Ɓalɔ́ma 2:26 - Ɔngana á Kɛ̌kɛ

²⁶ Cɔ, aoɓá mowó n'aoamba ɛɔphi ndea Mósa, Mokonga kántangɛku tɔ ɓea ngu-ganja?

Ɓalɔ́ma 2:26 Iomraidhean Croise

Matáyɔ 15:28

Mpɔ Yéso áonsikisia nke ndɔ gea: «Hoo, ɓeekea nɛkɔ aángbó phɛɛ! Kema nde okondi, átɔtɔkɛanɛ.» Kɛ̌kɛndɔ tɔ, nseka nɛkɛ áoama.

Ɓalɔ́ma 2:25

Eya, gúa á ganja a tɔ na kantíti aoɓá n'oamba ɛɔphi. A gǎkɛ oɓá n'ootingiaga ɛɔphi, nanga ógua ganja, gúa á ganja nɛkɔ a tɔ kowó.

Ɓalɔ́ma 2:27

Nkpa nde kágú ganja á ka nyama, n'aoamba ɛɔphi ndea Mósa, atenande nyɔngɔ nɛkɔ akpɛ oɓɛ ímɓɔ ootingiaga ɛɔphi n'ona Ɓuku á Mokonga n'onde ngu-ganja.

Ɓalɔ́ma 3:30

nga, Mokonga a tɔ mo. Yɛ tɔ aámbé aétangande Ɓayúda na ɓunde ɓáná Ɓayúda ɓato á koɗoni ka ɓeana na ɓeekea á nkpa na nkpa.

Ɓalɔ́ma 8:4

Mokonga ɗátɔtɔkisi nndɔ ka gea te, tambea asu áɓɛ ɓíndɔ ɛɔphi asosi nga ɓéké ye oɓea tambea asu á kokpa, ɓe ndiu oɓea tambea nde Měma á Mokonga akondi.

Ɓagalatía 6:15

Gúa á ganja na ika á kanga á gua ganja, nna na ka kema. Kema nde ana kantíti ande ɓá econji á kɛ̌kɛ.

Ɓaɛphɛ́sɔ 2:11

Cɔ, kanisiani phɔ́ ɓî ɗóɓotú kala ɓenu íɓunde ɓókó Ɓayúda. Ɓayúda ɓáɔnɔɔphana ɓenu: «ɓawó», ɓɔ gǎkɛ ɓáɔ̌ɔphana sasaɓɔ «ɓagu-ganja» ka nyɔngɔ á epe nde ɓábisi ka nyama aɓɔ.

Ɓaphilípi 3:3

Ɓesu ndiu ɓáunge ɓende ɓagu-ganja á ɗoni nga, ɓeonɗokomisa Mokonga ka Měma akɛ. Ɓeǒbeɓa ka nyɔngɔ á Kiísito Yéso. Nseɓeɔ nɛsu nna ka ɓesu sisasu.

Ɓakɔlɔsái 2:11

Ka ɔngana anu na yɛ, aunge ɓo ye tɔ ɓagu-ganja. Ganja kau nna gǎkɛ nkpa aámbé ateni ú, atóki ndiu ka Kiísito. Nndɔ unge aosókóɗaga ka kokpa asu á ɓojeɗe.