Ɓalɔ́ma 16:19 - Ɔngana á Kɛ̌kɛ

¹⁹ Ɓakpa ɓɔbu ɓáoúba gea ɓɔɔmɔ́ka Mokonga. Nena maseye ka nyɔngɔ anu. Mɔphɛ ani gǎkɛ ande gea te, ɓóɓɛ ɓamɔɔngɛ ka gea ánjá na yá á ɓojeɗe.

Ɓalɔ́ma 16:19 Iomraidhean Croise

Matáyɔ 10:16

«Cɔ, ɔ́kani phɔ́! Nenóteki ɓea ɓamɔgɔgɔ ka ɔlɔ á ɓanyama ɓea ɓamabianga. Ɛ́ngɛphani ɓea njɔka, ɓóɓɛ ɓaphɔngɔ ɓea mboe.

Lóka 10:3

Cɔ, gǎni! Nenóteki ɓea ɓaniki á ɓamɔgɔgɔ ka nkíndí á ɓangbee.

Ɓalɔ́ma 1:8

Mosá á kema bui, neonsega Mokonga nɛmɔ ka Yéso Kiísito ka phɔa anu ɓenu ɓɔbu ka nyɔngɔ nde, ɓáɔtɔmiaga mbino á ɓeekea nɛnu ka mokonda bui.

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

Ɓaɛphɛ́sɔ 5:17

Kaɓondɔ unge, ɓókóbóbókɛmbɛ, úbani ndiu ánjá mɔphɛ á Mɔkɔta.

Ɓaphilípi 1:9

Cɔ, ɛmɛmi nɛmɔ ka Mokonga a ɓe: Ekondani nɛnu áɓikɛ phɛɛ, ɓóúbaphɛ na ɓá na kɔɓɔɔngɛ phɛɛ

Ɓaphilípi 2:15

ka gea, ɓóɓɛ kángá oyeyɔ na kángá ɓojeɗe, ɓóɓɛ ɓana-Mokonga kángá kisɛki ka ɔlɔ á ɓato á odemayɔ na ɓakpa ɓájeɗe á ka mokonda ndee. Akeni ɓɔ́bɛnyɛ ka ɔlɔ aɓɔ ɓea ɓasɛɛngɔa á na koba,

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.