Ɓalɔ́ma 15:7 - Ɔngana á Kɛ̌kɛ

⁷ Cɔ, seseanani na maseye ɓíndɔ Kiísito ɗánósesi phɔtɔ ka gea Mokonga áɓɛ n'obebɔ.

Ɓalɔ́ma 15:7 Iomraidhean Croise

Matáyɔ 10:40

«Nkpa nde anósesi, amosesi. Nkpa nde amosesi, ansesi mmbé amoteki.

Málikɔ 9:37

«Nkpa nde ansesi miki abɔbɔa ɓea mmbé, ka nyɔngɔ á ina ani, amosesi eme. Cɔ, nkpa a ye omosesea, kámosesi tɔ eme, ansesi phɔtɔ mmbé amoteki.»

Lóka 15:2

Ɓaphaisáyɔ na ɓaɗundu-ɛɔphi ɓâ gǎkɛ ɔngɔngɔnaga sɔsɔɓɛ aɓɔ. Ɓáogea: «Mogaa nde aǒsesea ɓato á ɓojeɗe. A phɔtɔ oeaga na ɓɔ!»

Lóka 9:48

Aǒgea te: «Nkpa nde ansesi miki nde k'ína ani, amosesi phɔtɔ. Nkpa nde amosesi, ansesi phɔtɔ mmbé amoteki. Nga, nkpa nde aǒdidisa sɔsɔɓɛ anu aámbé ande mɔkɔta.»

Yoáni 13:34

Nenophi ɛɔphi á kɛ̌kɛ: kondanagani. Ɓindɔ eme ɗénokondi, ɓenu kondanagani phɔtɔ ɓó.

Yoáni 6:37

Ɓakpa ɓɔbu ɓunde Abɛ amopi, ɓámobikiande. Mmbé amobikíí kémɓeɛgɛku tanda.

Ɓalɔ́ma 15:9

ɓunde ɓáná Ɓayúda ɓáombeba Mokonga ka nyɔngɔ á ngomi nɛkɛ ɓíndɔ ɓáɗundu suɓi á ɓuku ndea Mokonga gea: «Kaɓondɔ unge nekobebande sɔsɔɓɛ á ɓakpa ɓɔbu na neémbande ka ɗokomisa ina akɔ.»

Ɓalɔ́ma 5:2

Ka nyɔngɔ akɛ phɔtɔ unge ɓena ɓeekea gea, ɓebîmisi ɓonjánja-ékondi ndea Mokonga nnde ande cina á ɓeekea nde ɓeikíí. Ɓena maseye ka nyɔngɔ nde nseɓeɔ nɛsu ande ɓá na ɓoombia ndea Mokonga.

Ɓaɛphɛ́sɔ 1:12

Cɔ, ɓémbebɛni Mokonga ka ɓoombia nɛkɛ, ɓesu íɓundɔ ɗéɓenseɓei Kiísito k'ama mosá-mosá.

Ɓaɛphɛ́sɔ 1:18

Nɛɔmɛma gea ákoɗokisɛ iso anu á ka měma ka owanga nɛkɛ. Mpɔ, ɓôúba nseɓeɔ nde ɗánɔɔphanei na ɓongbóngbó á ɓoombia á ɓotukɔ nde ɗáebisíí ɓakpa nɛkɛ.

Ɓakɔlɔsái 3:13

Phiphianani, aoɓá ka ɓenu n'ana nyɔngɔ á kitɔngi ka dakɛ, áímɛ ú ɓíndɔ Mɔkɔta ɗáími ɓojeɗe nɛnu.