Ɓalɔ́ma 15:8 - Ɔngana á Kɛ̌kɛ

⁸ Nenóngoɗi gea Kiísito ɗěbisi ka bɛɗaneaga Ɓayúda ka úbisa base gea, Mokonga ande nto á ɗoni na átɔtɔkisɛ mɔkɔ nɛkɛ ka ɓatataɓɔ,

Ɓalɔ́ma 15:8 Iomraidhean Croise

Matáyɔ 15:24

Yéso áǒsikisia te: «Mokonga ɗámoteki tɔ ka Ɓaisilaɛ́li ɓunde ɓá ɓea ɓamɔgɔgɔ na ɓáɓúngigi.»

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Yoáni 1:11

Moyo ɗábiki mɔtɛ-aɓɔ, ɓakpa nɛɓɔ ɗáɓákánsesi.

Yoáni 10:16

Nena ɓamɔgɔgɔ ɓunɛngbo, ɓunde ɓáká gǎkɛ á k'ékombo ndee. Akeni phɔtɔ nétambisɛ ɓɔ. Ɓáɔ́kande ɛsɔ ani, ɓáɓande ekombo moci na mɓondigi moci.

Ekuma á ɓateki 13:46

Pɔ́lɔ na Baanába, ɓâ gǎkɛ ǒsikisia nyɔngɔ na nténdé ɓe: «Ɓenu ɓáunge ɓátókeni phɔ́ ɓánɔphɛɛ Nyɔngɔ á Mokonga mosá! Cɔ, ɓî ɓoyé, na ɔna gea te, ɓókókeni ɓá na enda á mɛyɔ, ɓegande k'ékuna nɛngbo.

Ɓalɔ́ma 11:22

Cɔ, ianagani phɔ́ ɓonjánja ndea Mokonga na kokae nɛkɛ. Mokonga aákae ka ɓundɔ ɗáɓágu. Yɛ, a gǎkɛ anjánjá k'óɓɛ aoɓá n'oomɓeekea ka ɓonjánja nɛkɛ. Aoɓá na kógi ɓó, ámbé ɓákotenande phɔtɔ.

Ɓalɔ́ma 11:30

Cɔ, kala, ɗóɓókótú ɔmɔ́ka Mokonga, kɛ̌kɛnde gǎkɛ anokui ngomi ka nyɔngɔ nde Ɓayúda ɗáɓákámɔ́ki.

Ɓalɔ́ma 15:16

ka ɓá mbɛɗanigi ndea Yéso Kiísito ka phɔa ɓakpa ɓunde ɓáná Ɓayúda. Nɛɔbɛɗanaga ekuma á ntoɓeigi-phɛ́a ka tɔ̌miaga Mbino-Ánjá ndea Mokonga ka gea, ɓunde ɓáná Ɓayúda ɓáɓɛ ɓea ɛkɔmi nde Měma á kanga ɓojeɗe asokosei.

Ɓalɔ́ma 3:26

Ka nyɔngɔ á ngomi nde Mokonga aně, yɛ ɗákondi phangia koɗoni nɛkɛ ka matú ndee. Ka gea akɛ ɓó, aunge áontanga nto á koɗoni nkpa buakɛ mmbé amɓeeki Yéso.

Ɓalɔ́ma 3:3

Eya, Ɓayúda ɓunɛngbo ɗáɓákáɓeeki nyɔngɔ á Mokonga! Ɓî a ɓó, ande gea te, ka nyɔngɔ índɔ aunge Mokonga aguande ka koɗoni nɛkɛ?

Ɓalɔ́ma 4:16

Kaɓondɔ, ɓɛtɔí gǎkɛ tɔ ɓotukɔ ndɔ ka nyɔngɔ á ɓeekea, ka gea te, mɔkɔ ndea Mokonga áɓɛ ka nyɔngɔ á ɓonjánja-ékondi nɛkɛ. Mpɔ, áoúbikana ɗoni gea, mɔkɔ ndɔ ande ka phɔa á ɓato á k'ɛɓɔkɔti bui ndea Abalaámu. Ande gea, nna tɔndɔ ka ɓunde ɓáoamba ɛɔphi, a ndiu phɔtɔ ka ɓunde ɓá na ɓeekea ɓea Abalaámu, mmbé ande tatasu ɓesu ɓɔbu.

1 Ɓakɔlítɔ 1:12

Nekondi ngoɗea anu ɓe: Sɔsɔɓɛ anu, nkpa na nkpa aɔyɔnga yɔnga ínɛkɛ gea: «Eme, nende nkpa nde ɓa Pɔ́lɔ.» Ɓaangbo: «Eme nende ɓa Apɔ́lɔ.» Ɓaangbo: «Eme nende ɓa Pɛ́tɛɛ.» Na ɓaangbo «Eme nende ɓa Kiísito.»

1 Ɓakɔlítɔ 10:19

Cɔ, nɛ́yɔngɛ ye ɓo? Nyama nde ɓáphúi k'ɔ́phɛ́ɔ á ɓamokonga á mbɛa, ande kema sina, kaɓɛ ɓamokonga á mbɛa ana kantíti sina?

1 Ɓakɔlítɔ 10:29

Nɛyɔngi ɓó ka nyɔngɔ á měma á nkpa ndɔɔ, nna ka nyɔngɔ á měma anu. Cɔ, ka nyɔngɔ sina nde nyɔngɔ á měma á nkpa ɓaangbo, aoimisia nyɔngɔ á kema nde neogea ú kángá ngǎka?

1 Ɓakɔlítɔ 15:50

Ɓaya, negie: Nnde ɓáconji na nyama na magia nnaɔtɔka n'angí ka koɓoamɛ ndea Mokonga, na kema nde aoújukana, nnaɔtɔka n'aiki kanga újukana.

2 Ɓakɔlítɔ 1:20

Nga, ka Yéso aámbé Mokonga agi eya ka mɔkɔ nɛkɛ bui ndea Mokonga. Ka yɛ Yéso, ɓeoɓeekea: «Áɓɛ ɓó» ka ɗokomisa á Mokonga.

Ɓaɛphɛ́sɔ 2:12

Mosá, ɗóɓokótú omúba Kiísito. Ɗóɓokótú k'ékombo ndea Ɓaisilaɛ́li ɓunde Mokonga ɗáɛsɔmbu, ɗóɓotú ndiu nɛnu ɓatókanga. Mɔkɔ á ɔngana ndea Mokonga ɗákátú ka ɓenu. Ɗátú tɔ ka ɓakpa nɛkɛ. Ɓóoɓá ka mokonda, kángá á nseɓeɔ, na kángá á Mokonga.