Ɓalɔ́ma 16:18 - Ɔngana á Kɛ̌kɛ

¹⁸ Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

Ɓalɔ́ma 16:18 Iomraidhean Croise

Matáyɔ 24:11

Ɓaɔtu-nyɔngɔ á mbɛa ɓásii ɓákiɗianande, ɓáǒdema ɓakpa ɓásii.

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Matáyɔ 6:24

Nna na nkpa nde aɔtɔka bɛɗaneaga á ɓakɔta ɓaɓɛ. Nga, ankangeande moci, áonkonda ɓaangbo. Kaɓɛ na nna ɓó, ajúkanande na moci, áomɓɛnjiaga ɓaangbo. Kɔ́ɔtɔka bɛɗaneaga á Mokonga na bɛɗaneaga á imɔna mɔngɔ moci.

Matáyɔ 7:15

Ɛ́ngɛphani na ɓaɔtu-nyɔngɔ á mbɛa. Ɓáobika mɔtɛ-anu na ɓáɔ́ligi nkeke á ɓamɔgɔgɔ. Suɓi aɓɔ na ɓá gǎkɛ ɓamabianga ɓakae

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Ɓalɔ́ma 14:18

Mmbé aɔmbɛɗaneaga Kiísito ɓó, amɓɔngɛi Mokonga na ɓakpa ɓáomɓeekea.

Ɓalɔ́ma 16:19

Ɓakpa ɓɔbu ɓáoúba gea ɓɔɔmɔ́ka Mokonga. Nena maseye ka nyɔngɔ anu. Mɔphɛ ani gǎkɛ ande gea te, ɓóɓɛ ɓamɔɔngɛ ka gea ánjá na yá á ɓojeɗe.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

Ɓagalatía 1:10

Cɔ, ka yɔnga ani kɛ̌kɛnde ɓó, ande gea te neokáɓa gea, ɓakpa ɓámoɓeekeɛ? Ɓɛɛndɔ! Ne ndiu okáɓa gea Mokonga ámbé ámoɓeekeɛ. Ande gea te, neokáɓa ékondisaga na ɓakpa? Atú oɓá na neokáɓa ékondisaga na ɓakpa, ámbé kétóɓɛku mbɛɗanigi ndea Kiísito.

Ɓaphilípi 2:21

Ɓakpa ɓunɛngbo ɓɔbu ɓá tɔ okaɓa nyɔngɔ nɛɓɔ sasaɓɔ, ɓáná gǎkɛ okaɓa nyɔngɔ ndea Yéso Kiísito.

Ɓaphilípi 3:19

Sungiaga aɓɔ ande ɓúngaga. Nga, Mokonga nɛɓɔ ande sɔphɔ aɓɔ. Ɓáǒbeba na kema nde atókeni kusa aɓɔ na soni. Ɓábisi tɔ měma aɓɔ ka kema á ka mokonda ndee.

Ɓakɔlɔsái 2:4

Nɛyɔngi nndɔ ka gea, nkpa kanódemɛgɛmbɛ nanga ánɔɓɔngaga.

Ɓakɔlɔsái 3:24

Úbáni gea, Mɔkɔta anɔkɔmande na ɓotukɔ nde aebisíí ɓakpa nɛkɛ. Kiísito aámbé ande Mɔkɔta á ɗoni mmbé ɓɔɔmbɛɗaneaga.

2 Ɓatɛsalɔníka 2:10

Ageande ɓojeɗe á odemayɔ bubui ka dema á ɓakpa ɓunde ɓákeni na ɓungaga nga, ɗáɓákáɓeeki na konda ɗoni nde ɗáɔtɔka amisa aɓɔ ka měma.

1 Timɔtɛ́ɔ 6:5

sani nde nna na sungiaga, ɓea ɓabóbó íɓunde ɓáná ye ɔtɔka úba á ɗoni. Ɓakpa ndɔ ɓáokanisia te, ɓeekea á Kiísito, ande aphe á ɛtɔi.

Yakɔ́ɓɔ 1:1

Eme Yakɔ́ɓɔ mbɛɗanigi ndea Mokonga na Mɔkɔta Yéso Kiísito nenósambei. Nenóɗundui ɓenu ɓato á k'ékuna nkama na iɓɛ (12) ɓunde ɓophanjekani ka mokonda.

2 Pɛ́tɛɛ 2:3

Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.

Yúda 1:1

Eme Yúda nende muna-amakɛ na Yakɔ́ɓɔ, nende mbɛɗanigi nde ɓa Yéso Kiísito. Nenóɗundui ɓenu íɓunde Abɛ Mokonga anɔɔphani, áonókonda na amba anu ka phɔa Yéso Kíisito.

Yúda 1:12

Ɓánde ephiphi ájeɗe ka nkíndí anu ka mbenɔ á eaga eea á ekondani á komunamema, ɓáoeaga n'ɛphɛɛu kángá á soni na ɓá tɔ ɔɛnjia mɔphɛ nɛɓɔ sasaɓɔ. Ɓáogea ɓó kángá kɔɓɔɓɔkɔ. Ka mbenɔ á eaga, ɓá tɔ ɔnjia nyɔngɔ nɛɓɔ sasaɓɔ. Ɓákengeani n'egugu nde aoyembia ka nyɔngɔ á maphopho nde nna kɔɔkisa mbua. Ɓá tɔ ɓea me nde nna ɔgɔmbisa mbuka nanga áɓá matú á gɔmbisa í. Cɔ, ɓá ye ophúia mǐgi í, áokuwa mɔngɔ iɓɛ.

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.

Mphaniɔ 1:1

Ɓuku nde ana mphaniɔ nde Mokonga ɗámophi Yéso Kiísito ka gea, áúbisɛ ka ɓabɛɗanigi nɛkɛ kema nde ambe átɔtɔkɛanɛ kángá iphia. Cɔ, Kiísito ɗánteki malaéka nɛkɛ ka úbisa á mbɛɗanigi nɛkɛ Yoáni nyɔngɔ ndɔɔ.