Ɓalɔ́ma 2:14 - Ɔngana á Kɛ̌kɛ

¹⁴ Ɓî ɓakpa nde ɓáná Ɓayúda měma aɓɔ aǒteka ka tɔtɔkisa á kema nde ɛɔphi asosi nanga ɓánáoúba ɛɔphi ndea Mósa, ɓɔ, ɓána ɛɔphi ndɔ suɓi aɓɔ, nanga ɓáká ně.

Ɓalɔ́ma 2:14 Iomraidhean Croise

Ekuma á ɓateki 10:35

ɓato á ekuna bui, ɓunde ɓáomɓánga Mokonga na tɔtɔkisa á koɗoni, ɓɔ ɓáunge ɓámɓɔngɛi Mokonga.

Ekuma á ɓateki 14:16

Ka matú nde ɗányɛ́nyi, Mokonga ɗáɗeketi ekuna bui ɓáɓeɛ aphe nde ɓákondi.

Ekuma á ɓateki 17:30

Mokonga nna ye gǎkɛ oɓea nyɔngɔ nde ɓakpa ɗáɓági na ɓákáomúba. Kɛ̌kɛnde aeɓɔphani ye tɔ ɓakpa ɓɔbu á k'ɔma bui ka kětia á tambea aɓɔ.

Ɓalɔ́ma 1:32

Ɓɔ ɓaoúba gea, ɛɔphi ndea Mokonga asosi te, ɓunde ɓáotambea ɓó, akeni ɓákuwɛ. Cɔ, ɓɔ, nanga ɓáúba nndɔ, ɓáotútuisa gea í na gamana phɔtɔ na ɓakpa nde ɓáogea ɓó.

Ɓalɔ́ma 2:12

Kaɓondɔ, ɓakpa ɓɔbu ɓunde ɓáogea ɓojeɗe kángá á úba ɛɔphi ndea Mósa, ɓáetúkatúkande ɓɔ na ɓátenande nyɔngɔ nɛɓɔ kángá ɛɔphi ndea Mósa. Ɓunde ɓá gǎkɛ ogea ɓojeɗe na ɓáoúba ɛɔphi ndea Mósa, ɓátenande nyɔngɔ nɛɓɔ n'ɛɔphi ndɔɔ.

Ɓalɔ́ma 2:15

Kaɓondɔ ɓáophangia gea, kema nde ɓáɗundu suɓi ɛ́ɔphi aɔbɛɗanaga ka měma aɓɔ. Ianaga á ka měma aɓɔ aoɗigimisa nyɔngɔ ndɔ na kanisiaɓɔ a phɔtɔ ɔ̌tɔnga gea, mbenɔ nɛngbo ɓági ánjá, mbenɔ nɛngbo ɓági ájeɗe.

Ɓalɔ́ma 2:27

Nkpa nde kágú ganja á ka nyama, n'aoamba ɛɔphi ndea Mósa, atenande nyɔngɔ nɛkɔ akpɛ oɓɛ ímɓɔ ootingiaga ɛɔphi n'ona Ɓuku á Mokonga n'onde ngu-ganja.

1 Ɓakɔlítɔ 11:14

Ka ɓeana na ɓî Mokonga ɗáconji mokonda, ande soni ka mǒko ɓá n'ephuti.

1 Ɓakɔlítɔ 9:21

Mbenɔ nde nɛɔbɛɗanaga sɔsɔɓɛ á ɓakpa nde ɓákákusi ɛ́ɔphi, tambea ani aokengeana na nndeaɓɔ ka gea te, ɓámɓeekeɛ Kiísito. Nna gea te, kéoamba ɛɔphi ndea Mokonga nga, neoamba ɛɔphi ndea Kiísito.

Ɓaɛphɛ́sɔ 2:12

Mosá, ɗóɓokótú omúba Kiísito. Ɗóɓokótú k'ékombo ndea Ɓaisilaɛ́li ɓunde Mokonga ɗáɛsɔmbu, ɗóɓotú ndiu nɛnu ɓatókanga. Mɔkɔ á ɔngana ndea Mokonga ɗákátú ka ɓenu. Ɗátú tɔ ka ɓakpa nɛkɛ. Ɓóoɓá ka mokonda, kángá á nseɓeɔ, na kángá á Mokonga.

Ɓaɛphɛ́sɔ 2:3

Ɓesu ɓɔbu, ɗéɓetú phɔtɔ ɓea ɓɔ, ɓéotambea ɓíndɔ nyama asu ɗátú osóɓotea, ɗéɓéɔtɔtɔkisa mɔphɛ á ka nyama asu na nnde á ka měma asu. Ka nyɔngɔ á tambea asu ájeɗe aunge, ɓékéólokɛku k'esúia ndea Mokonga ɓea ɓakpa ɓunɛngbo.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.