Ɓalɔ́ma 2:10 - Ɔngana á Kɛ̌kɛ

¹⁰ Nkpa buakɛ mmbé a gǎkɛ ogea ánjá, aɓande na ɓokutú, ɓujɛjɛ na ɓoombia. Akpangande phɔ́ ka Ɓayúda, mpɔ áoɓá ka ɓunde ɓáná Ɓayúda.

Ɓalɔ́ma 2:10 Iomraidhean Croise

Matáyɔ 10:13

Endu nde ɓáonósesea kau, ambe ɓujɛjɛ nɛnu áikɛ gǔ aɓɔ. A gǎkɛ oɓá na ɓákánosesi, ɓujɛjɛ nɛnu ánojííɛ.

Lóka 1:79

Ka bɛnya gǔ asu, ɓesu íɓunde ɓe ka keiphe na kusi á iimbiɔ á kukuwa, na ka ubisa asu aphe á ɓujɛjɛ.»

Lóka 12:37

Aɓande maseye ka ɓabɛɗanigi ɓunde mɔkɔta nɛɓɔ ědondande na ɓákáɗé. Nenóngoɗi ɗoni gea, mɔkɔta nɛɓɔ aɔ́lande bɔngɔ á ekuma, áǒikisa ɓabɛɗanigi ka mɛja, áɔ̌bɛɗaneaga!

Lóka 19:42

n'aɔyɔnga ɓe: «Atúoɓá oɓɛ n'oúbi kesande aphe á ɓujɛjɛ, cɔ, kɛ̌kɛnde nyɔngɔ ndɔ a ye tɔ á ɓɔsɔmɛa k'íso akɔ!

Lóka 22:14

Ka mbenɔ á eaga, Yéso áoika kimoci na ɓateki nɛkɛ.

Lóka 9:48

Aǒgea te: «Nkpa nde ansesi miki nde k'ína ani, amosesi phɔtɔ. Nkpa nde amosesi, ansesi phɔtɔ mmbé amoteki. Nga, nkpa nde aǒdidisa sɔsɔɓɛ anu aámbé ande mɔkɔta.»

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Yoáni 14:27

Nenóɗeketei ɓujɛjɛ, nenophi ɓujɛjɛ nɛmɔ. Kénóphi ɓíndɔ ɓato á ka mokonda ɓáonópha. Cɔ, měma anu kaágatanɛmbɛ, ɓókóɓɛmbɛ na kɔɓɔɓɔkɔ.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 10:35

ɓato á ekuna bui, ɓunde ɓáomɓánga Mokonga na tɔtɔkisa á koɗoni, ɓɔ ɓáunge ɓámɓɔngɛi Mokonga.

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 15:13

Ambe Mokonga mɛna-nseɓeɔ ánotúmisɛ na maseye na ɓujɛjɛ phɛɛ suɓi á ɓeekea ka gea ɓótúmɛ na nseɓeɔ ka ɓukpɛkpɛ ndea Měma á kanga ɓojeɗe.

Ɓalɔ́ma 2:7

Mokonga aeɓophande enda á mɛyɔ, ɓakpa nde ɓásui bɛɗaneaga akɛ na kaɓa obebɔ, ɓokutú na kema nde nna na sungiaga.

Ɓalɔ́ma 2:9

Nkpa buakɛ mmbé aogea ɓojeɗe, atambagande na ea á minyɔ. Tambaga ndɔ akpangande phɔ́ ka Ɓayúda, mpɔ áoɓá ka ɓunde ɓáná Ɓayúda.

Ɓalɔ́ma 5:1

Cɔ, ɓî Mokonga asotangi ye ɓato á koɗoni ka nyɔngɔ á ɓeekea nɛsu, ɓena ɓujɛjɛ na Mokonga ka nyɔngɔ á Mɔkɔta nɛsu Yéso Kiísito.

Ɓalɔ́ma 8:6

Cɔ, nkpa aoɓea tambea á kokpa, tambea ndɔ áonkusa. Nkpa a gǎkɛ oɓea tambea á Měma á Mokonga, tambea ndɔ áomopha enda na ɓujɛjɛ.

Ɓalɔ́ma 9:21

Mɓɔngisigi mbeka-toko aɔtɔka n'abɛɗanɛigi oɗo ɓíndɔ yɛ akondi. Na oɗo ndɔ tɔ, aɔtɔka n'aɓɔngisigi mbeka nde atétemani na nnde kátétemani.

Ɓalɔ́ma 9:23

Ɗákondi gǎkɛ áɔnisɛ ɓoombia akɛ phɛɛ ka ɓunde ɗáekui ngomi, ɗáɛɓɔngisigi kpanga kala ka ɓá na ɓoombia ndɔ.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaphilípi 4:7

Mpɔ, Mokonga áonóamba, áobisa ɓujɛjɛ ka měma anu, ɓujɛjɛ ndɔ n'anyɛ́nyi úbapha bui, aámbande měma anu ka nyɔngɔ nde, ɓɔɔngani na Kiísito Yéso.

1 Timɔtɛ́ɔ 1:17

Cɔ, ka Moamɛ á mɛyɔ, mmbé nnaokuwa, mmbé ɓákáɔmɔna, Mokonga ímbé nna na dakɛ ɓea yɛ, ambe áɓɛ n'obebɔ na ɓoombia ka saga na saga! Áɓɛ ɓó.

Ɓaɛbulanía 2:7

Ka mbenɔ ábɔa, ɗóndidisi kusi á ɓamalaéka, ômopha ɓoombia na ɓokutú.

Yakɔ́ɓɔ 2:22

Nga, ɔɔni ɓî ɓeekea nɛkɛ ɗáojúkana na tɔtɔkisa á ekuma. Kaɓondɔ, ekuma áokpengeanisa ɓeekea.

Yakɔ́ɓɔ 3:13

Cɔ, ani mmbé ande múbaphi na mɔɔngɛ sɔsɔɓɛ anu? Áphangiɛ ú ka tambea akɛ ánjá na k'ékuma nɛkɛ nnde aogea ka ɓɔphɔngɔ na kɔɓɔɔngɛ.

1 Pɛ́tɛɛ 1:7

Tombaga ndɔ ande ka gea, ɓáengekisɛ ɓeekea nɛnu ka gea áúbikanɛ gea, ande á ɗoni. Láté ande kema nde aoújukana, ɓá gǎkɛ otoɓoa ú ka engekisa ɓonjánja í. Ɓeekea nɛnu a phɔtɔ ɓó. Ana kantíti kɔnyɛ́nya láté, akeni gǎkɛ ɓáengekisɛ ú. Ka nyɔngɔ índɔ unge ɓeɓande n'obebɔ, ɓoombia na ɓokutú mbenɔ nde Yéso Kiísito asɛnɛkaeka.

1 Pɛ́tɛɛ 5:4

Mbenɔ ndɔ Mɔkɔta á ɓaambi-etuge asɛnɛkande, ɓɔtɔande kuku á ɓoombia nde ɓonjánja í nna osía.