Ɓalɔ́ma 2:17 - Ɔngana á Kɛ̌kɛ

¹⁷ Cɔ, oɓɛ ímbe ogi te, onde Moyúda, oseɓei ɛɔphi ndea Mósa, na ébeba na Mokonga.

Ɓalɔ́ma 2:17 Iomraidhean Croise

Matáyɔ 3:9

Ɓókokanisiɛmbɛ gea, nnde ɓooianaga sasanu ka měma anu gea te: ‹Abalaámu ande tatasu›, sungíi ungɔ. Nenóngoɗi gea, Mokonga aɔtɔka gaiya á ɓ'ɛtɛ nde ɓáɓɛ ɓasuko á Abalaámu.

Lóka 10:28

Yéso áongoɗea: «Osikisi ɓoabi ánjá. Gea tɔ ɓó, mpɔ ôɓá na enda á mɛyɔ.»

Yoáni 5:39

Ɓɔɔcɔca Ɓuku á Mokonga nga, ɓookanisia te, suɓi í, ana nyɔngɔ á enda á mɛyɔ. Cɔ, Ɓuku ndɔ ungɔ atooɗigimisa nyɔngɔ ani.

Yoáni 5:45

Ɓókokanisiɛmbɛ gea, nɛnɔ́tɔngaeka mosá á Abɛ. Mósa, mmbé ɓoseɓei ɛɔphi nɛkɛ, aámbé anɔ́tɔngande.

Yoáni 7:19

Cɔ, Mósa ɗákánophi phɔ́ ɛɔphi? Nna gǎkɛ na ka ɓenu ímbé aoamba ɛɔphi kau. Cɔ, ɓookaɓa mowa ani ka ɓo?»

Yoáni 8:33

Ɓáonsikisia: «Ɓesu, ɓende ɓato á k'ɛɓɔkɔti ndea Abalaámu. Nkpa kásobisimbɛ mɔnɔ tanda ka kɔkɔɓɛ ndeakɛ. Cɔ, ɔɔtɔka n'osóngoɗi gea, ɓetókande ka kɔkɔɓɛ ɓo?»

Yoáni 8:41

Ɓenu, ɓo tɔ ɔbɛɗanaga ekuma ndea abanu.» Ɓâ gǎkɛ ongea: «Ɓéké ɓana nka-abɛ. Abasu a tɔ moci, Mokonga.»

Ɓalɔ́ma 2:23

Oɓɛ ímbe ǒbeba na úba ɛɔphi ndea Mósa, ɔɔnjɔɔkisa Mokonga ka tingiaga ɛɔphi!

Ɓalɔ́ma 3:27

Cɔ, ɓena kema nde ɓeǒbeba ně? Tanda phɔ́. Ka ɓo? Ka nyɔngɔ nde kema nde ana kantíti nna ɛɔphi, a ndiu ɓeekea.

Ɓalɔ́ma 9:32

Ka nyɔngɔ éke? Ka nyɔngɔ nde ɗáɓákáoɓondea koɗoni na ɓáɓeeki, ɓâ ndiu okanisia te, ɓátɔande ú k'ékuma. Ɓáɔɓɛtɛkana k'ɛ́tɛ á ɓɛtɛkisa.

2 Ɓakɔlítɔ 11:22

Ɓáná phɔ́ Ɓayúda? Eya, n'eme phɔtɔ! Ɓaisilaɛ́li? Eya, n'eme phɔtɔ! Ɓasuko á Abalaámu? Eya, n'eme phɔtɔ!

Ɓagalatía 2:15

Ɓesu, ɓende Ɓayúda áɔɓɔkɔtɛana, ɓéké ɓato á k'ekuna nɛngbo ɓunde ɓánde ɓato á ɓojeɗe.

Ɓaɛphɛ́sɔ 2:11

Cɔ, kanisiani phɔ́ ɓî ɗóɓotú kala ɓenu íɓunde ɓókó Ɓayúda. Ɓayúda ɓáɔnɔɔphana ɓenu: «ɓawó», ɓɔ gǎkɛ ɓáɔ̌ɔphana sasaɓɔ «ɓagu-ganja» ka nyɔngɔ á epe nde ɓábisi ka nyama aɓɔ.

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.

Mphaniɔ 3:1

Nɗunduia malaéka á ka kanisa ndea ka Sáadi ɓe: Mmbé ana měma ngianjaga iɓɛ (7) á Mokonga na ɓasɛɛngɔa ngianjaga iɓɛ (7) ayɔngi ɓe: Neoúba ekuma nɛkɔ, ne phɔtɔ oúba gea oúbikani te ooenda, na o ye ku gǎkɛ.

Mphaniɔ 3:9

Cɔ, nekophande ɓato á k'endu á madondanɔ ndea Sɛtáni. Ɓɔ, ɓáɔyɔnga sasaɓɔ mbɛa te, ɓánde Ɓayúda na ɓáná gǎkɛ Ɓayúda. Něsoseande ɓábikɛ gbukɛ muanku aɓɔ mosá akɔ ka ɗokomisa akɔ na ɓáúbande gea, eme nekokondi.