Ɓalɔ́ma 2:13 - Ɔngana á Kɛ̌kɛ

¹³ Cɔ, nna gǎkɛ ɓakpa nde ɓá tɔ ɔɔ́ka ɛɔphi ɓáunge Mokonga aǒtanga ɓato á koɗoni. A ndiu ɓakpa nde ɓáotambea ɓíndɔ ɛɔphi asosi.

Ɓalɔ́ma 2:13 Iomraidhean Croise

Lóka 18:14

Mpɔ, Yéso áǒngoɗea: «Cɔ, negie, mphendisigi-manjanja ɗáji mɔtɛ-akɛ, na ye tɔ nto á koɗoni k'íso á Mokonga, nna Mophaisáyɔ. Nga, nkpa buakɛ mmbé aǒɗokomisa, aámbé ɓándidisande. Nkpa nde a gǎkɛ ǒdidisa, aámbé ɓánɗokomisande.»

Lóka 8:21

Yéso â gǎkɛ ǒsikisia: «Ayi na ɓana-ayi, ɓánde ɓundɔ ɓáɔɔ́ka nyɔngɔ á Mokonga na tɔtɔkisa í.»

Yoáni 13:17

Ɓî ɓoúbi ye nyɔngɔ ndɔ, ɓoɓande na maseye, aoɓá na ɓɔtɔtɔkisi ú.

Ɓalɔ́ma 10:5

Cɔ, Mósa sisakɛ ɗáɗundu ka nyɔngɔ á koɗoni nde aotókana n'ɛɔphi gea: «Mmbé a n'otaɔ ka ɛɔphi aámbé aendeande ɛɔphi ndɔɔ.»

Ɓalɔ́ma 2:25

Eya, gúa á ganja a tɔ na kantíti aoɓá n'oamba ɛɔphi. A gǎkɛ oɓá n'ootingiaga ɛɔphi, nanga ógua ganja, gúa á ganja nɛkɔ a tɔ kowó.

Ɓalɔ́ma 3:20

Ka nyɔngɔ índɔ unge, nna na nkpa nde ɓántangande nto á koɗoni mosá á Mokonga ka nyɔngɔ á amba ɛɔphi. Ɛɔphi a tɔ omphangia nkpa gea, agi ɓojeɗe.

Ɓalɔ́ma 3:23

Nga, ɓakpa ɓɔbu ɓági tɔ ɓojeɗe, ɓáoúka ɓoombia ndea Mokonga.

Ɓalɔ́ma 3:30

nga, Mokonga a tɔ mo. Yɛ tɔ aámbé aétangande Ɓayúda na ɓunde ɓáná Ɓayúda ɓato á koɗoni ka ɓeana na ɓeekea á nkpa na nkpa.

1 Ɓakɔlítɔ 4:4

Ɗoni, měma ani nna ɔmɔtɔnga ka kema. Nna gǎkɛ gea te, neúki ɓojeɗe. Mɔkɔta aámbé ande nteni-nyɔngɔ nɛmɔ.

Ɓagalatía 2:16

Ɓeoúba gea, nna ka nyɔngɔ á amba ɛɔphi unge aombisa nkpa nto á koɗoni mosá á Mokonga. A ndiu tɔ ka nyɔngɔ á ɓeekea Yéso Kiísito. Ɓesu phɔtɔ, ɗéɓemɓeeki Kiísito Yéso ka gea te, ɓéúbukanɛ gea ɓende ɓato á koɗoni. Ɗéɓeúbukani gea ɓende ɓato á koɗoni ka ɓeekea Kiísito, nna ka nyɔngɔ á amba ɛɔphi. Nga, nna na nkpa nde aɓande nto á koɗoni mosá á Mokonga ka nyɔngɔ á amba ɛɔphi.

Ɓagalatía 5:4

Ɓenu íɓundɔ ɓookaɓa ɔnɛkana ɓato á koɗoni mosá á Mokonga ka nyɔngɔ á ɛɔphi, ɓo ye katani na Kiísito. Ɓonde ɗanga na ɓonjánja-ékondi ndea Mokonga.

Yakɔ́ɓɔ 1:27

Kanisa ánjá na á kanga ɓɔjɔɔkiɔ k'íso á Abɛ Mokonga, ande amba á ɓaniki á jiga, na ɓake á kekusa suɓi á tambaga nɛɓɔ. Goto, teani ɓojeɗe á ka mokonda.

1 Yoáni 2:29

Ɓî ɓooúba gea Kiísito ande nto á koɗoni, akeni ɓóúbɛ phɔtɔ gea, nkpa buakɛ mmbé aogea kema ka koɗoni ande muna-Mokonga.

1 Yoáni 3:7

Ɓaniki amɔ, nkpa kanódemɛmbɛ! Nkpa nde aɔtɔtɔkisa koɗoni, ande nto á koɗoni ɓea Yéso Kiísito.