Ɓalɔ́ma 16:2 - Ɔngana á Kɛ̌kɛ

² Nseseani yɛ ɓíndɔ ɓakiísito ɓámôogeaga k'ína á Mɔkɔta. Néngani ka kema bui nde ana siki í nga, yɛ ɗééngi ɓakpa ɓásii n'eme phɔtɔ.

Ɓalɔ́ma 16:2 Iomraidhean Croise

Matáyɔ 25:40

Moamɛ aesikisiande te: ‹Nenóngoɗi ɗoni gea, kema nde ɓoogea ka ɓadani íɓundɔ ɓáná na ɓoombia, aunge ɓo ye gi k'eme.›

Ekuma á ɓateki 9:13

Ananía áonsikisia te: «Mɔkɔta, ɓakpa ɓásii ɓámɔtɔ̌migi nyɔngɔ á nkpa ndɔ na ɓojeɗe bui nde ɗégǐí ɓaɓêki nɛkɔ, ɓundɔ ɓá ka Yɛusalɛ́ma.

Ekuma á ɓateki 9:15

Mɔkɔta â gǎkɛ ongoɗea te: «Gǎ tɔndɔ nga, nɛnsɔmbu ye nkpa ndɔɔ. Nɛmɔphani, áɓɛ mbɛɗanigi nɛmɔ ka úbisa ina ani k'ékuna bui na ɓaamɛ nɛɓɔ, na Ɓaisilaɛ́li phɔtɔ.

Ekuma á ɓateki 9:36

Nke ngoigi moci ɗáoikaga ka Yɔ́pa, ina akɛ Tabíta mmbé ɓáɔmɔphana ka Kigiíki «Dɔlíka», ka Kikomo ande gea te: «Cɔcɔɗɛ». Ɗáogea ekuma ánjánja, na gabea á ɓaúki.

Ekuma á ɓateki 9:39

Pɛ́tɛɛ áokamisaga gǎ kimoci na ɓɔ. Aí ɓî ajú, ɓáonga ně suɓi éndu ndɔ a k'ego. Ɓake á k'ekusa ɓáonsesea Pɛ́tɛɛ na ɓáogáma, ɓáɔmɔnisa Pɛ́tɛɛ nkanjo na bɔngɔ bui nde Dɔlíka ɗáéphopheí na kákumbɛ.

Ekuma á ɓateki 9:41

Pɛ́tɛɛ áondunga ka njaga, áonenga ka mesia akɛ. Mpɔ, áɔ̌ɔphana ɓaɓêki na ɓake á k'ekusa ɓɔbu, áɔ̌ɔnisa Tabíta n'aoenda.

Ɓalɔ́ma 15:7

Cɔ, seseanani na maseye ɓíndɔ Kiísito ɗánósesi phɔtɔ ka gea Mokonga áɓɛ n'obebɔ.

Ɓalɔ́ma 16:15

Něsambei Philɔlɔ́gɔ na Yulía, Nelɛ́a na áwákɛ, Olímpa na ɓaɓêki ndea Mokonga ɓɔbu ɓunde ɓáiki na ɓɔ.

Ɓalɔ́ma 16:23

Gáyɔ, mmbé ne mɔtɛ-akɛ ɔma nde madondanɔ á koni bui amɔnɔ ongiaga anósesi. Ɛlástɔ, nambigi imɔna á ka nji na muna-amasu Kwáatɔ ɓanósambei. [

Ɓalɔ́ma 16:6

Nensambei Malía mmbé ɗátambigi phɛɛ ka nyɔngɔ anu.

Ɓalɔ́ma 16:9

Nensambei Uubánɔ dani mbɛɗanigi suɓi á Kiísito na dani ékondi Stákisi.

Ɓaɛphɛ́sɔ 5:3

Ɓî ɓonde ɓato á k'ékombo ndea Mokonga, nyɔngɔ ájeɗe, ɓea iɛɓɛ, ɓɔjɔɔkiɔ, na mɔphɛ á kema, nna ánjá áɔ́kɛkanɛ ka ɔlɔ anu.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 2:29

Cɔ, nseseani na maseye phɛɛ ɓea muna-amasu suɓi á Mɔkɔta. Óɗokomisani ɓakpa nde ɓá ɓea yɛ,

Ɓakɔlɔsái 4:10

Aisitákɔ mmbé a ka mekakɔ kimoci n'eme anósesi. Málikɔ, ayakɛ na Baanába anósesi phɔtɔ. Ɗénegɔɓi na nɛnɔɔkusigi ka nyɔngɔ á Málikɔ gea, aoɓá n'ajú mɔtɛ-anu, nseseani.

1 Timɔtɛ́ɔ 2:10

Ɓáɛtɔndɛ ndiu na tambea ánjá nnde akeni ka ɓake íɓunde ɓáokáɓa beba á Mokonga.

2 Timɔtɛ́ɔ 1:18

O phɔtɔ oúba ánjá phɛɛ gea, ɗámoengi ɓî ɗétú ka Ɛphɛ́sɔ. Kaɓondɔ, ambe Mɔkɔta ánkuiɛ ngomi mosá á Mokonga k'ésa nde abikaeka.

Títɔ 2:3

Óngoɗeaga phɔtɔ ɓaphomi á ɓake gea, ɓáɓɛ na tambea nde akeni mosá á Mokonga. Ɓákaɓɛmbɛ ɓato á yɔngaga ájeɗe-jeɗe ka phɔa á ɓakpa ɓunɛngbo, ɓákáɓɛ mɔnɔ ɓakɔɓɛ á makana, ɓáɓɛ ndiu ɓagoisigi á ɓɔphɛi á ɗoni

Philɛmɔ́nɔ 1:12

Cɔ, nenjisi mɔtɛ-akɔ, yɛ, a ye tɔ phaeka á měma ani.

Philɛmɔ́nɔ 1:17

Cɔ, aoɓá n'ɔmɔbɛɗi ɓea muna-amakɔ, mbɛɗa ɓ'eme.

2 Yoáni 1:10

Aoɓá nkpa n'abiki mɔtɛ-anu, na kábiki na ɓɔphɛi ndee, ɓókóɓeekeɛmbɛ ángiɛ mɔtɛ-anu na ɓókónseseɛmbɛ