Ɓalɔ́ma 2:16 - Ɔngana á Kɛ̌kɛ

¹⁶ Ɓondɔ unge aɓande esa nde Mokonga atenande akpɛ nyɔngɔ á ɓɔsɔmɛa ndea ɓakpa k'aphe ndea Yéso Kiísito. A tɔ ɓíndɔ Mbino-Ánjá nde nɛɔtɔmiaga ayɔngi.

Ɓalɔ́ma 2:16 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Lóka 8:17

Nga, nna na ka kema á ɓɔsɔmɛa nde káɔnɛkanɛku. Nna phɔtɔ na ka nyɔngɔ á ɓɔsɔmɛa nde kángoɗokanɛku na úbikana base.

Yoáni 12:48

Nkpa nde amoyé, na nnaoɓeekea nyɔngɔ nɛmɔ ɓátenaeka nyɔngɔ nɛkɛ akpɛ. Nyɔngɔ nde ɗéyɔngi aunge, atenaeka nyɔngɔ akpɛ k'ésa á sungiaga á mokonda.

Ekuma á ɓateki 10:42

Ɗásososi tɔ̌mia á Mbino-Ánjá ka ɓakpa na engekisa gea, ande mmbɔ aámbé Mokonga amamisi ka tena á nyɔngɔ ndea ɓakpa nde ɓaoenda na ɓunde ɓasí.

Ekuma á ɓateki 17:31

Mokonga a ye bisi esa nde atenaeka nyɔngɔ á ɓato á ka mokonda bui ka koɗoni, na ka njaga á nkpa nde ansɔmbu. Ɗánengekisi nkpa kayɛ mosá á ɓakpa ɓɔbu ka jujúkisa akɛ ka kukuwa.»

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓalɔ́ma 2:5

Cɔ, oɓɛ ona měma akpɛ na kóokonda kětia á měma akɔ. Kaɓondɔ unge ǒbisíí tambaga ángbó esa nde Mokonga aphangiaeka esúia nɛkɛ na tena á nyɔngɔ nɛkɛ ka koɗoni.

Ɓalɔ́ma 3:6

Tanda phɔ́! Atúoɓá Mokonga na nna nto á ɗoni atótenande nyɔngɔ ndea ɓato á ka mokonda?

1 Ɓakɔlítɔ 15:1

Ɓaya, nekondi goto nénókanisiɛ Mbino-Ánjá nde ɗénɔtɔ̌migi. Ɗóɓoɓeeki ú, na ka kɛ̌kɛnde, ɓo phɔ́tɔ oamba ú.

1 Ɓakɔlítɔ 4:5

Kaɓondɔ, ɓókótenɛ mɔnɔ nyɔngɔ ndea nkpa mosá á mbenɔ nde ɗáɓábisi. Mɓondeani Mɔkɔta ájɛ, Yɛ aámbé abisande base kema nde ɓásɔ̌mi ka keiphe, na bisa á base mosenda á ɓɔsɔmɛa á suɓi á měma á ɓakpa. Mpɔ, Mokonga ambebande nkpa na nkpa ɓíndɔ ankeni ně.

2 Ɓakɔlítɔ 5:10

Nga, ɓesu ɓɔbu ɓemamande mosá á ntua nde Kiísito atenande nyɔngɔ á ɓakpa kau. Wa, amphendande nkpa na nkpa ka ɓeana na tambea akɛ, kaɓɛ ánjá, kaɓɛ ájeɗe ka enda akɛ ka mokonda.

Ɓagalatía 1:11

Ɓaya, nenóngoɗi gea, Mbino-Ánjá nde nɛɔtɔmiaga, kátóki ka ɓakpa.

1 Timɔtɛ́ɔ 1:11

Ɓɔphɛi ndɔ a suɓi á Mbino-Ánjá nnde ɗámopi nɛ́tɔ̌miɛgɛ ú, n'atóki ka Mokonga, mɛna-ɓoombia na ɓonjánja.

2 Timɔtɛ́ɔ 2:8

Cɔ, nkanisia Yéso Kiísito, mosuko á moamɛ Daúdi, mmbɔ ɗájujúki ka kukuwa ɓíndɔ Mbino-Ánjá nde nɛɔphɛa ayɔngi.

2 Timɔtɛ́ɔ 4:1

Cɔ, Timɔtɛ́ɔ, nekososi base mosá á Mokonga na Kiísito Yéso, mmbé atenaeka nyɔngɔ ndea ɓakpa nde ɓáku na ɓunde ɓáoenda, ka sɛnɛka akɛ ka koɓoamɛ nɛkɛ:

2 Timɔtɛ́ɔ 4:8

Kpangá á Kɛ̌kɛnde, Mokonga amobisíí kekombó á koɗoni, nnde Mɔkɔta mmbé ande nteni nyɔngɔ á ɗoni amopande esa nde abikande goto. Nna tɔndɔ eme, a ndiu phɔtɔ ka ɓakpa ɓɔbu íɓunde ɓákondi ɔna akɛ esa nde asɛnɛkande.

Ɓaɛbulanía 9:27

Ɓî nkpa buakɛ a tɔ okuwa mongɔ ímoci, mbusa á kukuwa Mokonga áotena nyɔngɔ nɛkɛ,

1 Pɛ́tɛɛ 4:5

Ɓɔ, ɓáyɔngande gǎkɛ nyɔngɔ nɛɓɔ mosá á Mokonga, mmbé a ye n'ɛ̌ɓɔngisigi ka tena nyɔngɔ á ɓakpa nde ɓáku na ɓunde ɓáoenda.

2 Pɛ́tɛɛ 2:9

Cɔ, Mɔkɔta aoúba amisa suɓi á tombaga, ɓakpa nde ɓáomɓánga. A phɔtɔ oúba bisa á ɓato á ɓojeɗe ka mpɛphɛ ka tambisaga aɓɔ k'ésa á tena nyɔngɔ.