Ɓalɔ́ma 16:5 - Ɔngana á Kɛ̌kɛ

⁵ Něsambei phɔtɔ ɓato á ka kanisa ɓunde ɓáodondanaga k'éndu mɔtɛ-aɓɔ. Nensambei dani ékondi Ɛpɛnɛ́tɔ, mmbé ɗátú mɓêki á k'ama mosá-mosá ndea Kiísito ka Asía.

Ɓalɔ́ma 16:5 Iomraidhean Croise

Matáyɔ 18:20

Nga, ɔma nde ɓakpa ɓaɓɛ, kaɓɛ ɓasaɔ ɓáodondana k'ína ani, eme ne ka ɔlɔ aɓɔ.»

Ekuma á ɓateki 16:6

Pɔ́lɔ na ɓadakɛ ɓáɔnyɛ́nya ka nji bui á Phuigía na Galatía nga, Měma á kanga ɓojeɗe ɗáéimisíí tɔ̌miaga á nyɔngɔ á Mokonga ka nji á ka Asía.

Ekuma á ɓateki 18:12

Cɔ, ka matú nde Galíɔ ɗátú mɔkɔta ndea Ɓalɔ́ma ka Akáya, Ɓayúda ɗáɓájúkani gǎkɛ ka maca á Pɔ́lɔ, ɓáombika ně ka ntua á tena á nyɔngɔ.

Ekuma á ɓateki 18:27

Mbenɔ nde Apɔ́lɔ ɗáokonda gǎ na Akáya. Ɓaɓêki á ka Ɛphɛ́sɔ ɓáomopha ɓukpɛkpɛ, ɓáoɗundua ɓaoɓa gea te, ɓaɓêki á ka Akáya ɓánseseɛ ánjá. Ajú ye kó, áǒenga phɛɛ ɓunde ɓá ye ɓaɓêki ka ɓonjánja-ékondi ndea Mokonga.

Ekuma á ɓateki 2:9

Ɓakpa ɓuangbo ɓá sɔsɔɓɛ asu, ɓato á ka Páati, Ɓamɛ́di na Ɓaɛlámu, ɓundɔ ɓáiki ka Mɛsɔpɔtamía, Yudɛ́a na Kapadɔkía, Pɔntɔ na Asía,

Ɓalɔ́ma 11:16

Aoɓá ɓoata á mokati n'ande ka Mokonga, nnde ajigi a phɔtɔ ka Mokonga. Aoɓá mǐgi n'ande ka Mokonga ámbé ntabi a phɔtɔ ka Mokonga.

Ɓalɔ́ma 15:26

Kanisa á ka Makɛdɔnía na nnde á ka Akáya ɗáɓáɔni ánjá ɓákɔngɔɛ imɔna ka taɓea ɓaɓêki á ka Yɛusalɛ́ma ɓunde ɗáɓátú ka ɓuyɛnɛ.

Ɓalɔ́ma 16:12

Něsambei Tiíphɛna na Tiíphosa ɓunde ɓána moíngí ka nyɔngɔ á Mɔkɔta. Nensambei dani ékondi Pɛɛ́si mmbé aǒtambisaga phɛɛ ka nyɔngɔ á Mɔkɔta.

Ɓalɔ́ma 16:4

Ɓɔ, ɗáɓáóloki ka kukuwa ka nyɔngɔ á amisa ani. Eme na kanisa bui nde nna á Ɓayúda, ɓeésegi ɓɔ.

Ɓalɔ́ma 16:6

Nensambei Malía mmbé ɗátambigi phɛɛ ka nyɔngɔ anu.

Ɓalɔ́ma 16:8

Nensambei Ampuliátɔ dani ékondi suɓi á Mɔkɔta.

1 Ɓakɔlítɔ 16:15

Ɓooúba gea Sɛtɛphána n'ekombo nɛkɛ ɓánde ɓakpa nde ɗáɓámɓeeki Kiísito k'ama mosá-mosá ka ntanga-nji ndea ka Akáya. Ɓɔ ɓáunge ɓáɔ̌bɛɗaneaga ɓaɓêki. Ɓaya, nenóɗengemisigi gea,

1 Ɓakɔlítɔ 16:19

Ɓato á ka kanisa á ka Asía ɓánósesi. Akíla na Pisíla na ɓaɓêki ɓuangbo ɓunde ɓáodondanaga mɔtɛ-aɓɔ, ɓánósesi k'ína á Mɔkɔta.

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

2 Ɓakɔlítɔ 9:2

Neúbi ye mɔphɛ ánjá nɛnu. Kaɓondɔ, něbebi ka nyɔngɔ anu, mosá á ɓato á ka Makɛdɔnía, néǒgea te: «Ɓakiísito á ka Akáya, ɓá ye ɛ́ɓɔngisigi ka taɓeá kpanga ka saga nde anyɛ́nyima.» Moíngí nɛnu, aéɓotei ɓakpa ɓásii ka ɔlɔ aɓɔ.

Ɓakɔlɔsái 4:15

Óseseani ɓadasu á ka Laɔdikía, Níipha phɔtɔ na kanisa nde aodondanaga mɔtɛ-akɛ.

Philɛmɔ́nɔ 1:2

Ɓeɗundu phɔtɔ k'áwásu Apía, ka Aakípɔ, dasu nto-émani, na ka ɓaɓêki ɓunde ɓáodondanaga k'éndu nɛkɔ.

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.

3 Yoáni 1:1

Eme Ngbɛga á kanisa aámbé neɗundu ɓaoɓa nde Ka Gáyɔ, mmbé nenkondi ɗoni.

Mphaniɔ 14:4

Ɓɔ, ɓákákondɛ jɔɔkisa á nyama aɓɔ ka dondana na ɓake, ɗáɓáambi nyama aɓɔ kángá jɔɔkisa í. Ɓáomɓea Muna-Mɔgɔgɔ ɔma bui nde aoga. Ɗáɓěsombi sɔsɔɓɛ á ɓakpa ɓunɛngbo ka ɓa ɔphɛ́ɔ á k'ama mosá-mosá ka Mokonga na ka Muna-Mɔgɔgɔ.