Ɓalɔ́ma 16:7 - Ɔngana á Kɛ̌kɛ

⁷ Něsambei ɓatia-abɛ na ɓadani Andɔɔníkɔ na Yunía ɓunde ɗétú na ɓɔ suɓi á mekakɔ. Ɓɔ, ɓána ɓoombia phɛɛ sɔsɔɓɛ á ɓateki, ɓɔ, ɗáɓámɓeeki Kiísito mosá ani.

Ɓalɔ́ma 16:7 Iomraidhean Croise

Yoáni 14:20

K'ésa ndɔ unge ɓoengekisande gea, eme ne suɓi á Abɛ, ɓenu suɓi ani, n'eme suɓi anu.

Yoáni 15:2

Aotena ntabi bui nnde ajúkani n'eme na nnaɔgɔmba. A gǎkɛ ɔɓɔngisiaga nnde aɔgɔmba ka gea te, ágɔmbɛ goto phɛɛ.

Yoáni 6:56

Mmbé aoea kesuku ani na noa á magia ani, eme neiki suɓi akɛ na yɛ aiki suɓi ani.

Ɓalɔ́ma 16:10

Nensambei Apɛ́lɛ mmbé aúbisi base ɓeekea nɛkɛ ka Kiísito. Něsambei ɓato á k'éndu ndea Aiistobúlo.

Ɓalɔ́ma 16:11

Nensambei Ɛlɔdíɔni nto á k'ékombo nɛmɔ. Něsambei ɓato á k'éndu á Naakíso ɓundɔ ɓaɓêki ndea Mɔkɔta.

Ɓalɔ́ma 16:21

Dani mbɛɗanigi Timɔtɛ́ɔ anósesi, ɓaɓɔkɔtiamɔ: Lukíɔ, Yasɔ́ni na Sɔsipatɔ́ɔ ɓanosambei phɔtɔ.

Ɓalɔ́ma 16:3

Nensambei Pisíla na Akíla, ɓadani ɓabɛɗanigi ndea Yéso.

Ɓalɔ́ma 16:6

Nensambei Malía mmbé ɗátambigi phɛɛ ka nyɔngɔ anu.

Ɓalɔ́ma 16:8

Nensambei Ampuliátɔ dani ékondi suɓi á Mɔkɔta.

Ɓalɔ́ma 16:9

Nensambei Uubánɔ dani mbɛɗanigi suɓi á Kiísito na dani ékondi Stákisi.

Ɓalɔ́ma 8:1

Cɔ, kɛ̌kɛnde, ɓakpa nde ɓá suɓi á Kiísito Yéso, ɓákátenɛku ye tanda nyɔngɔ nɛɓɔ akpɛ.

Ɓalɔ́ma 8:11

Kaɓɛ Měma á Mokonga mmbé ɗánjujúkisi Yéso sɔsɔɓɛ á ɓasí n'aiki suɓi anu, yɛ mmbé ɗánjujúkisi Kiísito sɔsɔɓɛ á ɓasí tɔndɔ aámbé aendisande nyama anu á kukuwa na Měma akɛ nnde a suɓi anu.

Ɓalɔ́ma 9:3

Nɛtɔ́ɔni ánjá Mokonga ámɔsɛmɛɛgɛ na nékatanɛ na Kiísito ka nyɔngɔ á ɓana-ayi íɓundɔ nɛɓɔkɔtɛani na ɓɔ.

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

2 Ɓakɔlítɔ 11:23

Ɓáná phɔ́ ɓabɛɗanigi ndea Kiísito? Neyɔngande phɔ́ ndiu ɓea mbóbó. Eme nende mbɛɗanigi ndea Kiísito kɔ̌nyɛ́nya ɓɔ. Ne ye na netambigi ka bɛɗaneaga Kiísito phɛɛ: Makeagani ka mekakɔ, ɓindagani na ólokagani ka kukuwa.

2 Ɓakɔlítɔ 12:2

Mokonga ɗántáisi mǒko moci mmbé ɗáɔngani na Kiísito n'ego phɛɛ, a ye ɓasaga nkama na gena (14). Mokonga ɗántáisi na koba na nyama akɛ? Kaɓɛ kángá nyama akɛ? Kéoúba, Mokonga sasakɛ aámbé aoúba.

2 Ɓakɔlítɔ 5:17

Cɔ, aoɓá nkpa n'aiki suɓi á Kiísito, ande gea te, Mokonga anconji goto kɛ̌kɛ. Nyɔngɔ á kala bui áoímika, â ye tɔ ojiga nnde á kɛ̌kɛ.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓagalatía 1:22

Ɓato á kanisa ɗanga-ɗanga ndea Yéso ka Yudɛ́a, ɗáɓákáoengekisa keongi ani.

Ɓagalatía 2:2

Ɗége ko nga, Mokonga aámbé ɗámɔɔphani. Suɓi á madondanɔ ka mpɛphɛ na ɓakɔta á kanisa aunge ɗéněgoisigi Mbino-Ánjá nde nɛɔtɔmiaga sɔsɔɓɛ á ɓunde ɓáná Ɓayúda. Nga, ɗékéokonda gea, ekuma nɛmɔ á kala n'índe á kɛ̌kɛ áɓɛ kángá kantíti.

Ɓagalatía 2:6

Ɓakɔta á kanisa ɗáɓákáyamei gǎkɛ ka kema ka ɓɔphɛi nɛmɔ. Nanga ɓáɓá ɓakɔta, nndɔ nna kema k'éme nga, Mokonga nna n'oɓayɔ. Ɓakɔta ndɔ, ɗáɓákámososi gǎkɛ moangɔ á kɛ̌kɛ.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓagalatía 6:15

Gúa á ganja na ika á kanga á gua ganja, nna na ka kema. Kema nde ana kantíti ande ɓá econji á kɛ̌kɛ.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

Ɓakɔlɔsái 4:10

Aisitákɔ mmbé a ka mekakɔ kimoci n'eme anósesi. Málikɔ, ayakɛ na Baanába anósesi phɔtɔ. Ɗénegɔɓi na nɛnɔɔkusigi ka nyɔngɔ á Málikɔ gea, aoɓá n'ajú mɔtɛ-anu, nseseani.

Philɛmɔ́nɔ 1:23

Epáphaa mmbé ɓena yɛ ka mekakɔ ka nyɔngɔ á Kiísito Yéso akosambei.

1 Yoáni 4:13

K'índe unge ɓeoúba gea te, ɓeiki suɓi á Mokonga, yɛ áoika suɓi asu: Ɗásophi Měma akɛ.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.