɔ a tɔ kowó.

Ɓalɔ́ma 2:26

Cɔ, aoɓá mowó n'aoamba ɛɔphi ndea Mósa, Mokonga kántangɛku tɔ ɓea ngu-ganja?

Ɓalɔ́ma 2:29

Moyúda á ɗoni a ndiu mmbé a ye úbikani suɓi akɛ na gúa á ganja suɓi á měma akɛ. Gúa á ganja ndɔ, áɔtɔtɔkɛana ka ɓukpɛkpɛ á Měma á Mokonga, nna ka nyɔngɔ ɛ́ɔphi ndea Mósa. Moyúda á ɗoni ndɔ, nna ɓakpa ɓáunge ɓáombeba, Mokonga aámbé a ndiu ombeba.

Ɓalɔ́ma 3:30

nga, Mokonga a tɔ mo. Yɛ tɔ aámbé aétangande Ɓayúda na ɓunde ɓáná Ɓayúda ɓato á koɗoni ka ɓeana na ɓeekea á nkpa na nkpa.

Ɓalɔ́ma 8:4

Mokonga ɗátɔtɔkisi nndɔ ka gea te, tambea asu áɓɛ ɓíndɔ ɛɔphi asosi nga ɓéké ye oɓea tambea asu á kokpa, ɓe ndiu oɓea tambea nde Měma á Mokonga akondi.

1 Ɓakɔlítɔ 7:19

Gúa á ganja, na kowó, nna na kantíti. Nnde ana kantíti ande gǎkɛ amba ɛɔphi ndea Mokonga.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

Ɓagalatía 5:14

Nga, ɛɔphi bui a tɔ suɓi ɛ́ɔphi nde moci: «Nkonda dakɔ sumbî ǒkondi sasakɔ.»

Ɓaɛphɛ́sɔ 2:11

Cɔ, kanisiani phɔ́ ɓî ɗóɓotú kala ɓenu íɓunde ɓókó Ɓayúda. Ɓayúda ɓáɔnɔɔphana ɓenu: «ɓawó», ɓɔ gǎkɛ ɓáɔ̌ɔphana sasaɓɔ «ɓagu-ganja» ka nyɔngɔ á epe nde ɓábisi ka nyama aɓɔ.

2 Timɔtɛ́ɔ 3:15

Goto, kpangá koniki akɔ, ooúba Ɓuku á Mokonga, nnde aɔtɔka n'akophi kɔɓɔɔngɛ ka gea te, óɓɛ na ɓoamia ka ɓeekea á Kiísito Yéso.

Ɓaɛbulanía 11:3

Ka nyɔngɔ á ɓeekea aunge ɓeúbi gea te, Mokonga ɗáconji mokonda k'ɛ́sɔ akɛ nga, kema nde ɓɛɔɔna ɗátɔtɔkɛani k'índe nna ɔɔnɛkana.