Ɓalɔ́ma 15:26 - Ɔngana á Kɛ̌kɛ

²⁶ Kanisa á ka Makɛdɔnía na nnde á ka Akáya ɗáɓáɔni ánjá ɓákɔngɔɛ imɔna ka taɓea ɓaɓêki á ka Yɛusalɛ́ma ɓunde ɗáɓátú ka ɓuyɛnɛ.

Ɓalɔ́ma 15:26 Iomraidhean Croise

Matáyɔ 25:40

Moamɛ aesikisiande te: ‹Nenóngoɗi ɗoni gea, kema nde ɓoogea ka ɓadani íɓundɔ ɓáná na ɓoombia, aunge ɓo ye gi k'eme.›

Matáyɔ 26:11

Ɓona ɓato á ɓuyɛnɛ esa bui bíbí anu. Eme kéɓɛku gǎkɛ na ɓenu wani esa bui.

Lóka 14:13

Cɔ, mbenɔ nde ɔ̌ɓɔphana ɓakpa ka jaí, ɔ́ɓɔphana ndiu ɓaúki, ɓaɗɔti na ɓakeíme-íme.

Lóka 6:20

Yéso áɔ̌ɔnjia ɓagoigi nɛkɛ áǒngoɗea: «Maseye ka ɓenu ɓato á ɓuyɛnɛ nga, koɓoamɛ ndea Mokonga ande anu.

Ekuma á ɓateki 16:12

Tóka á wa, ɓéojua ka Philípi, ntanga-nji ángbó á k'ama mosá-mosá á ka Makɛdɔnía nnde Ɓalɔ́ma ɗáɓátúmi kau. Kó, ɓéoɗa ɓ'esa ábɔa.

Ekuma á ɓateki 16:9

Kǐpha, Pɔ́lɔ áɔɔna mphaniɔ, áɔmɔna nto á ka Makɛdɔnía n'amame. Yɛ áonɗengemisaga Pɔ́lɔ, áongea te: «Káia, óbikɛ ósoengɛ ka Makɛdɔnía.»

Ekuma á ɓateki 18:12

Cɔ, ka matú nde Galíɔ ɗátú mɔkɔta ndea Ɓalɔ́ma ka Akáya, Ɓayúda ɗáɓájúkani gǎkɛ ka maca á Pɔ́lɔ, ɓáombika ně ka ntua á tena á nyɔngɔ.

Ekuma á ɓateki 19:21

Mbusa índɔ, Pɔ́lɔ áosuia ka měma akɛ tenisia ka Makɛdɔnía na Akáya ka gea, ájuɛ na Yɛusalɛ́ma. Áɔyɔnga te: «Mbusa á gǎ kó, akeni phɔtɔ négɛ na Lɔ́ma.»

Ekuma á ɓateki 9:13

Ananía áonsikisia te: «Mɔkɔta, ɓakpa ɓásii ɓámɔtɔ̌migi nyɔngɔ á nkpa ndɔ na ɓojeɗe bui nde ɗégǐí ɓaɓêki nɛkɔ, ɓundɔ ɓá ka Yɛusalɛ́ma.

1 Ɓakɔlítɔ 16:15

Ɓooúba gea Sɛtɛphána n'ekombo nɛkɛ ɓánde ɓakpa nde ɗáɓámɓeeki Kiísito k'ama mosá-mosá ka ntanga-nji ndea ka Akáya. Ɓɔ ɓáunge ɓáɔ̌bɛɗaneaga ɓaɓêki. Ɓaya, nenóɗengemisigi gea,

1 Ɓakɔlítɔ 16:5

Nejúande mɔtɛ-anu ka nyɛ́nyɛa nci á Makɛdɔnía nga, netingande ú.

2 Ɓakɔlítɔ 1:16

Ande gea te, ɗénesui donda anu mosá á gǎ ani na Makɛdɔnía. Mbusa, nê goto onódonda ka ja ani gea, ɓómotúmbaneɛ ka gǎ na Yudɛ́a.

2 Ɓakɔlítɔ 11:9

Ɓî ɗétú mɔtɛ-anu, nna na nkpa nde ɗátú omogabea kema nde ɗétú na siki í. Ɓadani ɓaɓêki á ka Makɛdɔnía ɓáunge ɗáɓáomobikia na nkumba bui nde ɗéna siki í. Ɗékébisi ɓoɗoko ani ka ɓenu na kébisɛku.

2 Ɓakɔlítɔ 2:13

Měma ani ɗákátú gǎkɛ na ɓujɛjɛ nga, ɗékéndondi muna-amasu Títɔ. Kaɓondɔ unge ɗɛ́ɔku ɓato á ka Tɔ́a, néoga na Makɛdɔnía.

2 Ɓakɔlítɔ 7:5

Nga, mbenɔ nde ɗéɓejú ka Makɛdɔnía mosá, ɗéɓékéúmbi, ɓê ndiu otambaga phɛɛ: Oyombɔ, ɓéoɓá na ɓánga.

2 Ɓakɔlítɔ 9:12

Nga, ekuma ndɔ ɓɔɔbɛɗanaga, nna tɔ ka enga á ɓakpa ndea Mokonga. A phɔtɔ kǒɓopha ɓakpa mɔphɛ á sega Mokonga phɛɛ.

2 Ɓakɔlítɔ 9:2

Neúbi ye mɔphɛ ánjá nɛnu. Kaɓondɔ, něbebi ka nyɔngɔ anu, mosá á ɓato á ka Makɛdɔnía, néǒgea te: «Ɓakiísito á ka Akáya, ɓá ye ɛ́ɓɔngisigi ka taɓeá kpanga ka saga nde anyɛ́nyima.» Moíngí nɛnu, aéɓotei ɓakpa ɓásii ka ɔlɔ aɓɔ.

2 Ɓakɔlítɔ 9:4

Nga, aoɓá na nekiɗi ye na ɓato á ka Makɛdɔnía ndɔ na ɓókóɔ́ɓɔngisigimbɛ, ámbé ɓekuwande na soni ka nyɔngɔ nde ɓenóseɓei. Soni ndɔ aɓande phɔtɔ ka ɓenu.

Ɓaphilípi 4:15

Ɓenu Ɓaphilípi, ɓooúba ánjá gea, ɓî ɗénetóki ka Makɛdɔnía ka matú nde ɗáɓákpangi tɔ̌miaga á Mbino-Ánjá, kanisa nɛnu tɔ unge ɗámoengi, ɓenu sisanu tɔ ɓáunge ɗóɓotú kimoci n'eme ka ɓokambia na ka kekusa.

1 Ɓatɛsalɔníka 1:7

Kaɓondɔ, ɓonde mphangiɔ ka ɓaɓêki ɓɔbu á ka Makɛdɔnía na á ka Akáya.

1 Ɓatɛsalɔníka 1:8

Nga, ka nyɔngɔ anu, nyɔngɔ á Mɔkɔta ɗáɛmbi ka mokonda bui, nna tɔndɔ ka Makɛdɔnía na ka Akáya. Nga, ɓeekea nɛnu ka Mokonga aunge andandisi nyɔngɔ nɛkɛ. Kaɓondɔ unge, ɓéké ye na nyɔngɔ angbo á ngoɗea á ɓakpa.

1 Ɓatɛsalɔníka 4:10

Eya, ɓǒkondi ɓato á Mokonga ɓɔbu, ɓunde ɓá ka ntanga-nji á ka Makɛdɔnía bui. Ɓaya, ɓɛnɔphɛí gǎkɛ gea, ɓósuiɛ phɔtɔ ekondi ndɔ phɛɛ.

1 Timɔtɛ́ɔ 1:3

Ɓî ɗétúoga na Makɛdɔnía, ɗékongonɗi gea, óikɛ ka Ɛphɛ́sɔ. Kó, óimisiɛ ɓakpa nde ɓáogoisaga ɓɔphɛi á mbɛa.

Philɛmɔ́nɔ 1:5

Nga, nɛɔɔ́ka mbino á ekondi na ɓeekea nɛkɔ nde oně ka Mɔkɔta Yéso na ka ɓaɓêki ɓɔbu.