Ɓalɔ́ma 16:13 - Ɔngana á Kɛ̌kɛ

¹³ Nensambei Úphu, mmbé Mɔkɔta ɗánsɔmbu, amakɛ a phɔtɔ ayí.

Ɓalɔ́ma 16:13 Iomraidhean Croise

Matáyɔ 20:16

Yéso áɔgɔɓɛa nyɔngɔ ɓe: «Kaɓondɔ unge, ɓato á k'ama mosá-mosá ɓáɓande ɓato á mbusa, na ɓato á mbusa, ɓáɓande ɓato á k'ama mosá-mosá.»

Málikɔ 15:21

Nkpa moci ina akɛ Simɔ́ni nto á na Kuɛ́nɛ, abakɛ na Alɛsandúɔ na Lúphu, ɗátú ɔnyɛ́nya ka toka akɛ na ciko. Ɓato émani ɓâ gǎkɛ ɔmbɛɗa, ɓáonkumbisa moyangɔ ndea Yéso.

Málikɔ 3:35

Nga, nkpa nde aotambea ɓíndɔ Mokonga akondi, mmbɔ aámbé ande muna-ayi, áwáni na ayi.»

Yoáni 15:16

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Yoáni 19:27

Áongea ngoigi ndɔ: «Amakɔ aámbee.» Na ka kpanga á mbenɔ ndɔ tɔ, ngoigi ndɔ áonga ně mɔtɛ-akɛ.

Ɓalɔ́ma 16:12

Něsambei Tiíphɛna na Tiíphosa ɓunde ɓána moíngí ka nyɔngɔ á Mɔkɔta. Nensambei dani ékondi Pɛɛ́si mmbé aǒtambisaga phɛɛ ka nyɔngɔ á Mɔkɔta.

Ɓalɔ́ma 16:14

Něsambei Asinkiíto, Phulɛgɔ́ni, Hɛɛ́me, Patɔɔ́ba, Hɛɛ́ma na ɓadani ɓunde ɓáiki na ɓɔ.

Ɓaɛphɛ́sɔ 1:4

Mokonga ɗásɔsɔmbu mosá á conjá á mokonda ka gea, ɓéɓɛ ɓakpa nɛkɛ ka ɔngana asu na Kiísito ka gea, ɓéɓɛ ɓato á kanga ɓojeɗe na kángá kisɛki mosá akɛ.

2 Ɓatɛsalɔníka 2:13

Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

1 Timɔtɛ́ɔ 5:2

ɓagbɛga á ɓake ɓea ɓamakɔ, na ɓaseka ɓea ɓ'áwákɔ kángá ɓá na kanisia ájeɗe ka phɔa ɓɔ.

2 Yoáni 1:1

Eme, Ngbɛga á kanisa aámbé neɗundu ɓaoɓa ndee k'óɓɛ Ayi mmbé Mokonga ɗákɔsɔmbu, phɔtɔ ka ɓaniki nɛkɔ ɓunde někondi ɗoni. Nna tɔndɔ eme sasani aámbé nenókondi, ɓakpa ɓɔbu ɓunde ɓáúbi gǎkɛ ɗoni, ɓánokondi phɔtɔ ɓó